أضف سؤال أو موضوع جديد          

طريقة التأكد من بلف الحراره

up 73 down 58



والسلام عليكم و رحمه الله و بركاته

أشوف كثير من الاستفسارات عن الحراراة و الكثير يقول

شيك على بلف الحراره طيب كيف يشيك عليه

و قبل كم يوم واحد يقول عزم السياره طايح و رد واحد يقول شيك

على صحن الكلتش كيف يشيك عليه يفك القير عشان يشيك

بعض الردود مالها فايدة أو غير منطقيه أساساً

و تعرف من صاحب الرد أنه يبي يشارك و يسمع أو يشوف الناس

و يردد كلامهم دون أدنى خبرة

حتى الصناعية تروح لهم يقولك نغير لك بلف الحراره و نشوف

كل هالكلام عشان يأخذ منك شغل اليد و صلحت سيارتك

أو لا المهم عنده أنه أخذ منك فلوس

طريقة الفحص تشغل السيارة حتى توصل الحد الطبيعي

و الرديتر فيه خرطوشين واحد فوق وواحد تحت

تضغط بيدك الخرطوش العلوي و تشوف مدى ليونته او قساوته

و نفس الشي الثاني السفلي و تقارن بينهم

لو البلف سليم و مفتوح يكون الخرطوشين تقريباً بنفس الليونه

لو كان قافل تحصل واحد قاسي و الآخر لين هذا يدل

أن البلف حاشر الماء و تسبب بقساوته و ارتفاع الحراره

أتمنى كل موضوع لي أجيب لكم فايده و تكون مواضيعي كلها

من واقع تجربه شخصيه و شيء مفيد

ملينا من وش أفضل كفرات ووش أفضل زيت

و محتار بين كذا و كذا

و إلا واحد ركب جناح لسيارته و غثنا فيها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههه ديسلايك على طول

أول ما دخلت للمنتدى خلال ساعات وصلت نقاطي ٥٠

بعدها حصل إتفاق من الأعداء الحاقدين و نزلوها لهذا المستوى


up 35 down 36



طيب واذا الخرطوش محجر مره يحتاج تغير ولا لا ؟؟


up 6 down 5
المتوكل 777 371
قبل 9 شهر و 4 أسبوع



الخرطوش يحجر اذا الحراراة ارتفعت عن الحد الطبيعي

لو بشيء بسيط يحجر حتى لو البلف مفكوك


up 24 down 19



حي الله ابراهيم . موضوع ممتاز من شخص مشاكس . ولك احلى لايك هههههههههههههههههههه


up 7 down 20
مستريح البال 1 1797
قبل 9 شهر و 4 أسبوع



حلك غير صحيح والهوز او الخرطوش ممكن يحجر حتى لو فيه 

مشكلة براس المكينة بسبب الحرارة . اذا بغيت تعرف البلف الحرارة

او الثرموستات شغال صح فكه من السيارة وحطة بقدر فيه ماء 

وحطة على النار الى ان يغلي الماء اذا فتح البلف او الثرموستات 

يعني شغال . 


up 16 down 7
abomesal 1025
قبل 9 شهر و 4 أسبوع



الطريقة الوحيد والصحيحة ١٠٠٪؜ هي طريقة abomesal




up 13 down 2
ipiwrtusol 114
قبل 9 شهر و 4 أسبوع



فكيته غيره و انتهى الموضوع

خل عنك افكه و اسوي اختبارات انا قلت الطريقه اختصار للوقت و الجهد و المال

و حلك غير صحيح فيه سيارات مثل الفورد مثلا البلف يفتح قبل الغليان

لو وصل الغليان بعدها فتح يعني فيه مشكله بالبلف

البليزر مثلا يفتح مع الغليان كل بلف حسب مقاسه

و انت حطيت البلوف كلها مثل بعض نترك الماء حتى يغلي و نختبر كذا غلط



up 5 down 9



احلى لايك لابو خليل :)


up 9 down 17
benz lover -63
قبل 9 شهر و 4 أسبوع



كلامك صحيح بس المقصد البلف الخربان ما يفتح حتى لو غلى الماء

وكل مصنع يصنع بلف يفتح على درجة حرارة معينة .


up 8 down 1
abomesal 1025
قبل 9 شهر و 4 أسبوع



ليش هالدس لايك الرجل طرح موضوع ومعلومه مفيده 


up 6 down 8
088mansour 773
قبل 9 شهر و 4 أسبوع



السؤال ليه البلف يخرب في السيارات الأمريكيه
تحديدا ..


up 4 down 5
الحمد لله .. 123 -92
قبل 9 شهر و 4 أسبوع



نبي موضوع خراب اللد وطريقة تصليحه قد نزلته


up 3 down 2
abo3edh 300
قبل 9 شهر و 4 أسبوع



الظاهر اللي اعجبه الموضوع او شكر صاحب الموضوع ياخذ ديسك لايك . ههههههههههههههههه
الله يكتب اجر يابو خليل


up 4 down 12
مستريح البال 1 1797
قبل 9 شهر و 4 أسبوع



عليكم السلام
فعلا اغلب الردود على سؤال عن مشكله بوادي لذلك ياخوان منت مجبورتجاوب وانت ماتعرف لاتورط اخوك المسلم باصلاحات
وتغيير قطع مالها علاقه وتخسره

يعني مانزل سؤال هنا الا وهو هاااااج منحااااش من سباكين الورش فلا تصير سباااك المنتدى وتتكلم بما لاتعرف


up 2 down 2
المنطق يقول 675
قبل 9 شهر و 4 أسبوع