هل الكابرس يتحمل الحراره 2014 وفوق

الكابريس سيارة ممتازة لكن للاسف السمعة اللي اكتسبتها من المفحطين والمراهقين 
هي اللي شوهتها .. ولذلك دايم تسمع اذا قالو كابريس .. يقولكً ابعد وانحش وخرابات وصناعية لليل ..
 بختصار اي سيارة بتهتم فيها راح تهتم فيك .. 

بيني وبينك مافيه سياره تتحمل الحراره حتى لو يارس ولون ابيض الحر حر

طبعن ليه قلت يارس لن مكينتها صغيره وسياره جديده 2017 ماشيه 000 ولونها ابيض الضهريه السياره حاره فاللحر مايعرف كبير ولا صغير

أنا من أشد المعجبين بالكابريس

تحسه رسمي وفخم
لكن للأسف هناك من يستعمله بالتفحيط والدعس

صدقني للانسان المحافظ بيعيش معه ومن اروع مايكون.

قسما بالله تصميم الكابرس بطططل ذووق 
انذكر يوم نزل ٢٠٠٧ كان شي شي 

لكن خربوا سمعته البزارين تجاليد وفك صدام 
وعلامة طيارة واضح عقولهم صغار وخربوا سمعته 


.

انا لو اباخذ  كابريس  كان على طول  بلف رياضي وبرمجة مراوح  

الكابرس سيارة ممتازة كشكل رسمي ومواصفات لابأس فيها

لكن فيه ملاحظة ذكروها الشباب وحبيت اعلق عليها ، لا نجي نرمي بعض العيوب الموجودة في الكابريس على المفحطين والمراهقين ونقول اذا حافظت بيعيش

لاشك ان أي سيارة تحافظ عليها بتعيش اكيد لو كانت كسرة بس الكابرس يعاني بعضها من مشاكل ما تطلع في غيره طبعاً صحيح يكاد ينعدم ان السيارات تخلو من العيوب والخرابات لكن شي عن شي يفرق


مشكلة البعض ماخذ مفهوم الامريكي مشكلته الحرارة غلط يعتقد انك لما تقول كذا انه كل ست شهور بيحتر وبتصلح ولا كل ما وقفت بترتفع لا

المقصود منها انك ممكن تسوق ياباني كوري 5 الى 7 سنين ما تلفت لرديتره ولا تدري وش فيه اللهم مع تغيير الزيت هو اللي يشيك كانه ناقص ويزيده شوي ونادر ينقص وتمشي سلام سلام ومراوح ماتدري عنها ومهما توقف في زحمات وحر وتشتغل السيارة متأكد بعد الله سبحانه وتعالى ان الموتر مرتاح ولا عليه خلاف هذا المقصود


يعني الكابرس مهب معناها كل وقفة بيسخن ولا كذا بس ما ترتاح

يعني ماقد في حياتي سمعت افلون ولا كامري موديلات حديثة او حتى قديمة بسيط يقولك الفيوز ماع مدري لذع ومعاد اشتغلت مروحة ولا البلف خرب ولازم ابدله يمشون والله مايدرون لكن الكابرس بتحافظ وبيعيش معك لاشك مهب لعبه هو بس انه بيجي يوم يجحفلك مع ظغط الحرارة عندنا وبتصلحه وبيعيش فترة ماعنده مشكلة بس دورة التبريد كل فترة من الزمن تحصل انك تغير شي فيها اجباري خراطيش بلف رديتر مراوح تبرمج تصلح وهكذا وصلت الفكرة



الخلاصة لحد يفسر كلامي غلط اني ضد الكابرس بالعكس انا من اشد المعجبين فيه وللأمانه ما الوم عشاقه صحيح فيه سيارات كثير لها هيبه ومكينة يمكن حتى اقوى من الكابرس لكن الكابرس لها فرضته حتى بشكله هذا اللي ما تغير من سنين ، لكن في النهاية انا ابحث عن راحتي


