أضف سؤال أو موضوع جديد          

بدون ذكر اسم العضو أو التاجر لكن انتبهووووووووووووووو

up 11 down 0
checkpointksa 545
قبل 8 سنه و 7 شهر



يوجد تاجر في موقع حراج من أبها مدري من خميس مشيط

عارض اكثر من جمس تاهو يوكن وغيره

وعداداتها حول 60 الف ميل

وهذا سبب لي علامة استفهام

وكل ما اطلب منه رقم الهيكل يعيي و ما يرضى

و في النهاية كتب في اخر اعلان

"يااخوان اللي له نظر على السياره فيقابلني ويفحص وين مايبي لو بالوكاله

رقم الهيكل مااعطيه احد الا للشخص الصامل يقايلني ويحط عربونه وياخذ رقم الهيكل ويفحص بالمكان اللي يناسبه وان طلع بالموتر شي اتحمل تكاليف الفحص


وسلامة الجميع"

يعني مو معقوله الواحد يضرب مشوار من الرياض مثلا عشان يفحص ويتاكد برقم الهيكل وتطلع السيارة مضروبه او مغير عدادها

اللي واثق يسدح رقم الهيكل ويقول تفضل روح افحصها

المهم انتبهو من مثل هاذولي التجار









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


للمعلومية ... يمكن عنده معلومة انه مايعطي احد رقم الشاص او يكون فيها مشكلة وخايف ...


وانا احس انه صامل دامه قال حط عربونك وروح افحص ... واذا طلع فيه شيء هو يتحمل ....

شوفلك شخص في ابها .... او انتظر حتى تبدأ إجازة الحج وابشر بعزك انا أفحصه لك


up 2 down 0
شهري 507 2305
قبل 8 سنه و 7 شهر



صارت معي كنت بشتري فورد تورس موديل ٢٠١١ 
ولقيت ممشاها ٣٣  وستاندر. ف اخذت رقم الشاصي وشيكت عليه.  والله الطريقه سهله خذ رقم الشاصي وحطه بقوقل وبتطلع لك احيانا معلومات عنها
المهم لقيتها ماشيه ١٤٠ الف ميل.  طبعت التقرير ورحت له ورميته بوجهه وفتحت باب السياره وحطيت التقرير ع الطبلون وقلت للزلممممه لو رحت ورجعت ومالقيت هالتقيرير على الطبلون ترا بورطكم  وترا عندي نسخهه


up 6 down 0
شكلين مابحكي 3160
قبل 8 سنه و 7 شهر



الصامل و الواثق من بضاعته يقول اتفضل خذ رقم الهيكل وافحص

اذا بيعوضني قيمة التذكره من الرياض لأبها لو طلع العداد معدل باجيه وافحصها واخذ رقم الهيكل منه واشوفها

لكن وش ذنبه اللي يضرب مشوار وتطلع الهرجه فشنك

تراسلت معاه و قال كلامك غير صحيح ومن ذا الكلام واتحديته يسدح الهيكل لاخر ثلاث سيارات عارضها لكن ما حيسويها

الشاهد الواحد ينتبه ولا يضرب مشوار على شي مو متاكد منه


up 3 down 0
checkpointksa 545
قبل 8 سنه و 7 شهر



والله وانا اخوك قد ضربت مشاوير ولقيت سيارات مضروبه واخرتها فورد فالشرقيه وكانت المكينه مضروبه وحالته حاله وطلع نصاب وقلتله لو ماشلت الاعلان ترى بفضح فيك او انك تكتب عيوب السياره وماتخلي العالم تضرب مشاوير سفر واخرتها سيارتك تعبانه وكلامك يتغير بعد ماتكب فالموقع انها نظيفه ... المهم لحد يشتري سياره الا بفحص الكارفكس ويعطيك العافيه يا شيك بوينت على هذي التنبيه


الله يعطيك العافية وأهنئك على حرصك وليت كل الي يشترون سيارات مستوردة يشيكون برقم الشاص على الموتر وعيوبة .

...... وتستاهل لايك .


up 3 down 0
مستر بن . 10379
قبل 8 سنه و 7 شهر



يعطيك العافية  على التنبيه ويفصل لوتسدح اسمه 
أو رقم الإعلان


up 2 down 0
mr.abuud 1708
قبل 8 سنه و 7 شهر



اكيد سيارته خربانه ناس تحط سيارتها شي وهيا ولاشي استغفرالله بسسسس


up 4 down 0
ياسر العتيبي .. 503
قبل 8 سنه و 7 شهر



الواحد ما يبغى يتكلم ويظلم الرجال يمكن انه صادق وممكن نصاب ... لكن هو بالاسلوب هذا بصراحة يخلي الواحد يشك فيه ويجيب الشبهه لنفسه ...


up 2 down 0
صاحب السمو 2 1500
قبل 8 سنه و 7 شهر



ذكرتوني بسالفة واحد

سافر على كلامه 300 كيلو

عشان سيارة نظيفة بمعنى الكلمة

ويوم شاف السياره عالطبيعه

طلعت ماهي هي اللي بالصورة خخخخخخخ

الاخ حاط صورة سيارة تبرق ووكاله على انها هي

الزبده لو اني مكان اللي راح يشوف السياره كان دعسته بالسياره ولو يحصل اني اشلوطه عالفحم يكون احسن


up 3 down 0
YASSER505 4174
قبل 8 سنه و 7 شهر



بعض الاخوان يطالبون بذكر اسم العضو او رقم الاعلان

لكن ما ودي اذكر هذا عشان لا تحكم محكمة الموقع على موضوعي بالقصاص شنقا مع الوقف

النبيه حيعرف من هو العضو بدون ذكر اسمه



up 1 down 0
checkpointksa 545
قبل 8 سنه و 7 شهر



 اقسم  لكم بالله  فيه واحد بموقع حراج اتصلت عليه  ويقول سياره نظيفه ويبي لها تربيطات  ومكينه فيها جلد بلوف وفيها رشات خفيفه 

   والله  يوم فحصت السياره  طلعت بلاوي فيها  مكينه تبي توضيب كامل  فيه اثنين  بساتم موشغاله  وفيه 6 بلوف مو شغاله عمود كرنق تسمع صوته  
   
  البودي يقول فيها  رشات  طلع بودي مسمكر كامل حتى تنده مسمكره  والاربقات طالعه وين الي فيها رشوش  

  ويقول  الارضيه يبي لها تربيط والله  يااخوان حتى عمود دفرنس  والقير يرج والاذرعه والدوده والركب ومساعدات مفقعه كلها  

    والله يوم  شففت الفحص   قلت لو تعطيني موتر 2000 ريال ماخذته    وطالب فيها 150 الف  احذرو منهم 


up 2 down 0
سكودر 14928
قبل 8 سنه و 7 شهر



الله المستعان , حسبى الله على كل غشاش .


up 0 down 0
دريكيش 364
قبل 8 سنه و 7 شهر



اخذ رقم الشاصي من حق المشتري لان الشخص المشتري بيدفع مبلغ وقدره


up 0 down 0
trente 2
قبل 8 سنه