أضف سؤال أو موضوع جديد          

تكايات المكينة وتفادي مشكلتها جموس كوابرس وكل السيارات

up 3 down 1
فيصل طلال... 153
قبل 4 شهر و 3 أسبوع





السلام عليكم كيف الحال جميع
موضوعي هذا حبيت انزله عشان يستفيد الكل من ملاك السيارات
ويبتعد عن فلسفة بعض من الشعب بخصوص
تغيير زيت المكينة اي نوع واي لزوجة ...

الموضوع ومافيه كثير من السيارات وخصوصاً الجموس والكوابرس وبعض الفوردات

بمختلف الموديلات تلقى تجي عنده صوت تكايات بالمكينة مما يؤدي الى تخبيط المكينة فيما بعد .

والسبب غبي وهو انه مايغير الزيت بحسب لزوجة المصنع

مثلاً مكاين شركة جنرال موتورز الكوابرس والجموس والكمارو والامبالا تلقون اللزوجة حقتها 5 دبليو 30
لكن يجيك واحد يتفلسف وانه افهم من الشركة اللي صنعت هذي المحركات ويقول لا حط لزوجة اعلى

هذي خفيفه وهذي مدري ايش ... مايدري ان اللي سواه بيسبب له في البداية صوت اعلى للمكينة بشكل بسيط
وبيسبب تبخير زيت بشكل أكبر على ثلاجة المكينة

وبعدين على ممشى ال170 واحيان اقل واعلى شوي يطلع عنده تكايات المكينة ويسمعها اول مايشغل السيارة وهي باردة من 5-10 دقايق

ثم يمشي 10 دقايق كذا ويختفي الصوت هذا غير ان الزيت كل ما كان اثقل صرفية بانزين اعلى وعزم اقل .

والحل لتفادي المشكلة بسيط باذن الله ..
غير الزيت حسب لزوجة المصنع مثلا محركات الجموس وشفر وكادلك لزوجتها 5 دبليو 30

ومحركات شركة فورد لزوجتها 5 دبليو 20 لا تزيدها ولا تتفلسف وكل شركة مكاينها لها لزوجة معينة تلقاها بغطاء المحرك .

واذا كنت تغير الزيت حسب لزوجة المصنع لا تتاخر في تغيير الزيت عن وقته عشان ماتواجه هذي المشاكل بعد بإذن الله.

الخلاصه يا اخوان لا احد يتفلسف ويجرب لزوجة اثقل من الموصى بها من الشركة ويقول الجو عندنا يطبخ نار

يابن الحلال درجة حرارة الغليان ادبال حرارة الجو عندك وكل شركة افهم بمحركاتها .

والحمدلله هذاني اغير سياراتي حسب لزوجة الشركة ونفس زيوت الشركة
على جراند ماركيز 2011 امريكي وكابرس 2013

صوت مكينة هادي مرتاحه اكثر ،، عزم افضل واخف على المكينة وصرفية بانزين اقل .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طيب موتري ماشي 380 الف
كنت احط 10/30
والان 20/50
هل ارجع ل5/30



up 0 down 2
ابو محمد بيشه 96
قبل 4 شهر و 3 أسبوع



طيب موتري ماشي 380 الف
كنت احط 10/30
والان 20/50
هل ارجع ل5/30
كابرس 2009



up 0 down 1
ابو محمد بيشه 96
قبل 4 شهر و 3 أسبوع



ي رجال خويي معه كابرس موديل 2011ويغير  زيت at1 بترومين 5w30 والحين ماشي 215 الف طرمبة الزيت ضربت جلد البلوف وتكايات ويبغاله نص توضيب مع انه محافظ على الزيت كل 8000 يغيره 


up 1 down 0
جنتل 07 66
قبل 4 شهر و 3 أسبوع



غريبه كتالوج الجموس اكثر شيء ينصح ب 10w30


up 1 down 0
mustafa77 6103 219
قبل 4 شهر و 3 أسبوع



كلامك صحيح . ولكن المكينه فوق 200 الف تبدا تاكل زيت . لكن لما تثقل الزيت وتحط 20/50 الزيت ما ينقص وتمشيك للاخر وامورك تمام .


up 0 down 0
مستريح البال 1 1793
قبل 4 شهر و 3 أسبوع



انا كتالوج موتري جمس مكتوب فيه 10 دبليو 30 و ادا لم يتوفر
تستطيع بعدها استخدام 5 دبليو 30


up 2 down 0
زاهد الاحمدي 269
قبل 4 شهر و 3 أسبوع



موتري وصل 400 الف موديل 96 و اعبي زيت 10w30 مااشتكيت منه لا نقص و لا صوت و بالكتالوج موصى به


up 1 down 0
bindakheel 719
قبل 4 شهر و 3 أسبوع



الزيت الخفيف مثل الموصى به من الشركة يسهل على الطرمبة ضخ الزيت لجميع اجزاء المكينة عكس الثقيل


up 0 down 0
فيصل طلال... 153
قبل 4 شهر و 3 أسبوع