الكدلك رغم فخامته ومحد يجاريه للاسف ما يمشي سوقه كثير والسبب الناس مالها خلق تعقيد يدور السهل اللي شغل وامش واطرف ورشة تصلحه وعملي ويوفر جيبه الواحد وراه التزامات وغيره


الزبدة اللي بنهيها معك ان مثلاً لو تجيب كامري وكابرس وكلها وكالة وتجيهم بعد ممشى 300 الف تحصل الكابرس غير مرة مرتين رديتر وطرمبة وبلف ومراوح مدري وش جاها والكامري تحصله ما سوا شي ونادر يتعطل فيها شي من هذا القبيل


واتمنى من اصحاب الكابرس مايزعلون من الكلام هذا وادري ان فيه كوابرس مشت ولا عانت من حرارة بس اللي بوصله احتمالية التعطل في هذا الشي اكبر من غيره فهمت


موفقين واسف على الاطالة

ابراهيم

ليش تقارن سيارة مكينتها اربعه سلندر بسيارة مكينتها ثمانيه سلندر
قارن بنفس الفئة لان الكامري مكينتها صغيرة يعني حرارتها تختلف عن الكابرس
انا استخدمت كابرس ٢٠١١ لمدة اربع سنوات اقسم بالله اسافر الظهر والمكيف شغال وسرعتي مابين ١٦٠ الى ١٨٠ ماتحرك امبير الحرارة نهائيا وبعت قبل شهرين ماشي ٢٩١٠٠٠ وهو ممتاز
حط باالاديتر موية الوكالة اصلي لان اذا حطيت موية حنفيه تصدي بالاديتر وتسكر مساماته وبكذا يحتر الموتر مهما كان نوعه

^^ يا المناخ انا ماقلت انه كل يوم بيصفط بك بسبت حرارة يا جماعة ليش تفسرون الكلام غلط واكيد انك لاحطيت موية اصلية ومخصصة اذا الافضل لاي سيارة ، النقطة اللي بوصلها ان فيه سيارات من النوادر انها تعاني من حرارة لو تعبي مهب بزبوز لو تعبي تكرم مجاري خلونا منطقيين شوي عادي ترى لما اقول هذا اسرع من غيره في الخراب الفلاني



انا يامحاكيك عشان ما تقول اني اتبلى على مواتر غيري ولا بمدح موتري ولا مواتري شريت شروكي للبر رغم ان الباترول والربع افضل منه من ناحية الحرارة طبعاً بيجون ناس مندفعين ملاك او محبين للشروكي بيقول انت ماركبت مراوح وخرابيط انا مزبطه من الى مراوح كهرب سوبارو وبلف رياض الخ .... ووضعه سليم ماشاء الله لكن انه لو تجور عليه في البر اسرع من غيره ترتفع حرارته بسبت مكينته التقليديه الثلاجة جنب القزوز ومعترف انا بهذا الشي بس اني خذيته لاني محب للشروكي ونشاطه وسعره ارخص لي من الباترول والربع اللي طايره ومكينتها بلد مش بقوة الشروكي وضحة الفكرة ، يعني اقاربي معهم باترول حرارته ماتوصل ربع ويجلد لين يذن ماعنده مشكلة


وبعدين اذا على قولتك ماقارنت مكينة 8 ب 8 طيب بقولك لكزس 460 اسألك بالله وابيك تجاوبني بصراحة ايهم تضمنه بعد الله سبحانه لاحظ وهو لكزس 460 ولا الكابرس من ناحية احتمال تعطله في حرارة اكيد 460 واللكزس من النوادر يشتكي من حرارة مكينة كبيرة ولا صغيره


يعني ترى مافيها شي اذا قلنا الامريكان ولو ان الكابرس مهب امريكي بحت صاروا اقل من غيرهم في عملية دورة تبريد المحرك لكنهم ناجحين في راحة المراتب والعزل الارضي والمكائن ، في النهاية مافيه سيارة كاملة


يعني الحين في عز الصيف وقف كابرس ووقف أي ياباني او كوري 8 سلندر تحصل هذا تشبك مراوحه وتفصل ومريح بينما ذا تفتح كبوته يطبخ ومراوحه على اعلى سرعة ، ياعزيزي مافيها شي الدعوة طبيعية تراه صنع بشر


