أضف سؤال أو موضوع جديد          

مشورتكم ياخوان في المواتر ذي

up 4 down 1
;كاسبر 358
قبل 3 أسبوع و يوم



السلام عليكم
اولا كل عام وانتو بالف خير
الشي الثاني اخوكم معه حدود ال 100 الف ريال ومحتار اخذ فيهم سياره لي ولزمن
ومحتار بين التاهو القصير نص فل دبل 2015 واكسبيدشن قصير 2015 نص فل دبل والباجيرو 2016 فل كامل
طبعا الوكالات غاليه لقيت التاهو ب 179 النص فل دبل 2017
والاكسبيدشن ب 133 نص فل دبل xlt 2016
والباجيرو سعره 97 فل كامل في المعارض
يعني راح اخذ يا تاهو مستخدم ممشى قليل بحدود فلوسي
او اكسبيدشن من المعارض جديد 2015
او الباجيرو
وبصراحه اللي حيرني اول شي الصيانه وصرفية البنزين وقطع الغيار
وماعاد ادري اخاف اخذ باجيرو بس اخاف ما احصل ورشة تعرف تصلح الاعطال وتتعلم في السياره
وخصوصا اني ماراح اصين في الوكاله
ناس قالو الباجيرو قاسي وقطع غاليه وماتحصل ناس تصلح ويشرب بنزين واجد وغير مريح
والتاهو قالو ممتاز وعملي بس ماراح احصل شي بحدود ال 100 كجديد ومتخوف من المستخدم
والاكسبيدشن ناس تمدح وناس من الزملا تقول ابعد عن فورد
وبما اني بعد العيد باذن الله راح اشتري ابي رايكم
من جميع النواحي سفرياتي كثير واروح اوقات الشتا للبر وصرفية البنزين وللقطع ولصيانه
هل اخذ مستخدم تاهو او ابحث عن اكسبيدشن اوباجيرو
عطوني رايكم بموتر ماراح ابيعه باذن الله راح استخدمه سنوات ويتحمل الكرف.
وسلامتكم جميع وكل عام وانتو بخير...









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسافر كثير خذ تاهو
تروح البر خذ باجيرو
التاهو فيه نظام يشغل 4 سلندر على حسب الدعسه صرفيته كويسه
واذا معك 100 وتبي وكاله دور في كل الوكالات كيا هيونداي نيسان مازدا


up 2 down 1
evil3000 4
قبل 3 أسبوع و يوم



استبعد الباجيرو
التاهو مممتاز ومريح
لاكن السعر عالي ويستاهل
الاكسبديشن سعره مقدور عليه اسأل عنه بشكل اكثر
والله يوفقك ويرزقك بالموتر النظيف والمريح


up 5 down 1
امير الاصيل 1581
قبل 3 أسبوع و يوم



صرف البنزين في الباجيرو غير صحيح انا معي قطع غياره متوفره بعد ماانتشر صبور ويتحمل الكرف في الخط راسي جدا وقساوته زيه زي الجيوب الثانيه عن تجربه


up 4 down 9
saif2257 118
قبل 3 أسبوع و يوم



لو بتختار ارشح لك التاهو
لعده اسباب قطع شبه متوفر بحكم الشكل الجديد
عند البيع ارغب للمشتري
افخم شكل داخلي وخارجي من الاكسبديشن
الافضل الدبل تحصل بسوق والموقع 2015م الدفعه الثانيه شاشه كبيره 100 الف نظيف وممشي قليل
.
الاكسبديشن افضل من التاهو
البنزين مايصرف اخف من التاهو بدي
اوسع من الداخل
العيبوب قطع محلات الكبيره متوفره
القطع اغلي من التاهو
الاكسبديشن حساس جدا
شكل مستهلك من 2007م الي 2016م ماتغير فقط ازياق واكسسوارات
.
الباجير
تانكي صغير ضيق من الداخل
غزم ضعيف بحكم البدي ثقيل
ماكينه نظامها قديم
قطع غياره غالي خاصه البدي الشمعه الواحدة زنن 4300 عن العئسائي
الدبل ممتاز بالنفود خفيف بالرمل اخف من التاهو و الاكسبديشن
شكل ماتغير 2007م الي 2017م
شكلها الخارجي غير مرغوب عند اكثر الناس خاصه الخلفيه ونظام الاستبنه
.
ارشحلك بدون منازعه التاهو
موفق خير
مبروك مقدمأ
.


up 12 down 0
ماجد المطلق 10519
قبل 3 أسبوع و يوم





تبغى العلم الاكيد 
خذ اكسبدشن لماذا ؟
اولا : تحسنت صرفية البنزين مع المكينة الجديدة ٦ سنلدر 
ثانيا : قوي جدا مع وجود تيربو 
ثالثا : بيكون سعره مناسب 
رابعا : يصلح للسفر مريح وممتاز في البر 

