عندي كابرس وابغى اجدده من الصدام للصدام

كم مديله
بيكلف عليك
لاكن اذا كنت هاوي هذا كلام تاني

السلام عليكم ورحمه الله وبركاته
اخوي على الانستقرام والله اعلم

مديله ٨٣ يااخوي

شوف اذا الاساسيات نظيفة يعني مكينة وقير ودفرنس فتوكل على الله وعندك هواية التجديد يعني في البيع لا تفكر يجيب سعر وقبل لا تبدء تأكد من وجود قطع الغيار

المكينه شريتها واستعملتها شهر ووقفتها وع وقفتها ١٠ سنوات

والقري مخبط

كم تتوقع تكلم الميكانيكا كامله بدون بويه وديكورات داخليه

و الله خساير عالفاضي
لو انه موديل ٩٠ اقول ممكن
و بشكل عام سيارات الكلبليتر راح زمانها غير عملية

الاسعار ما عندي علم فيها وذلك على حسب منطقتك وهل تلقى قطع غيار جديدة او مستعملة وتقديرا ممكن تكلفك من 2000 الى 3000 شغل ميكانيكا

3000 ذي تشغل الموتر وتخليه يمشي ؟

ما تسوا ولله ان اك رغبة اشتري وحدة نظيفة

انابعطيك الاشياء الي ترجعه يمشي فقط واضرب حسابك حول 7الاف
الجير مع التركيب حدود2000
طقم كفرات نوع زين800ريال 
رشه اي كلام1500 او مطفي700ريال
تربيط للاشياء العطلانه فقط حدود1000ريال
تصليح رديترات والليات والاشياء الي نشفت وماتدري المكينه وش وضعها يمكن1000
المكينه بنفسها يمكن جيمت ويمكن نشفت فاحتمال انها تشتغل ضعيف جدا
هذا الاساسيات باقي القزايز والكهرباء والمقاعد يعني جيب مثله نظيف ابركها من ساعه

اجل نصيحه اخوك وانصحوك الاخوان
وفر على نفسك فلوس و وقت
بتتعب و بتلهد بالورش
شي يتصلح وشي يرجع يخرب
واخرها كابرس83
لو تصب فيه 40 الف ما رحت عليه خط
لو هي كامري 2002 وبتجدددها او سياره مثلها
وعندك هوايه اوكيه ع الاقل بتخدمك وبتحصل قطعها متوفر تشليح وجديد

انا اشوف ان الواحد مايتعب ويجدد سيارة الا تكون نادرة

لأن حتى تقدر تركبها وتكون صالحة للاستخدام يبغالك 8 الى 10 الاف

الان الكابريس والفوردات من ارخص السيارات

تحصل كابريس 90 او 89 بخاخ لنججج والله مايتعدا 9 الى 10 وخلي الي عندك ال83 تشليح تستفيد منه

اصرف النظر عنها معنا 200ال ثمانين تعبتني صرت شيبة بسببها كل يوم عطل والفحص طلعولها بلاوي وخرابات
غسلتها بستم علبة الدركسون صار يهرب زيت

ما انصحك تجددها لو انها موديل 90 او على الاقل 89 اقولك انا معك شكل مرتب واجمل واخر دفعة من هذا الشكل

دام السيارة محركاتها تعبانة والبودي يحتاج تجديد والداخلية تحتاج تجديد وش بقى فالموتر ؟؟ هذا غير الاشياء الاستهلاكية وغير وغير وبيكلفك  تاخذ لك واحد شغال ويمشي وتضيف عليه بعض الشغلات او تجدد فيه بعض الشغلات البسيطة افضل من صنع السيارة من الصفر   وللمعلومية قطع الكابرس ماهو متوفرة الفطع الاصلي ونادرة واذا حصلتها عند الي يبيعون بالانستقرام او الحراج تلقى القطعة غالية  نصيحتي لك اذا هاوي كابرس شوف لم وارد امريكا او دور لك واحد شغال واموره تمام ويادوب تخلص  نصيحة اخو ومجرب ف السيارات القديمة اخذت لي كرسيدا واقفة ٦ سنوات وضبطت المكينة وبعض الشغلات ثم لاحظت ان السيارة تحتاج مبلغ كبير وثم شلحتها والحمدلله طلعت راس مالها 

ولاتنسى الارضية الجمبينات ووو وكل هذي اذا جمعتها مرة وحدة تطلع تكلفة كبيرة وبهالتكلفة تجيب لك واحد اخو الجديد 

انا اشوف تبيعه تشليح ب 1000 وتحط فوقها 7000 يكون المجموع 8000 تجيب بيهم كابرس 2005 نظيف