ولا يعني يوم اقول كلامي هذا اني مثل ماقلتلك ضد الكابرس ولا بيوقف بك كل وقت افهموا ياجماعة انا اقول احتمالية تعطله في الناحية ذي اسرع من غيره ، يعني يوم تقولي انا ماسك خط وامشي 160 الظهر ما ارتفعت حرارته انا قلت بترتفع لو مسكت خط وتمشي 160 في الصيف ؟؟؟


انا اقولك خلال فترة الاستخدام الطويلة بتغير مرة مرتين بينما غيره لا ماقلت كل شوي بيوقف



يعني الحين انت ماقد غيرت لابلف ولا مروحة قد فصلت ولا أي موضوع جاوبني بصراحة انا ماجالس اعذرب انا اوضح بس

^^ تحصل الموتر طلب طرمبة طلب خرطوش انطلق بينما غيره نادر يطلب الشي هذا في طيلة فترة الاستخدام لاحظ طيلة فترة الاستخدام

ابختصر كلام ابراهيم
بما اني مجرب امريكي وياباني

الامريكي مكينته اقوى
الياباني مكينته اصبر

يعني الامريكي معطينك فخامه وامان من بعد الله
وثقل وزن وكينه قويه بس ماتصبر مثل الياباني بالطلبات

الياباني فخامه وامان مايتقارن بالامريكي
والمكينه ماهي قويه مثل الامريكي بس انها تصبر
عليك وتتحمل ماتطلب

بأختصار قوة مكينه امريكي
مكينه تصبر وتتحمل بس ماهي قويه يباني

طبعا هذي الافتراضيات لو كانت نسبة المكينه
وحده بالامريكي واليباني

الجو حرررررررررررر حرررررررررررررر كل السيارات مخبطه مكيفاتها الساعه 1 الضهر حتى لو السياره جديده 2018 المكيف والحراره مع الصيف هذا الله يجيرنا من النار حرررررررررررررررر

افادك ابراهيم.
انا شخصيا ما اثق يالكابريس كثير من ناحية الحرارة او اعطاله.
الكابريس مايطيح سعره كثير عبث كذا الا ان الناس عارفه انه راعي نكبات.

لكن لوانت محافظ على السيارة بزيادة وتشيك عليها بشكل منتظم كل فترة وخاصة دورة التبريد حقته
اقولك اخذه لكن لو لا انت مش من النوع المحافظ ف ابعد عنه قدر المستطاع

انا تعبت من كثر المناقشه في موضوع الحراره والتحمل  وخاصه  في هالمنتدى لأنه لازم كتابيه  والموضوع يبيله تبيان  وكلام واجد عشان تفهم الرأي الاخر 
عشان كذا  راح انزل  موضع كامل عن هالموضوع   وليس رد 
لأن كل شي له سبب  واسباب 
وان تتبعت الاسباب  عرفت لماذا هذي الملاحضات  تلاحض 
انا اتكلم في موضوع الحراره في سيارات GM فقط وليس كل امريكي  وبين تويوتا  
والحقائق راح تكون صادمه لأهل GM وبنفس الوقت صادمه لتويوتا 
والكلام هذا عن  عن تجارب قمت بها بنفسي  وتعبت وراها ماديا  وبدنيا 
اختصار موضوعي 
تويوتا و الجي أم  كلهن يتحملن الحراره  والكرف والكد  والجور  لكن الجي ام يحتاج لتعديل عليه  وتويوتا  مايحتاج   
بل حتى بعد التعديل صار الجي ام يتحمل اكثر من تويوتا  بالجور العنيف   بشرط  التعديل عليه  بمعرفه وليس اي تعديل  وبرمجة الوكاله  وعدم التدخل ببرمجه الوكاله.  والشرط الاهم انه  من اول ماتفكه وكاله  وليس بعد وقت كثير  يعني من يوم تمرنه تجي تسوي التعديل  المناسب 
هنا اضمن انه اوثق من تويوتا  في التحمل  سواء
وفوق هذا كله لازم محافظه على السياره  سوائل صيانه دوريه.  وعدم استخدامها غلط  
الموضوع يبيله يوتيوب  

