أضف سؤال أو موضوع جديد          

صوت لقلقة وصرقعة محير

up 0 down 0



السلام عليكم
شباب عندي كابرس 2009 v8
ماشي حول 400 الف
من سنتين تقريبا طلع صوت صرقعة مع دعسة البنص ويختفي مع زيادة السرعة يعني يطلع الى سرعة 80 تقريبا
وعند الدعس والسياوة واقفة مافيه صوت
الصوت مو من البكرات
فكيت السير والصوت موجود
يعني اعشق القير وادعس بريك وبنزين يطلع الصوت
علما ان لمبة التشييك والعة تبع حساس دبة التلوث
نوع البنزين 95 الزيت 20/50
مريت ميكانيكي يقول هذا الصوت من غرفة الاحتراق
ندبل وجه المكينة ويروح بس مادري اغامر اسوي الحركة هذي
واسف على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكلتك في شداد الجنزير الأفضل تغير الشداد والجنزير


up 0 down 0
aliexendr_8 85
قبل سنه



تأكد من القزوز كامل ومن وجيه الاقزوز احتمال يكون منه وبخصوص كلامك ان المكينة مايطلع وهي واقفة فهي سليمة والله اعلم 

كاجراء اولي تفقد الاقزوز وغير الحساس وان شاء الله تضبط 




وعندي استفسار اذا دعست فرامل وبنزين هل RPM يرتفع معك كثير او حول ١٠٠٠ دورة 


صعب نقلك سبب المشكلة بالضبط لان الصوت ما سمعنا
لكن بشكل عام ممكن نخمن المشكلة
شيك على كراسي المكينة والقير احتمال كبير يكون منهم


up 0 down 0
moathyaseen 1379
قبل سنه



اخوي مشكله الفرقعه او الصرقعه
هذي تسمى الاحتراق المسبق
وسببها باختصار الخليط يشتعل قبل وقته او شراره البوجي
وثم يشتعل مره ثانيه مع شراره البوجي ويصير تصادم بالاحتراقين ويطلع صوت
الكركره اللي تسمعه
ولها درجات من خفيفه الى مميته للمحرك
وغالبا لاسمعت هالصوت حاول قدر الامكان تتجنبه

المشكله ذي تحدث
اما لضعف الاوكتان حق البنزين وهو مقاومه البنزين للحراره
وانت تعبي 95 واعتقد هو الموصى من المصنع للسياره ذي
او السياره عطشانه
بمعنى ان غرفه الاحتراق لاتتغذى بشكل كامل ببالبنزين ويصبح الاحتراق ناشف ويسبب الصرقعه او الفرقعه
ونشفان المحرك يسبب في رفع حراره غرفه الاحتراق ويسبب هالعله
فتاكد من ان الانتيك او مداخل الهواء سليمه للمحرك مافيها اي تنسيم
او ممكن مركب انتيك رياضي فأنصحك تفكه لين تبرمج الكمبيوتر عليه
او عندك مشكله في حساس الهواء او الماف مايقيس صح فيسبب هالمشكله
او عندك مشكله في EGR ويسبب في نشفان الاحتراق
واخيرا حساس الشكمان الاول
اكرر اول حساس اللي يجي غالبا بالهدرز هذا مهم وهو اللي يتحكم في نسبه الاحتراق

كلامي اللي فوق كله عن مشكله الصرقعه وانت قلت انها صرقعه
وبسرد لك فيديو ممكن يوضح المشكله اللي عندك نفس ذا او لا
وهي الصرقعه
https://www.youtube.com/watch?v=uLDsgCeZs84
https://www.youtube.com/watch?v=6xTWHJADFe8



up 1 down 0
م.داحم 72
قبل سنه



نسيت اضيف نقطه
الصرقعه ماتصير الا تحت حمل ع المحرك فطبيعي وهي بN ماتلاحظ شيء
الصرقعه تبان تحت حمل عالي جدا او الدعسه السريعه المفاجأه
يعني مثلا تكون ماشي 60 وتدبل دعسات سريعه للمكينه بسرعه البرق كذا ورى بعض ثنتين ثلاث كذا
اذا سمعت الفرقعه معناه فعللا تصرقع
او مثلا تكون ماشي 80 والسياره مريحه باخر نمره
وترجع تدوس بحيث تكون باقيه باخر نمره وتكون داعس لاخر رمق بحيث انها تمسك بالنمره الاخيره وتمشي
وماتزود اكثر من اللازم عشان ماترد للنمره للي قبلها فبتحس بمقاومه السياره للثقل وتبدا تسمع الصرقعه

