أضف سؤال أو موضوع جديد          

مشكله في قير السلفرادو

up 4 down 0
ابن عقلا 45
قبل 3 شهر و 3 أسبوع



بسم الله الرحمن الرحيم

السلام عليكم واسعد الله اوقات الجميع

اخواني عندي مشكله بقير سيارتي

سلفرادو ٢٠١٣ دبل Z71 سعودي ماشي ١٣٥ الف كيلوا فقط
القصه اني كنت مسافر فجاة الموتر يتفتف وراحت المشكله وصفى ولا اروع
ثم فجاه ولعت لمبات الطبلون ومانع الانزلاق وكل شي وقفت وطفا كل شي 
رجعت مشيت مسافه وكل شي طبيعي 
فجاه فصل مثبت السرعه وولعت تحذير حرارة القير وطلع ١٣٧ درجه
عرفت ان القير احتر وقفت وبردته الى ان وصل ٨٤ ومشيت بشويش وكل ماوصل ١١٢ درجه وقفت ومشيت تقريبا ٣٠٠ كم لحد ماوصلت واخر ١٠٠ كم كان يمشي بالرابع
والعزم ثقيل ومع الزحمه يوم دخلت الرياض اذا وقفت يالله يمشي 
المهم وقفته الى الصباح وشغلته وهو بارد حرارة القير ٥٤ وكان يمشي قدام بشكل حلو وريوس يتاخر مايلقم النمره ثم يشبك ويفصل واذا دعست شبك
تركته تقريبا من ٥ الفجر الى ٦ العصر وشغلته ونفس الشي 
المغرب رحت للصناعيه وكان نشيط ويعشق تمام قدام وريوس يتاخر ويوم وصلت الحرارة للقير ٨٢ صار ينتع بالنمره ويطق وثقلت قومته والريوس يتاخر ويشبك ويفصل

علماً ان الزيت ماتغير من وكالته والزيت مانقص ولافيه ريحة حراق ابد ممتاز ومافي اي تهريب والموتر تحت ايدي ماجاه اي طقه او شي 

السوال ياترى وش المشكله 
للاسف الورش قالوا لي توضيب وراح يكلف الى ١٠ الاف تقريبا 
ورجل منصح قال بفكه واغير الطنجه والطرنبة والزيت والفلاتر وانضفه واركبه ممكن يصلح انت وحظك بالحاله هذي بيكلف حول ٥٥٠٠ تقريبا واذا ماضلح نوضب

رايكم ياخوان واعتذر للاطاله 
وقدروا ظرفي ومشكلتي عشرة الاف توضيب ماهي سهله 

الحمدلله على قدر الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت وحظك ماتمشي.    ياحليله هالمنصح.    اذا كان شركة الهدف. تسوي للاسكاليد توظيب
كامل ب ٦٠٠٠ وضمان ٦ اشهر.   لا بالله مهو منصح.   وبعدين قل ادفع ٥٥٠٠ كذا
شوف قير السلفرادوا قوي.    انت مبدئيا غير زيت وفلتر.  ١٣٥٠٠٠ على السلفرادو
عاديه لان من ٢٠٠٩ وفوق يقول غير الزيت على ١٥٠.       راجع مواضيع ابو اصيل الحجازي
ف غير الزيت وسوف تلاحظ الفرق.    ثم  شوف الماصوره حقت المبرد.     سليمه او مكسوره
قيمتها ١٢٠.  ثم اذا بتركب مبرد خارجي 


up 1 down 0
عبدالله الشفيعي 1040
قبل 3 شهر و 3 أسبوع



ترايستار.   تغير ب ٧٥٠٠. وهي شركه عملاقه.  بس حط في بالك.   الشريحه
ب ٢٩٠٠.  اذا سيارتك فيها شريحه. 


up 1 down 0
عبدالله الشفيعي 1040
قبل 3 شهر و 3 أسبوع



اول شيء معوض خير ان شاء الله

ثاني شيء دام حرارته وصلت 137 نصيحة اخ ومحب لاتغير فيه شئ ولاتوضبه ماغير خساير على الفاضي
غيره كامل مستورد شد بلد وخذ عليه ضمان اقل شيء شهر وغير المبرد اللي داخل الراديتر والخارجي بواحد اكبر ونظف المواسير كاملة وفترة الضمان اجلده شويه عشان يبين معاك اذا في حرارة او خلافه
وواضب على تغيير زيته كل 40 الف
احدثك عن تجربة مريرة مع نفس القير


up 4 down 0
ابو هيما20 190
قبل 3 شهر و 3 أسبوع



انت وقعت في مشكلتين اثرت عليك. 
تأخرت في تغيير الزيت يفترض على 60 الف 
وثانياً  ماركبت مبرد قير كبير  انا اضمن انك لو مركب مبرد قير كبير ماكان حصل الي حصل 
والحمدالله على كل حال   
سبحان الله قبل كم يوم كان فيه موضوع عن مبرد قير  وفيه ناس انكرو  ضرورة المبرد 40 الف  للقير  حق اليوكن والتاهو والسلفرادو والسييرا   
ومار ممدى ناخذ اايام الى هذا جاي يشتكي  من قيره. 
شي لاحضناه  بالمستخدمين عامه من عام 2005 الي ركبو مبرد قير نادر ماتسمع  احد ضرب قيره  رغم الجور عليهن 



up 1 down 0
الاش 596
قبل 3 شهر و 3 أسبوع



قبل كل شي افحص كمبيوتر 


up 0 down 0
w.asa 2168
قبل 3 شهر و 3 أسبوع



يامرحبا باخواني 

ماقصرتوا واسعدني تواجدكم ومشاركتكم لي

وباذن الله راح اخذ المشاركات بعين الاعتبار

اسال الله لنا ولكم التوفيق 

الف شكرا.


up 0 down 0
ابن عقلا 45
قبل 3 شهر و 3 أسبوع



تأكد لايكون القير مافيه شي ومشكلتك ممكن تكون كهربائية وشيك على كمبيوتر القير أفحص بورشه محترمه ومعروفه


up 0 down 0
aliexendr_8 56
قبل 3 شهر و 3 أسبوع



باذن الله

دامها خاربه خاربه

بنزل الزيت واغسل القير ممكن يكون فيه رايش على شريحة القير مسويه مشكله

وارجع اعبيه وابرمجه خسران خسران نبدا باسهل الحلول دامه مازال يمشي

والله يقدم اللي فيه الخير يارب

شاكر ومقدر لكم


up 0 down 0
ابن عقلا 45
قبل 3 شهر و 3 أسبوع