من اسواء المواتر الي استخدمتها اخذت اس اس 2012 وكاله 
 المهم انه وراني الويل والحراره حدث ولاحرج على اني شخص محافظ ولاني راعي طيش وسرعه 
وحقيقتا ما اذكر اني سافرت عليه وكنت مرتاح 

شف وانا اخوك دايم اللي يسب الكوابرس ماجرب كابرس او جرب واحد معدوم والموديلات القديمة ابو 4 نمر ومبرد قير واحد
لكن من 2011 وطالع الكوابرس ماشاءالله تبارك الله غير
والقير 6 نمر ومبردين قير وانا مثلك كنت اسمع كلام اللي يسبون الكابرس وهو معه مواتر مخاصي 4 و6 سلندر دفع امامي
ولا جرب كابرس وكنت اخاف وكان معي فورد 2011 امريكي ماركيز شريته 3 سنين وتركت الكابرس
لكني والحمدلله بعت الفورد مع انه موتر كفو واحبه واخذت لي كابرس 2013 وماشاء الله تبارك الله
تدعيس بالظهر ومطبات ولا تخاف لاني وقتها كنت في مطارده ههههه
وبالخط ماشاء الله تبارك الله راحه وطرب وعزم ومكينة مرتاحه وتبريد ثلاجة
وحرارة القير بالخط مره مرتاح 66 واذا زادت ماتتعدا 76 و77 مع الدعس
وكذلك المكينة مرتاحه وحرارة الكابرس الطبيعيه تحت النص بشوي واللي يقولك ترتفع ومدري ايش يخربط عليك
الا اذا الموتر فيه مشكلة فهذي طبيعي حتى اليارس لو الاديتر مشقوق ولا ناقص بترتفع
واللي يكذب يقول الموتر مو مرتاح وتسمع صوت المروحة اقوى شيء غير صحيح نسوقها الحمدلله بالظهر وكل شيء ولا سمعنا اللي تقول
الخلاصة تبي كابرس اشتر نظيف ماجاه وجهيه وكل شيء على الشرط وحافظ عليه وغير زيت القير والمكينة وامورك بالتمام .

وخذ كابرس ال اس او التي زد تراها اقوى من الاس اس والكلام الفاضي ذا وتصمل اكثر من ناحية الحساسات والاشياء اللي زي كذا
اما باقي الامور نفسها بالظبط .

^^ حنا نحكي في وادي وانت في وادي ثاني ، والعجيب من امرك ترى موضوعك ماكمل 3 شهور استفسارك عن الكابرس وتكفون افيدوني هل يعاني من مشاكل هل بيغثني والحين جاي تكذبنا وتقول انا مستخدم


هل باعتقادك ان استخدامك لمدة شهرين لموتر ماله ثلاث او اربع سنين طالع من الوكالة يعني المفروض ما يفتح ثمه بشي يعتبر مقياس اذا جوابك نعم انا انسحب من النقاش مع احترامي


هذا اللي قلناه من اول ومحد راضي يصدقه كل من ملك موتر مايبي احد يطلع عذروب فيه حقين الكوري والتويوتا فيهم قتال على مواترهم والشفر حدث ولا حرج والفورد على جهة الله المستعان بس

أفكر انزل موضوع كامل بالتفصيل الممل عن تجربتي المريرة بالكابريس واللومينا وكيف أثر سلبيا على حياتي الاقتصادية والنفسية والاجتماعية ههههه لكن انا عارف ان في ناس هنا بس تسوق ولا يعرف حتى يسوي صيانة ولا يصلح ولا يفهم في البيع والشراء واذا صار شيء بابا يصلحها.حتى الكلام من واقع خبرة وحقائق وارقام مايفيد. وفوق هذه اي احد معاه 10 الاف ويبغى يكشخ يروح يطق احلى كابريس ويجي يهايط على الناس.