وكلام الميكانكي بتدبيل الوجه
ببساطه تدبيل الوجه باختصار يقلل من نسبه انضغاط المكينه وبيحد من هالشيء
لاكن هالشيء غير لازم ابدا البته في حاله ان المكينه وكاله وماجاها مسح راس
او بساتم كمبرشن عالي
اذا المكينه مركبها مستعمله ومن بعدها تصرقع ممكن فعلا موضبه وعليها بساتم او مسح راس
لاكن اذا كلش في حاله الوكاله
السياره تجي مبرمجه على نسبه معينه بحيث تعطيك الاداء ومقابل السفتي بدون اي صرقعه
واذا صرقعت في حاله الوكاله طبيعي عندك مشكله

ادري كلامي كثير بس حبيت افيدك قدر الامكان
لان مريت بالتجربه ذي
وهي مقلقه نوعا ما وخطيره بنفس الوقت

ولا اقدر اقولك غيره حاجه لان بأختصار بفيدك قدر الامكان ولا ابي اخسرك هلله وحده





up 3 down 0
م.داحم 72
قبل سنه



الله يعطيكم العافيه ماقصرتم
بحاول ارفع لكم الصوت باقرب وقت


ماقدرت احمل مقطع الصوت
فيه طريقة؟؟


مقاطع الفيديو اللي ارسلها م داحم
تقريبا نفس الصوت
هذي وش مشكلتها


الزيت ثقيل وغير مناسب حط لزوجة 10w30


up 0 down 1
mfh2009 188
قبل سنه



المقاطع اللي ارسلتها هذي مشكلة الصرقعه او الطرق او pinging او detonation
وكلامي اللي فوق يوضح لك بشكل عام اسبابها


up 0 down 0
م.داحم 72
قبل سنه



كلام (م.داحم) صحيح 100%100
اضافة الى ذلك عمر البواجي شمعات الاحتراق انتهى وهي من الاسباب الرئيسية واتساخ مجاري الهواء المؤدي الى غرفة الاحتراق
جاتني نفس المشكلة في كابرس والحمد الله كانت المشكلة فقط من البواجي بدلتهم بواجي ngk اريديوم وانحلت المشكلة


up 0 down 0
mahdi sa 39
قبل سنه



شيك على الكويلات يمكن مانشبكن زين او خربان منهن شي او حساس الهواء مغبر يبيله تنظيف او خربان

افتح بوجي من البوجيهات اذا لقيت نقطه زيت الله يعينك .




up 0 down 0
4fahad4 34
قبل سنه



شيك على الكويلات يمكن مانشبكن زين او خربان منهن شي او حساس الهواء مغبر يبيله تنظيف او خربان

افتح بوجي من البوجيهات اذا لقيت نقطه زيت الله يعينك .




up 0 down 0
4fahad4 34
قبل سنه



انا اتوقع مثل ما قال الاخ صاحب التعليق الاول احتمال انه من الجنزير لانه يطلع صوت قرقعه او خبط اذا صار فيه جهد على المكينة
لكن فيه سؤال مهم هل اذا شغلت السيارة الصباح تطلع نفس الصوت ثم يختفي؟


up 0 down 0
a.m.g2
قبل سنه



على اي اساس اخترت زيت ٢٠/٥٠؟ معروف زيت الكوابرس دائما 5W30


up 0 down 0
damage42 52
قبل 11 شهر و 3 أسبوع