أضف سؤال أو موضوع جديد          

صوت طقطقه قويه من القير

up 0 down 0
المحمال 28
قبل سنه



السلام عليكم ورحمة الله وبركاتة

أخواني الكرام كل عام وأنتم بخير

معي سيارة تاهو 2011

كنت جاي من سفر 200 كيلوا وبعد الوصول وقفت عند محطه ولمن جيت بمشي
عشقت القير طلع صوت قوي مثل حديد يضرب في بعض
الصوت كأن شي تكسر، او صوت حديد ينسلخ ومشيت شوي ومشت السيارة وراح الصوت
رحت الورشه وفحصوها يوم كامل عندهم قالوا مافيها شي وقالوا احتمال من الدبل
علماً ان الدبل نشغله ثقيل وخفيف ولا فيه شي
وفحصوا الزيت حق الدبل ولقووه اسود محترق ولا عمري غيرته ( بسبب نصيحة مهندس بورشة للأسف )
وقلت لهم يغيرونه، ولمن فتح الصره لقى رايش كثيييير وقال عندك مشكلة بالدبل
وخليتهم يغيرون الزيت حق الدبل
أخذت السيارت ورحت، ومشيت عليها اسبوع ولا فيها اي شي
اليوم الصباح مشيت للدوام وانا بالطريق إذا هديت مره ووقفت بسبب الزحمه طلع الصوت بس اخف
وإذا لفيت مع لفه اسمعه صوت طقه خفيفه، لكن إذا وقفت ومشت يطلع الصوت بس مو بقوة أول مره يوم جاني

أنا ناوي اروح الورشه اخليهم يفكون الدبل، لكن حاب استشيركم في هالمشكلة أولاً

وشكراً لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف ياغالي انا عندي سييرا 2008 ومره خربت فلنجة الكفر 
وكانت احيانا اذا بديت امشي تطلع صوت طقه قويه كأنه شي انكسر 
ولا يطلع دايم احيان فقط 
ودام تقول يطلع مع اللفات فمشكلتك ان شاء الله ماهي حول الدبل نهائياً ودبل سيارتك مافيه الا العافيه 
وثاني شي للمعلومية زيت الدبل ماهو أي زيت ترى له زيت خاص اي سي ديلكو تحصله بالوكاله ولا تحتاج الا علبتين فقط 
نفس الزيت لونه ازرق فانتبه للزيت اللي غيرته 


up 0 down 0
hussain4 774
قبل سنه



وايضاً شيك على العكوس الامامية 


up 0 down 0
hussain4 774
قبل سنه



ياعيني عليك، ايوه مثل حاجه بتتكسر وانزل تحت السيارة ادور شي طايح او منكسر
وش الرآي بوجهة نظرك أخوي



up 0 down 0
المحمال 28
قبل سنه



زيت الدبل غيرته عن ترايستار


up 0 down 0
المحمال 28
قبل سنه



كد صارت لواحد. ويقول طلع من الفلنجه. 



up 0 down 0
الاش 614
قبل سنه



الله يجزاكم ياأخوان غيرتوا النظره عندي كلياً
بطلع الورشة وبطلع فك الكفرات


up 0 down 0
المحمال 28
قبل سنه



ياخوي ممكن فيه شيء مكسور داخل الجيربوكس مثل بودي بلف ،
روح الصناعية عند مهندس محترف ونصيحة ابعد عن السوري والاردني واليمني مافيهم قصور ولكن نادراً تلاقي حد فاهم فيهم ،،
وخليه يفك بطن القير ويشيك لك عليه افضل اذا كان الصوت متأكد مئة بالمئة من الجيربوكس ..
لا ينزل القيربوكس من مكانه فقط محل الفلتر واذا فيه رايش كثير بالجيربوكس يخلف الله عليك بواحد ثاني

واذا تبي مهندس في الرياض ما اقصر معاك ادلك على واحد وان شاء الله يفيدك 0568756884



up 0 down 0
faisal alhassani 9
قبل سنه



يظهر الطنجرة ودعت - اللي صار نزلت الزيت و راح الرايش يظهر لا بد توضيب