الصيانة الدورية والمحافظة علي شيفرولية لومينا مستعملة؟

وجة نظر
سلمني ع الورش ومراكز الحرارة

بالنسبة لقطع الغيار متوفر قطع غيار شفروليه بس نصيحة لك ابعد عنها كانت عندنا نستخدمها بالشركة ماتصلح الحرارة مشكلتها دايم وانت براحتك

والله شوف الشفروليت سيارات جباره 
ولاكن وجهت نظري 
حلاته من الزيرو إلى 150 ألف وتبيع لأن إذا كان أستخدامك فيها ثقيل شوي راح تتعبك بعد الـ200 يمكن 

إلا في حالة لقيت سياره ورررررررررررررررده وصاحبها محافظ عليها هذا شيء ثاني 

والله شوف الشفروليت سيارات جباره 
ولاكن وجهت نظري 
حلاته من الزيرو إلى 150 ألف وتبيع لأن إذا كان أستخدامك فيها ثقيل شوي راح تتعبك بعد الـ200 يمكن 

إلا في حالة لقيت سياره ورررررررررررررررده وصاحبها محافظ عليها هذا شيء ثاني 

ياخوك معليك من ذا الي يقولك حراره   انا كانت عندنا كابرس 2007 ارتفعت حراره  والسبه ان مروحه كبيره ماتشتغل  لن  جاء غبار قوي وخربها مع اشويت مطره 
 وحراره ترتفع  وديتها كهربائي وكشف عليها وطلع مراوح وفحصها وحصل مروحه كبيره ماتشتغل وتطلع صوت غيرت دينمو مروحه وركبت ريشه قويه ودينمو جي ام اصلي وبعدها نسيت شي اسمه حراره وطبعن نظفت رديتر وصيخته وركبت ماء اصلي حق وكاله الي يجي ماء وزيت مع ماء مقطر  والسياره صارت ماشاء الله ماترتفع ومن ناحيه اللومينا قطع متوفر وصيانه متوفره  وخدمه سريعه في الجميع تشيك وصيانه 

مشكورين يا شباب 
بس السؤال بصراحة وبعد سؤال ناس كتير مستخدمين الامريكي وللشيفرولية ولومينا
تفاوتت الآراء في موضوع مشاكل السيارة وكلهم أجمعوا علي ان السيارة جميلة وركوبة
حلوة بشرط نظافة الموتور
وبجد لقيت ناس بتتكلم وتنقل كلام وخلاص يعني لو فيه حد عنده خبرة سواء سيئة او جيدة مع اللومينا
ياريت يتفضل ويقلنا عليها مش مجرد نقل كلام وسخرية زي الرد رقم واحد ويا سيدي
إدعيلي طيب يعطيني خيرها ويكفيني شرها 

رد رقم واحد معة كابرس والي اليوم يشكي ادخل ع ردودي
وياليت يجيب قيمة واللة لبيعة والعن اليوم الاي شريتة فية

وترى قلت في ردي الاول وجة نظر يعني ماقلت الاتشترية والا انحش

أخي خالد
لا تزعل مني 
فقط كنت أتمني منك النصيحة وتمني الخير
بصراحة صدمتني
عموما الله يستر عليك ويوفقك ويعملك الخير ويعطيني خير السيارة ويكفيني شرها

والله سياره على كيفك ممتازه انصحك فيها والله عندي وحده وناوي على الثانيه بس موديل اجدد تحياتي لك

اخوي عمإد .. اولا الف الف الف مليون مبروك .. الله يعطيك خيرها و يكفيك
شرها ..
ثآنيإ السيآره اختيآرك لها طيب جدا ومآشاء الله عليك 
ثآلثا السيآره تخصصها خطوط .. ما بتندم ابد 
بالنسبه للفحص .. اتمنى من اعمآق قلبي يبقى فحصك و تشيكك للسيآره
و قطع السيآره تكون بالوكآله .. طبعا على حسب مآلكها اذا اخذها من الجميح
او بآلبيد او التوكيلات يكون افضل تقدر باذن الله تتطمن ان السيآره بخير 
اهم شي لا تصدق كل من يقولك حرآره و ورش .. هذا كلام فآضي 
والله انها سيآره جبآره و هالنوع ما يطلب ورش الا اذا كان استخدآمك لها شرس
الف مبرووووك مقدما و تحيآتي لك

بسم الله الرحمن الرحيم..
أولاً مبروك السيارة والله يعطيك خيرها ويكفيك شرها..

راح أعطيك المعلومات اللي تفيدك إن شاء الله بناء على تجربة 5 لومينات فئة ss 2001 // 2004//2005//2009//2008

طبعا كلها راحت تشليح والحمد لله على كل حال..حاليا عندي 2008 ولا زالت تحت الاستخدام..

