أضف سؤال أو موضوع جديد          

انواع حمايه الواجهه من السافي

up 7 down 2
سكودر 14901
قبل 6 سنه و 6 شهر



السلام عليكم


مساء الخير

اليوم موضوع عن السافي وخطوط بحكم ان الاجازه قربت حقت الحج وعيد الاضحى والي بيسافر ويقضي

الحج الله يستر عليه ويكتب له الاجر ولي راح يسافر في الاجازه ويقضيها بين الاهل والاصدقاء




ماهو السافي .. الترمل .. الاسم العلمي .. العاصفة الرملية ؟

العاصفة الرملية عاصفة تحمل فيها الرياح كميات من الرمل في الهواء. وتشكل الرمال المحمولة في الرياح

سحابة فوق سطح الأرض، ولا ترتفع معظم الرمال إلى أعلى من 50 سم، ولكن بعض حبات الرمل تصعد

إلى ارتفاع مترين. ويتراوح متوسط قطر الحبات التي تحملها الرياح ما بين 0,15 و 0,30ملم. وخلال

العواصف الرملية تصل سرعة الرياح إلى 16كم في الساعة وأكثر، كما يستمر هبوب العواصف من ثلاث

ساعات إلى خمس ساعات.


الكل منا له طريقه في تركيب في واجهه وهي الطرق التقليديه البعض يضع فيري والبعض يضع تغبيره ام 15 ريال من

محلات زينه والبعض يضع البرقع رغم ان البعض يشتكي من البرقع بتوسيع صدمات سياره والبعض

يضع حاميه الشفافه

والكل جرب طرق هذي وافضلهم طبعن حاميه الشفافه رغم سعرها الغالي تقرين سعرها

الصناعه امريكي 100%

الاسعار على حسب السماكة



السماكة : 1.5 ملم

800 ريال السيارة الصغيرة

1000 ريال السيارة الكبيرة


السماكة 3 ملم

1000 ريال السيارة الصغيرة

1300 ريال السيارة الكبيرة

_________________________________________________________




الكل يعطي رايه ماهو افضل منتج















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنا أشوف افضلهم البرقع و إذا كان تفصيله جيد ما يأثرعلى الصدامات إما إذا كان يفصيله غير متناسب و صغير و تشده بقوة عالصدامات فأعتقد إنه فعلاً يؤثر.
أما بالنسبة للتغبيرة فاشوف إنها ما تنفع بشي
ولك أحلى لايك يا سكودر عالموضوع الجيد و المفيد


up 1 down 0
abunwash 757
قبل 6 سنه و 6 شهر



تسلم على الموضوع 

للمعلوميه !!
تراء الفيري يصفر في البودي وماينفع

البديل التغبيره التثبيت نشا ولو تبي امريكا ماعندك مشكله

وبنسبه للعواصف حقت السافي 

من هنا ان شاء الله الى البرد ماتجي عواصف

لان العواصف اغلبها بالصيف وخصوصا على السواحل


اما الان وبفضل الله راح تقل العواصف 

ولاتجي غير بالبرد القارس والمعروف( المربعانيه) وتجي عواصف برد قارس وهذي ماتجي غير عند الجفاف وقلة الامطار وهي (القوارين )

وهي تاتي سلسله متتابعه من البرد القارس وتاتي عواصف ترابيه صباحا وتنشط ايضا مغربا 

وهذا والله اعلم


up 1 down 0
سعد خليل 6151
قبل 6 سنه و 6 شهر



البرقع مع ضغط الهوا راح يخلع الصدام لانه مثبت فالصدام خصوصا السيارات الجديده صداماتها بلاستيكيه ... التغبيرات ابشركم عدمة لون الصدام والواجهه .. الواقي اللي يركبونه الشركات الشفاف هو الحل الامثل لكن مشكلته فالنهايه اذا جيت تشيله يمكن يترك اثر ... وتسلم ياسكودر على هذا الموضوع



