أضف سؤال أو موضوع جديد          

مشكلة نظام المقود الهيدروليكي .. ماهي المشكلة وما هو حلها ؟

up 0 down 0
3zyiz 260
قبل 4 سنه و 7 شهر



السلام عليكم ورحمة الله وبركاته

اليوم يا اخوان رحت الدوام الصبح ووقفت سيارتي عادي وما فيها اي شي !
طلعت الظهر كالعادة نهاية الدوام .. احاول اشغل السيارة مارضت تشتغل !!! الأنوار تشتغل طبيعي بس ما قدرت حتى اقف الزجاج لأني نسمت الزجاج الأربع شوي عشان حرارة الشمس

شفتها ماشتغلت تركتها في الدوام لين بعد صلاة العشا ، يكون الجو برد شوي
المهم رحت اجرب .. شغلت ماشتغلت
الأنوار برا تشتغل اذا فتحت الأبواب بالريموت
الأنوار الداخلية ما شتغلت ابد
الشنطة ما تفتح لا بالريموت ولا بالزر من داخل السيارة

حاولت ابحث عن المشكلة او تهريب زيت او شي !! ما فيه الا العافية
فكرت افصل اصابع البطارية مع اني مغير البطارية من 4 ايام بس .. توها جديدة
لكن ماعندي مفكات ولا عدة

المهم قلت في بالي يبي لها سطحة اشيلها ...
قفلت الأبواب بالريموت والزجاج طبعا مفتوح ( من الظهر ) ماتقفل الزجاج

وانا ماشي ضغط على قفل الأبواب من الريموت .. ورجعت ضغطت مرة ثنية اغلاق الأبواب وزر التشغيل .. بسم الله والا هي تشتغل !!!
كيف ؟ وليش ؟ وش السالفة ؟؟
مدري !

الي كان ظاهر لي في الطبلون قبل ما تشتغل السيارة علامة الخطأ الي بالصورة
الأن راحت علامة الخطأ وكل شي شغال تمام التمام

ولكن المشكلة وين ياجماعة ؟
هل صارت لكم ؟
اخاف تحصل مرة ثانية وابتلش وودي اعرف وش المشكلة ووش حلها ؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على السوق وبيعها 


up 1 down 10
hart90 25
قبل 4 سنه و 7 شهر



نوع سيارتك وموديلها ؟


up 1 down 0
camaro28 812
قبل 4 سنه و 7 شهر



شيك على بطارية الريموت جرب قرب الريموت على الزر واضغط زر التشغيل بالريموت نفسه اذا اشتغلت فالسبب منها


up 1 down 0
moathqaisiyah 178
قبل 4 سنه و 7 شهر



شفت لك عالكاتلوج اون لاين وقريت .. شكلك مالك خلق تقرأ :) والكاتلوج مو مفصلين المشكله لكن كاتبين في مشكله بنظام الطاره الكهربائي او الهيدروليكي خذها بلطف وهدوء للوكاله باسرع وقت


up 1 down 0
camaro28 812
قبل 4 سنه و 7 شهر



اذا ظهرت نفس العباره مع لمبة ABS
شيك على حساسات الABS


up 0 down 0
alhkami 439
قبل 4 سنه و 7 شهر



السلام عليكم

ابشركم يا جماعة دخلت السيارة الوكالة وسويت لها فحص بـ ( 240 ريال ) وطلعت المشكلة من علبة الفيوزات
طبعا بعد الفحص قالو علبة الفيوزارت + تنظيف بخاخات

بالنسبة لتنظيف البخاخات فهذي اعتقد من روسهم لأن السيارة ما فيها اي مشكلة من ناحية الدعسة او صرفية البنزين او الكربون لذلك لبخاخات مستبعدة تماما من المشكلة ..
بالنسبة لعلبة الفيوزات اتضح لي اخر مرة اذا سكرت الباب بقوة ولعت اللمبات الداخلية ، اذا ولعت اللمبات الداخلية معناتها السيارة تشتغل وبالفعل اشغلها وتشتغل
اما اذا ما ولعت اللمبات الداخلية ماراح تشتغل ..

شرح اكثر تفصيل :
احاول اشغل بالريموت لا تعمل
افتح الباب بالريموت والاحظ ان الأنوار الخارجية شغالة كالعادة تجلس ثواني وتطفي ، اما الداخلية تطفي اذا شغلت السيارة .. لذلك اللمبات الداخلية تبعت السقف اقصد بالكلام انها ما تشتغل اذا فتحت باب السيارة
وفي هالحالة ما تشتغل السيارة

لما قالو بنتيجة الفحص انها علبة الفيوزات عرفت الأن ان لمبات السقف ما تشتغل بسبب فيوز او علبة الفيوزات او كهرب او سلك داخل العلبة والله اعلم
بكرة اطلع السيارة من الوكالة واتجة لكهربائي اشيك على العلبة واشوف وش وضعها

شكرا للجميع على المشاركة


up 0 down 0
3zyiz 260
قبل 4 سنه و 6 شهر



الأخ camaro28
السيارة إمبالا 2014 LS


up 0 down 0
3zyiz 260
قبل 4 سنه و 6 شهر



سلام عليكم اخوي المشكله حصلت
معي وسيارتي كابرس 16 مثل نظام الامبالا 
وش القطع وكم كلفتك وكيف صلحوها 


up 0 down 0
3baadi30 -1
قبل 4 سنه و 2 شهر



هذي المشكلة الي حصلت يا اخوان :
https://www.youtube.com/watch?v=pwprfdJwVZQ&t=29s

وهنا الحل :
https://www.youtube.com/watch?v=692A9sLUH10&t=59s

الي صار له مثل مشكلتي يدخل على الشرح للمشكلة وحلها يمكن اني قدرت افيدكم فيها باذن الله
وباختصار مشكلتي هي بسبب الظفيرة او الكتاوب الي فوق البطارية بالضبط وقيمتها 170 ريال بالوكالة



up 0 down 0
3zyiz 260
قبل 4 سنه و 2 شهر



تصحيح :
الكتاوب = الكتاوت


up 0 down 0
3zyiz 260
قبل 4 سنه و 2 شهر