شراء سياره من الأمارات بنظام الجديد

اخوي اهم شي تتاكد ان السياره تدخل
1- موديل 2012 وفوق
2- ماتكون مسجله تالف اذا السياره غير خليجيه (امريكيه مثلا ) وتتاكد عن طريق كارفاكس
3- تكون مطابقه لكفاءه الطاقه وهذي تعرفها عن طريق موقعهم حاطين كل انواع السيارات ووضعها اذا تدخل السعوديه او لا
www.sls.gov.sa
هذا باختصاروالسموحه على التقصير

انا انبهرت مثلك وشلت فلوسي ورحت اغلبها كنت اشوفها بالمواقع كرررت لمن وصلت كلها سالفج يعني تالف ماتخش .. اللي مهي تالف قريب من سعرها عندنا ولاحق التعب والجمارك والشحن والبهدله والاس اس ماعتقد يدخل لانه 8 سلندر

ربعنا الشريطية ماخلو شي هناك ماتستاهل العناء والتعب خذ من هنا ابرك لك 

يعطيكم العافيه شباب ع النصايح
بس في الموقع مكتوبss قي اوتو تدخل السعوديه

اذا تدخل حسب الموقع باقي تشيك عليها هل هي خليجيه او امريكيه واذا امريكي تاكد انها مو تالف . واذا فاوضت البايع وامورك تمام ارجع للموقع حق كفاءه الطاقه واطبع الشهاده بعد تعبئه المعلومات (من ضمنها رقم الشاص ) عشان تعطيها الجمارك مهممم جداااا
بالتوفيق ومبروك مقدما

بحكم تجربتي بالشراء من الامارات عادة البايع اذا معرض راح يخبرك للسيارات الوارد امريكي اذا السيارة تدخل السعودية او لا واذا اكد لك انها تدخل اطلب منه ورقة ان السيارة clean title وهي تثبت انها دخلت الامارات وهي تمشي وسليمه

وعلى فكرة حوالي 80% من وارد امريكي في الامارات كانت سالفج .

الافضل انك تشتري من بايع خاص من الامارات وتكون مواصفات خليجيه

والله ياخي الكريم السالفة ماتستاهل التعب والوقت اللي تضيعه هناك ممكن راح يكون الفرق بسيط بحدود 2000 او 3000 اقل بس اشتر راحتك وخذها من الرياض او الشرقية افضل لك.
الله يوفقك ومبروك مقدما.