كأني أشم إن الموضوع دعاية لنايس كول




up 3 down 0
checkpointksa 543
قبل 6 سنه و 6 شهر



أخ شاقح أخالفك الرأي في أن البرقع يخلع الصدام من واقع تجربه مع كوروللا

انا ماقد شفت سياره تتفكفك صدامتها مثل الكورولا

تكون ماشي شوي يطلع لها اجنحه من قدام و ورا تقول شاربه رد بول

ياما ركبت براقع على كوروللات ولا أحلى

روعه

الصدامات ما فكت ولا حتى فكرت تفك

وتركيب البرقع يعتمد على اللي ركبه كيف ركبه و وين حط المسكات بالضبط

ممكن أحط المسكات في منطقه ضعيفه تأثر على ثبات الصدام و ممكن أركبه في منطقه قويه ما تأثر على الصدام




up 2 down 0
checkpointksa 543
قبل 6 سنه و 6 شهر



مشكورين ونحترم ارائكم   وتسلموون على ردود 


up 1 down 0
سكودر 14901
قبل 6 سنه و 6 شهر



أرخص طريقه يسوونها الشباب أقرب بقاله ويشتري فيري بس ماأدري الفيري له تأثير على البدي أو لا 

وتسلم عالموضوع 


up 2 down 1
ابــو ســنــد 10635
قبل 6 سنه و 6 شهر



انا مشيت من الدمام الى جده
والفيري مغطي الوجه بالكامل
ولا اثر على اللون واول ماوصلت غسلته
وانا راجع للدمام
نفس الشي بس كان فيه غبار
وتراب وهواء
وكان الجو جدا سيئ
والحمدلله ماصار شي بالوجه
اول ماوقفت
لقيت الوجه كله تراب لاصق بالفيري
بالصدام والمرايات
الفيري ماتوقعت مفعوله كذا كن افكره خرابيط بس قلت خلني اجرب !!

اذا جيت تحط
لازم تحط كميه لين يصير ثقيل ومع المشي بيصير شكله مثل الشحم
وبكذا راح تضمن ان الفيري يمسك التراب وهذا المطلوب .


up 0 down 1
شكلين مآبحكي 4750
قبل 6 سنه و 6 شهر



انا جربت الفلم الشفاف جونسون والله العظيم ممتاز ونزلتة قبل ايام لانة مشيت فية في عج قوية وضعف النوور ولونة تغير من العج صفر لكن والله لما نزلتة كل شي وكااالة جديد شمعات وكشفات وصدام لو رحت للمعار ابي ابيعها بيقولون الشريطية جاها صدمة مشاء الله تبارك الله صرااحة حماية واشوف انه احسن حاجة سويتها لسيارة وقعد عليها سنة وستة اشهر للامانة روووعة وحماية على قولهم للواجهة وبرجع لهم مع الراتب بركب


up 1 down 0
ابوعلي 111 4
قبل 6 سنه و 6 شهر



فيه افضل حل اللي هو زيت السيارات المحروق حطه وخله لما ينشف لن لو مشيت على طول راح يمشي على بدي السياره
والثاني شحم السيارات حطه على الواجه والله يستر عليك


up 0 down 0
ksa4865 44
قبل 6 سنه و 6 شهر



كل واحد يحط لزقه علا اللوحه وخلاص


up 0 down 0
سعود سعد 222 26
قبل 6 سنه و 6 شهر



البرقع سعره معقول ويأدي الغرض  واللي يقوول رفع حرارة  شكله مسوي لثمة للسيارة
لازم يكون فتحات الشبك الأمامي العلوية والسفلية شبكه  ولا تغطى نهائيآ وأنصح بالتفصيل
لين نص الكبوت ويكون مبطن بقطن يكون سعره مايعدي250  ريال والله يحفظ المسافرين
من كل مكروه        ويردهم لأهلهم بالسلامة


up 0 down 0
صديق اليتامى 536
قبل 6 سنه و 6 شهر



^^^^^^^^^^^^^^^^^

 لا هو صادق  اذا جيت تركب برقع  حط  فتحات زي شبك  مو تكتمها   بعون اني اكره البرقع  كره  


up 0 down 0
سكودر 14901
قبل 6 سنه و 5 شهر



البرقع جيد لكن حسب نوع الشبك بسيارتك
ممكن ما يحمي الشبك اذا كان كروم وفيه فتحات لتهوية الراديتر .. المختصر اظن انه الشفاف افضل للحماية والله يعين على سعره
الواحد يآيس ويركبه اذا كان الموتر يستاهل ..

موضوع جميل والله
موفقين


up 0 down 0
ammar10jo 4
قبل 6 سنه و 3 شهر



نايس كول مركب عندكم عازل اغلى نوع الكريستال ب 1200 ريال
ولونه صار باهت والجزء الي على اطراف القزاز داخل جلدة القزاز باقي محافظ على لونه!!


up 0 down 0
3badels3 13
قبل سنه و 10 شهر