أضف سؤال أو موضوع جديد          

استفسار عن كابرس

up 3 down 0
motec800 9
قبل أسبوع و 3 يوم



سلام عليكم
اهلا اخواني
لاهنت ابي أسال واستفسر بخصوص كابرس
انا ناوي اخذ كابرس خير شر لحد يقول خرابات وانتبه و و و
ناوي اخذ كابرس بس محتار وحاب استفسر من حقين كوابرس
ابي اخذ يارويال يا التيزد لاني ماني راعي سرعه ومحافظ على السيارة
الا اس اس معروفه حقين تفجير وجلد و ال اس شكلها ماهو عاجبي
بأخذ من موديل 2013 وفوق انا من الرياض وماني عارف طريقة الفحص كيف
سمعت فيه مراكز فحص في الرياض بس ما ادلهم يقول لك يفحص لك سياره من الى
بدي ومحركات وبطن وكل شيء ممكن اعرف هل الفحص هذا بيطلع كل المشاكل في السياره يعني بيوضح لي ؟
وايش نصيحكتم كيف اخذ كابرس نظيف خالي من التفحيط والجلد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الرويال اعلي فئه واجمل شكل
LTZ برضوا ممتاز
الفحص بيطلع كل المشاكل في السياره اذا كان مركز امين ويخاف الله بالفحص
تحصلهم عند المعارض فحص شامل 350 ريال
لاتاخذ كابرس كان اجار
خذ من السوق البرحه يكون صاحبها عارفها وش فيها
يافاكه وكاله او بسم شخصين من قبل
مبروك مقدما



up 0 down 1
ماجد المطلق 10519
قبل أسبوع و 3 يوم





تعجبني فيك الصملة ههههه
خذه والله يطرح لك فيه البركة ويكفيك شره 




up 3 down 0
حرف الالف 771
قبل أسبوع و 3 يوم



خذ ١٤ وفوق الشكل الجديد من الداخل بطله ودور على الممشى القليل وافحص زييين اغلبهم يدرفت فيها 


up 2 down 1
benz lover 274
قبل أسبوع و 3 يوم



محلات الفحص كثيره عند المعارض. 

فحص كارتك وفحص الغروب وفحص الفوزان اتوقع كذا اسمه 

محلات كثيره.   طبعاً الفحص. يطلع لك كل شي بالسياره 

يفحص اول شي كمبيوتر نسبة ضغط المكينه. 
بعدها يفحص بطن السياره. عظلات تهريب الى اخره 
بعدها يفحص البودي رش او سمكره 
بعدها الاخير. يطلع فني. يسوقها يجرب القير. 
واذا رجع. يكتبون لك نتيجه الفحص كامله. 
ايش الاعطال الي طلعت فيها.  

بالنسبه للكابرس ترا اغلبها مدموره تفحيط وغيره. 
والله يعينك 


up 0 down 0
سبحان الرازق سبحانه 2274
قبل أسبوع و 3 يوم



معلومة قد تفيدك ، ويمكن انت تعرفها ويمكن لا ..
الكابرس وقف تصنيعة الان ؛ آخر موديل 2015
والبديل امبالا 
والله يبارك لك ويرزقك رويال 2015 نظيف :)


up 0 down 3
كحلي 212
قبل أسبوع و 3 يوم



عفواً .. وقف على 2016


up 0 down 1
كحلي 212
قبل أسبوع و 3 يوم



اهلا شكرا لردودكم وبالنسبه للأخ كحلي غلط عليك البديلة ماهي امبالا لان امبالا فئة غير فئة كابرس
امبالا 6 سلندر ودفع امامي ولايقارن ابدا بكابرس البديل للومينا هي شفروليه اس اس اسمها كذا شفروليه اس اس بدون لومينا فهذا نقدر نقول بديل كابرس لانها 8 سلندر 6200 سي سي ودفع خلفي يعني نسبه متقاربه
وشكرا لك على ردكك موفق ...


up 1 down 0
motec800 9
قبل أسبوع و 3 يوم



شكلك نفس حالتي كل ما قلت كابرس خرابات وخرابات وباقي صامل عليه هههههه والله يتكلمون بدون تجربه ولا بالعائله واحد عنده 2007 وواحد 2014 ولومينا cr8 ومافيها الا العافيه ما شاء الله


up 2 down 0
abdullah_rea 34
قبل أسبوع و 3 يوم



^
هههههه وسجل عندك واحد ثالث بعد يدور كابرس2007بالرياض
بس الفرق اني بعد ماصملت


up 0 down 0
d7ooom777 864
قبل أسبوع و 3 يوم



خذ واحد ماجاته وجهيه وممشاه يكون مايعدي ال 100 الف وافحصه وتاكد منه وبعدها اهتم فيه وبصياناته وباذن الله مايقولك لا وانطرب ي وحش اهم شيء لا تاخذ ايجار ولا واحد مجلود وجايته وجهيه وكل بطنه رايح فيها وتهريبات وبلاوي


up 0 down 0
فيصل طلال... 142
قبل أسبوع و 2 يوم



الله يرزقك يا دحوم الكابرس اللي يسرك ويرزقني..
والله سيارة طرب من جميع النواحي ومع ان شكله له11 سنه
وفوقها انقطع الى انه الناس الى الحين يوم تشوفه بالشارع
خصوصا لا كان نظيف و اس اس تلف راسها معه ما شاء الله
والى الحين مكينته تحط راسها براس ال8 سلندر الجديد وبالتعديل محد قده


up 0 down 0
abdullah_rea 34
قبل أسبوع و 2 يوم



شكرا لكم جميع اتمنى لكم التوفيق ان شاء الله


up 0 down 0
motec800 9
قبل أسبوع و يوم



شكرا لكم جميع اتمنى لكم التوفيق ان شاء الله


up 0 down 0
motec800 9
قبل أسبوع و يوم



شكرا لكم جميع اتمنى لكم التوفيق ان شاء الله


up 0 down 0
motec800 9
قبل أسبوع و يوم



الله يوفقك ويرزقك ذكرتني بحالتي قبل 5 سنوات اخذت اس اس 2012 وكاني رامي 120 الف بالشارع وبعته بخساره والله يعوضني نصيحه تراه ديكور فقط لايغرك بعد سنه من الاستخدام تطلع علومه


up 0 down 0
hart90 116
قبل أسبوع و يوم