مقبل على شراء كابرس

معقوله 2014 مافيه نظيف! 

والله مالقيت يا راكان , الاغلب جايه رش وبعضه ماشي وانا بعد ما ابي الا اسود , انا باصبر الصبر زين

انت تعرف طايح بيد مين حبتين وشطربطر وين تحصل نضيف

انشهد الله يعين شكلي ب اطول بدون موتر , الا صدق بسألكم بالقيمه اللي معي 70 تجيب شي نضيف ولا ؟
اخاف اصبر واذا لقيت نضيف يطلع باكثر من سبعين وانقهر واخربها اشتري اوبتيما اصفار تراني اسويها دايم استعجل انصحوني انفداكم

انصحك تاخذ سياره جديده وما شاء الله المبلغ اللي معك طيب .
والله يا زين لمن تشتري سياره على يدك يكفيك ريحة الوكالة .
وما اظن بتلاقي كابريس نظيف وخصوصا في الرياض

وعليكم السلام ورحمة الله وبركاته

أنا أعتقد والله أعلم ماراح تحصل نظيف من ناحية الموديل 2014 وكابريس بعد


الشفر بشكل عام له عشاقه وماراح تحصل الا يبيلك طولت بال .

ممكن مو أكيد أنك راح تحصل عند الوكالات ( رجيع ) أو بمستودعاتهم اللي في الإمارات مخزن أصفار وحتى لوحصلت ماراح يكون بالقيمة اللي معك

والله يهديك للي فيه خير لك وييسره

والله الجديد زين وانا اخوك واذا انسدت بوجهي مره شريت اكورد 2017 سياحيه واهم شي اللون فيراني ,
مع اني طفشت منها جت معي ثلاث مرات اكورد ابي اغير ان شاء الله القى كابرس نضيف بسسس :(

مشعل النصيري امين الله يجزاك خير , بس انا باصبر الصبر زين

واضح ان يهمك العزم شوف لك توريس ستاندر جديد ولا كادينزا الشكل القديم شي جديد وعلى يدك م تشيل همه 5 سنوات

الله يوفقك بالسيارة الزينة ويفكك من الشريطية واهل التفحيط.

الله يوفقكم ويجزاكم خير جميعا , والله الكادينزا حلوه والتشارجر ال 2015 سته سلندر حلوه بعد بس اذا يأست مره حولت عليهم

انا اشوف بديل الكابريس توريس 

70 تجيب لك فل مقاعد جلد جنوط 20 فتحة سقف ممشى قليل

مر علي اعلان كابرس ٢٠١٥ شبه جديد Ltz
على كلام راعيه استخدام ابوه و مسيوم بال٧٠
مدري ضيعت بأي ديره
اكتب في البحث كابرس 2015
و الداخلية الاخيره افضل من داخلية ٢٠٠٧ الى ٢٠١٤

سلام عليكم اخوي اذا لك رغبه بكابرس ss 11 اسود على الشرط لارش ولا قربعه 
مثل الجديد والصيانته كل ١٠ الف في الجميح 
تواصل معي او شوف اعلاني 
٠٥٩٩٥٤١٤١٠

والله اذا مالقيت كابرس نضيف مثل اللي تبيه نصيحتي لاتاخذ غير التورس الفلوس اللي معك يجيب اعلى فئه من التورس ومديل 15 او 16

التورس اذا كان جنوط ٢٠ بيطفشك مع خويي كل فترة بسيطة يضرب عليه كفر  وكل مرة ياخذ جديد 
وغير كذا صرفية مو معقولة ودفع امامي يعني التورس والله ماينفع 
والكابرس ان شاء الله تلقى لكن لا تستعجل 

يارجال اهرب عن اللون الاسود والله انه نكبه بالصيف مافي غير قوة صلخ حراره المكيف يادوب يبرد والحراره ماسكه بالسياره بالقوه تروح ...

كان معي نفس السياره وحده لونها ابيض ثلج بعز الضهر

والحين اسود فرق الثرا عن الثريا ... وعشان ماتقول يمكن الكمبرسر فيه شي ...

شيكت عليه سليم والفريون كمان ....

ولاتنسى ابو يومين او ثلاثه ترجع مغبره ما كأنك غسلتها ...

انا جاي ابي انصحك انك تبعد عنه بس أقول اسمع نصيحتي زين 
خذه واستخير ربك وفوق ذَا احسب أسعار قطعه الاستهلاكية هل هي بمتناول فلوسك 
انا عن نفسي من مستخدمي كابريس وربي كارهوا كره العمى 
بس مهما كان السرعة وألراحه تشفعله بقلبي وإلا هو لاعن مثواي لعن وأحيانا يسلك شهر وأحيانا لا 
ودور ابو ٦نمر غيار اذا من النوع حق مقاومه وسلامتك