الجميح للمستعمل

شفت هونداي بالرياض وتويوتا اسعار فلكيه الصدق بس مادري عن الجميح 

انا رحت لهم قبل حدود اسبوعين الى 3 اسابيع الجميح للمستعمل كانت خلف الجفالي على طريق المدينة اسعارهم كويسه الى حد ما فيها امبالا ممشاها تحت ال80 الف كان سعرها حدود 42 الف وكان فيه تورس2013 ممشاها تحت ال90 سعرها52 وفيه ماليبو2014 ممشى 77 بسعر 28 وفيه ماليبو الشكلية الجديده بس فيه من الباب اثر ستكر شركة وفيه كروزات وفيه كدالك وتاهو وسيكويا اغلبها الصراحه يبغالها تلميع خارجي فقط ويعطوك ضمان سنه..عبداللطيف جميل اغسل يدك منه اسعار مبالغ فيها ما وفر الجديد بيوفر في المستعمل

صدوم ما ادري عنها افحص قبل كل شي والمسؤول هناك رجال يامي شوف لو بينزلك شوي منها والله يكتب لك الخير

روح للمستعمل تلاقي ماشيه قليل و طايحه مبلغ جامد عذي شفتها عند العالمية حق شفرولية