أضف سؤال أو موضوع جديد          

ماهو ضرر المشى بالسيارة و طرمبة الماء خربانه

up 2 down 2
hofo 222
قبل 11 شهر



السلام عليكم
جمعة مباركة عليكم جميعا

(عندي طرمبة الماء خربانه)

وبعض الاوقات اضطر امشى على السيارة لمسافة قريبه من البيت واكون امشى بهدوء بدون لاترتفع الحرارة

هل فيه ضرر على السيارة ؟ ومن اي ناحية ؟

وشكرا.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف نصيحه وقفها ولاجات فلوس صلحها انا معاي وحده

واعرفها ايش احسن تخصر حق طرمبه جديده او مكينه وطرمبه مع سعر التركيب؟!

خليها واقفه ولو توفرت الفلوس صلحها وف النهايه ردي اعطاك المفيد وعدم المخاطره وبراحتك ..


up 6 down 2
باسل النزهة 31
قبل 11 شهر



حياك الله (باسل)

من جد بتسبب لي مشاكل في المكينة!
اعوووذ بالله اوقفها افضل بمليون مره ولاتخرب على

شاكرلك على النصيحة


up 3 down 0
hofo 222
قبل 11 شهر



تصيحه لاتركب الا اصلي gm
سعرها تقريبا 900


up 2 down 0



راقب الحراره.  لاترتفع.  وفي اقرب فرصه صلحها


السلام عليكم
اكيد تعدم عليك المكينه هي الي تضخ ددورة الماء من الرديتر للمكينه حتى لو مشوار بسيط بلحظه ترتفع الحرارة وتحرف وجه الراس


up 3 down 1
ra3d777 344
قبل 11 شهر



عندك المكينة رح تودع غير الطرمبة احسن من انك تغير المكينة


up 2 down 0
xya96ionyx 22
قبل 11 شهر



مادام الحرارة ما ارتفعت مافيه اي مشكله بس خلك تراقبها هذا اذا ضروفك الماديه صعبه اما اذا معك قروش غيرها وريح راسك لكن سؤالي وش العطل اللي بالطرمبه ؟هل تهرب ماء او وش مشكلتها 


up 0 down 3
برق الحيا 88 593
قبل 11 شهر



انا عن تجربة السنة اللي طافت
كانت طرمبة الماء تهرب بس ما ترتفع الحرارة
استخدمتها حول ثلاث ايام ثم غيرتها .. ولا واجهتني مشاكل ولله الحمد

انت المشكلة عندك تهريب ولا ما تدور الماء 

إذا تهريب ان شاء الله ماعليه خوف استخدام بسيط وايام قليله.
إذا ما تدور الماء خل الموتر واقف ابخص .. لانه في اي لحظة تضرب المكينة.

والسلام.


up 2 down 1
بو مبارك 79 12
قبل 11 شهر



الطرمبة ضروري تغيرها فوراً لانه راح ترتفع الحرارة وتتضر المكينه وينقص عمرها كلما تاخرت اكثر هذا ان لم تجيم وان جيمت تكاليفها باهضه مش مثل تغيير شنابر فقط الا راح حتى تغير عمود الكرنك لانه مع التجييم ينعفط من الحرارة او يطلع عليك البسم من الجنب وتغير نص مكينه ماينفع معها لاخراطه ولاغيره .

بقي اذكر لك احد اهم اسباب خراب طرمبة الماء + رمانات الدينمو و رومان الوزنيه حسب السيارة ، السبب غالباً هو شد السير بقوه وهو حرص يأتي بنتائج عكسيه ، السير لازم يكون بوضع طبيعي بحيث فقط يتعدى مرحله صوت الصرير ، يعني لما تسمع صوت صرير السير فقط شد عليه قليلاً ليتوقف الانزلاق .

لكن ان شديت السير بقوه يبداء يتأكل المعدن في اي بكره متصله به .


up 1 down 0
ابو لؤي2017 54
قبل 10 شهر و 3 أسبوع



الطرمبه بعض المرات تهرب بسيط وتعلمك ان  يبيلها تغيير وغيرها ع طول
وبعض المرات تخر الماء خر تعبي القربه من فوق ويروح سيدا مع تهريب الطرمبه 
وتخليك في موقف لايحسد عليه وترتفع معك الحرارهH

انتبه غيرها فوراً ولاتستهين فيها ابداً ابداً 


up 1 down 0
hi there 3
قبل 10 شهر و 2 أسبوع



حياك الله
التهريب على خفيف وقربة الماء على الربع ،
لاني ناوي اصلحها ومتردد اروح فيها او اخذه في سطحه؟


up 0 down 0
hofo 222
قبل 10 شهر و 2 أسبوع



اشتر الطرمبه وركبها انت عند البيت .
تراها ماتعدى اربع مسامير لفكها اما السيور فعادي فكها من الميزانيه .
اغصب نفسك تعلم حاول تصلح اي شي تقدر وخلي الورش والمال اخر شي .
مو الهدف توفير فلوس فقط لكن الى متى تندفع وبالتالي كلها شغلات مقدور عليها . انت اولى ان تشتغل بموترك واحرص من العامل .


up 1 down 0
ابو لؤي2017 54
قبل 10 شهر و 2 أسبوع



بارك الله فيكم جميعا ونورتو صفحتي بردودكم .
والحمدلله حلت المشكلة وخليت السيارة واقفة لين تدبرت الدراهم وشريت طرمبة.
-----------------------------------------------------------------------------------
ابو لؤي 2017

والله تحمست ولي فترة مهو قصيرة بالبحث عبر اليوتيوب حتى عرفت كل مسمار وطريقة فكه
الحمدلله توكلت على الله وغيرتها بنفسي .


شكرا لكم .


up 0 down 0
hofo 222
قبل 7 شهر