أضف سؤال أو موضوع جديد          

حل مشكلة تأخير تشغيل الكابرس 2013

up 13 down 1
فيصل طلال... 142
قبل 2 أسبوع و 6 يوم



السلام عليكم كيف الحال يا اخوان طبعا انا نزلت قبل اسبوع موضوع
عن مشكلة تاخير في تشغيل الكابرس 2013
وهو اني اذا دقيت السلف سواء بارد او حار يقعد يحنحن شوي ويشتغل
واحيان لازم مرتين او 3 مرات ومرات على طول
واروح افحص كمبيوتر والكمبيوتر مايطلع المشكلة
واللي يقول حساس كرنك واللي يتفلسف سلف واللي برمجة مفتاح
المهم ويتفقون الأغلب انها من طرمبة البانزين
مع ان اللي اعرفه اذا طرمبة البانزين خربانه السيارة تطفي لكن انا
مشكلتي فقط تاخير بالتشغيل .. لكن
واروح واشتري الطرمبة اصلية جي ام ب 1000 ريال واغيرها ب 500 ريال
لان شغلتها قروشه وصح السعر غالي لان يقعد
ينزل الدفرنس شوي وعامود الكردان لكن قلت له تضمن لي الشغله
وانها تروح لو غيرتها وقالي خلاص ان شاء الله ...
والحمدلله فكها ويوم فكها وركب وخلص جيته الا اشوف طرمبتي القديمة
عليها القطعه البيضاء حقت الطرمبة اللي زي البلاستيك اشوفها مكسورة والله .. فيها كسر
واستغرب وش اللي كسرها ياولد
حتى هم يسالوني قلت والله مدري ،، لكن صدق شيء غريب انها انكسرت .. لكن الحمدلله راحت المشكلة وافتكيت .

قبلها تقروشت حتى نظفت بخاخات عند بترومين لعل وعسا
لان كنت بفتك من قروشة الطرمبه وحوستها

لكن الحمدلله تنظيف البخاخات عموماً لصالحي ولصالح السيارة .. بحكم ان الموتر ماشي 113 الف .

نزلت الموضوع عشان شفت كذا شخص يعاني من نفس مشكلتي وردوا في موضوعي .

وعشان تعم الفائدة مستقبلاً للي تصير له نفس المشكلة الله لا يقول .

اي استفسار ابشروا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
مثل م خبرتك نفس مشكلتي اللي عانيت منها
بس السعر غالي شوي يالله عوافي معوض خير ان شاء الله اهم شي النتيجة طيبة
وترا غسيل البخاخات بطريقة يشبك ليات عالتانكي وليات عالمكينة غلط وغير نافعة الافضل فك البخاخات من مكانها وتنظيفها واحد واحد والله اعلم


up 2 down 0
ryyan555 531
قبل 2 أسبوع و 6 يوم



هذه المشكلة قديمة في الكابرس من موديل 2000 ومع الأسف الى اليوم ما انحلت فعلاً شي غريب
واحياناً السلف مايلقم من اول مره



up 2 down 0
chevrolet zr1 424
قبل 2 أسبوع و 6 يوم



كلامك صحيح اخوي فيصل .. والسبب اللي كسرها من واقع خبره .؟؟..
هو ( لي ثلاثي ) على شكل ( Y )
جهه تركب براس بزبوز الطرمبه ونازل تحت .
وجهه تركب بالحساس ,
وجهه تركب بالظفيره ،
ومكان ( لي ) الحساس و ( لي ) فيش الظفيره تحت الباب الي جهه التانك .
اي حركه او مطب عالي او غسيل بستم يضغط على الحساس ...ومن ثم يسحب ( الي ) الموصل براس البزبوز الي بالطرمبه وتنكسر.؟..؟
واتمنى الفايده تعم للجميع.؟...


up 0 down 0
ابـو شـوقـ 73
قبل 2 أسبوع و 6 يوم



اخوي فيصل الحمدلله ان مشكلتك كانت تأخير بالتشغيل ؟....لان بالحاله ذي يصير تهريب بالبانزين,...


up 1 down 0
ابـو شـوقـ 73
قبل 2 أسبوع و 6 يوم



طرمبة البنزين مشهور خرابها في السيارات الامريكيه لا قديما ولا حديثا

ولا ادري مالسبب في عطلانها !


up 0 down 0
ابوناصر 454 640
قبل 2 أسبوع و 6 يوم



صحيح المشكلة قديمة نوعاً ما في الكوابرس لكنها تصير في كل السيارات والعوامل وحده او متشابهه .وصحيح اذا المشكلة تاخير بالتشغيل يعني البانزين مو شرط يهرب معناته الطرمبة فيها ضعف بالدفع ماتوصل البانزين على طول للبخاخات وباقي التوابع عشان يدق سلف ويعطي الشرارة للبوجي عشان كذا تتاخر


up 0 down 0
فيصل طلال... 142
قبل 2 أسبوع و 6 يوم