أولاً:لازم تعرف إنك بتسوق سيارة تهيضك للسرعه..يعني لازم تتحكم في أعصابك وتمسك رجلك شويه...
كلامي ما يعني إنك ما تسرع أبد..بالعكس لكن قبل ما تفكر تسرع اسأل نفسك..وين تسرع..ومتى تسرع..وكيف تسرع..!!!

طبعا أغلب استخدامي لللومينات يكون سفريات..للأمانة السيارة جبارة وراسية وتحس إنك ملك..لكن (تشفط شفط في البنزين)خصوصا 
من 2007 وطالع 8سلندر....برضه الزيت من 2007 وطالع تاخذ (8)علب بدون سيفون..يعني الله يعينك..

بالنسبة للحرارة..أنا ما عمرها ارتفعت حرارة سيارتي إلا مرة وحده....أخذت مطب على سرعة في محايل وانفقعت الثلاجه..وصار فيه تهريب 
بسيط ولا لاحظته إلا وأنا طالع مع عقبة شعار...وصلت أبها..غيرت الثلاجه وانتهت السالفه..

بالنسبة لعضلات السيارة...هنا أقولك يبغالك اهتمام ومحافظه..يعني مطبات..حفريات..لازم تكون راااااايق..لأنك ما أنت راكب شاص
ولا هايلكس...السيارة ما صممت علشان تلعن والديها مع المطبات..

خلاصة الكلام..السيارة مقارنة بمثيلاتها من نفس الفئة أشوفها جبارة وتكاليف الصيانة معقولة جداً..
ولكن أنا أنصحك ابعد عن شيء اسمه وكالة لأنهم نصابين..لأن نفس الخدمة اللي بتقدمها لك الوكالة بتقدمه لك ورش الصناعيه
(في وقت وجيز..وتكلفة أقل)...



(((هذا الرد بناء على تجربة اللومينات من عام 2001..وبناء على طريقة استخدامي اللي يجتمع فيها استخدام الحشمة..مع الكرف
))))


=====================================================================

اللومينا مشاكل وحرارة وتهربد بسرعه وسيارة ما تصلح ولاهي حقت كرف<<<<هذا كلام أهل الدرفت وأهل المقاومات والتعديل
=====================================================================

إن شاء الله إني أفدتك..وإن شاء الله ربي يرزق كل واحد في منتدى حراج 33 مليون ريال سعودي تنزل في حساباتكم بعد الفجر

انا معي اس اس 2007 لومينا تسرع 120 كااانك تسرع 60 هدوء وثبات بالطريق ومافي اي معاناة اذا بغيت تتجاوز سيارة امامك ،، والي يقولك خرابات وحرارة هذا تحصله ما قد جربها او حتى ركبها او انه راعي قومات وتفحيط ومايخلي مطبات وحفر بالشارع ما يآكلها واخر شي يبي السيارة ما تقول شي وتدوم معاه بدون اي مشاكل

انا جربتها لحد اليوم سنة وشهرين والحمدلله مافي اي مشاكل ،، الاشياء الي سويتها فيها زيت المكينة وفلتر ومره غيرت الكفر لان حبل علي والسبب نقص ضغط الهواء وقبل شهر رفعت علي حرارة وصلت 105 والحمدلله طلعت بسسسيطة قربة ماء الرديتر ناقصه وعبيتها ماء مقطر والحمدلله رجعت طبيعيه.

وصرفية البنزين حلووه مع انها 8 سلندر انا رجلي خفيفه على الدعسه .. اعبي 91 بـ 15 ريال يكفي 332 كلم ،، وطبعا اذا تعبي 95 وسيارتك اس اس اتحداك تصبر وتصير راكد ..

واذا سيارتك نظيفه ان شاء الله مابتجيك خرابات ،، اما راعيها القديم راعي درفت ومقاومات وملعون خيرها بتجيك خرابات اكيد

هههههههههه ومعروف الي مايقدر يملك كابرس او لومينا يقووول عنهم خرابات

افحص السيارة اذا مافيها مشاكل توكل على الله وخذه 


ومبروك مقدم الله يعطيك خيره ويكفيك شره 

مشكورين يا شباب
وتسلموا علي النصائح
ويارب يجمعنا علي خير في الدنيا والآخرة

انا معاي 2006 ال تي زد ماشاء الله سياره جباره وراسيه ولها معاي سنتين وما حطيت غير الاشياء الدوريه العاديه واللي يقول خربانه وتعبانه وحراره يا اما
يكون  حق دريفت ومقاومات يا اما بحياتو ماطلع فيها ومسك الطاره واي سياره تهتم فيها عمرها ما تقطعك 

انا معاي 2006 ال تي زد ماشاء الله سياره جباره وراسيه ولها معاي سنتين وما حطيت غير الاشياء الدوريه العاديه واللي يقول خربانه وتعبانه وحراره يا اما
يكون  حق دريفت ومقاومات يا اما بحياتو ماطلع فيها ومسك الطاره واي سياره تهتم فيها عمرها ما تقطعك