اذا عن الشكل والديكور
فالتاهو افضل منه 

الباجيرو اسحب عليه 


up 9 down 5
حرف الالف 771
قبل 3 أسبوع و يوم



تاهو وارفع يدك شكل جديد مابيتغير وصرفيه طيبه
وشكل داخلي واخارجي جميل ومواصفات ممتازه
ف الاستاندر منها شاشاة سماعات بوز لمبات ليد
داخليه وغيرها طبعا العزل جبار وسلامتك


up 10 down 0
سلمان بن عتيبي 125
قبل 3 أسبوع و يوم



وعليكم السلام
يخوي استبعد الباجيروا من عقل .
عن نفسي ارشح لك التاهو
ماشاء الله في الخط مريح جدا وما يصرف فالخط وانا مجرب ذالشيء
فالبر يؤدي الواجب
الاكسبدشن
حلو وسعر طيب والحين حسنوا فيه من ناحيه الصرفيه والقوه (على كلام الناس )لكن ما جربته


up 5 down 0
bssam13 235
قبل 3 أسبوع و يوم



لو انا انطرحت علي الخيارات الثلاثة
راح آخذ تاهو من دون تردد صراحة و من بعده الاكسبدشن


up 3 down 0
صصااالح 50
قبل 3 أسبوع و يوم



الله يطرح لك البركه بالي تختاره

بس الاكسبدشن حط في بالك الشكل بيتغير اتوقع خلال 6 شهور بينزل الشكل الجديد وشوف صوره في المواقع


up 1 down 0
العداد الرقمي 35
قبل 3 أسبوع و يوم



تاهو ( صرفية طبيعية ، شكل ما راح يتغير على الاقل بعد ٥ سنوات ، قطع غيار متوفرة بكثرة ، راحة سفر او مدينة )
اكسبدشن نزل شكل جديد كليا بيوصل المملكة بعد ٦ شهور لكن الشكل القديم ما راح تندم اذا اخذته كاستخدام واعتمادية


up 1 down 0
its_o_o 145
قبل 3 أسبوع و يوم



ولد
انحش من التاهو 2015 فيه خلل مصنعي خطير جداً جداً جداً
اضف الى ذلك فيه 3 انواع دفرنسات ماله علاقه بالدبل ولا بالفئه

وانا اتكلم بدلائل وسيارتي تاهو 2015 ال تي 2


up 1 down 11
h.h.e-12 10
قبل 3 أسبوع و يوم



الاكسبدشن وحش وأفضل من التاهو وأقوى كصلابة وعزم لكن بيتغير شكله وكبير ضخم والباجيرو عيبه سير التيمن في المكينة ريل ولازم يتغير كل فترة ونصيحة اذا تبغى سيارة اعتمادية خذ ياباني


up 2 down 3
النمر606 86
قبل 3 أسبوع و يوم



H.H.E-12
وش هي المشكلة نورنا معي تاهو 2015 ال تي 2 ماشي للحين 170 الف


up 1 down 0
أبو يارآ 347
قبل 3 أسبوع و يوم



وسع خياراتك وخذلك لاند كروزر استعمال قليل تحصل بسعرك
عملي ومريح والصرفيه معقوله وقطع غيار وصيانه ممتازه 
او اكسبدشن جديد 


up 0 down 1
khaled 94 -35
قبل 3 أسبوع و يوم



ابو يارا الحمدلله اول شي ان الله سلمنا
ثاني شي الموتر راحت وجهيته والشاصي ولا انفتح الايرباق وانا مسوي الخلل المصنعي عندهم بالوكاله
وحالياً السياره رامينها ب احد احوشة التوكيلات مانتهت مشكلتها لها شهرين
حسبي الله ونعم الوكيل


up 1 down 0
h.h.e-12 10
قبل 3 أسبوع



انا مجرب التاهو والاكبيديشن
وكل واحد له مميزاته وعيوبه
في الراحة والفخامة لا يعلى عليهم وفي الخط ملوووووك
الباجيرو جربته فتره بسيطة بس ماارتحت له مع انه شكله جميل ومواصفاته حلو وسعره جدا مناسب واستبعده من الخيارت


up 2 down 0
حمد الشهري 6
قبل 3 أسبوع



عليك بالتاهو اذا انت راع خطوط
والـ 100 الف ان شاء الله بتجيب لك موتر طيب بس احتمال بدون دبل لكن عقب العيد ان شاء الله بتحصل الشي الزين بإذن الله.


up 0 down 0
بوحمد4445 37
قبل 3 أسبوع