أضف سؤال أو موضوع جديد          

مبرد تروكول للجي ام شفر كوابرس جموس كمارو

up 5 down 2
فيصل طلال... 150
قبل 6 شهر و 3 أسبوع



السلام عليكم .. ابغى ادخل في الموضوع على طول.

وهو تركيب مبرد تروكول 40 ألف وحده بدال مبرد الوكالة الثاني الصغير اللي يجي باخر الرديتر بالكوابرس والجموس ومدري عن نظام تبريد القير في الكمارو الصراحة بس اتوقع نفسه لانهم يركبونه بعد .

المهم أول حاجة رأس المكينة في الكوابرس والجموس بكافة انواعها والكمارو واحد .

واما عن القير فنظام التبريد بال6 نمر اول شيء مبرد أساسي يشترك مع المكينة في موية الرديتر وثم مبرد ثاني لكنه صغير .
والمشكلة في المبرد الاساسي انه غصب ياخذ من حرارة المكينة دامه مشترك معه في حالات الوقوف والزحمات


لذلك المبرد الصغير مايقدر يوفي ويلحق ، المبرد حق الوكالة ممتاز جداً في الخطوط فقط لاني مجربه وتوصل حرارة القير عليه بالليل

وكذا 64 و65 لكن مشكلته وقت تقاوم او وقت تدعس او بالمدينة حتى والزحمات والمشاوير بدون قومات ولا شيء يكون من 88 الى

92 ويوصل من 93 الى 96 وهذي مشكلة حتى لو ماتسبب للقير ضرر اذا تغير الزيت وتلتزم لكنها تضعف الأداء واكيد تضر ع المدى البعيد وكذلك ترفع من حرارة المكينة شوي .

المهم سويت اللي في راسي من زمان وريحت نفسي ورحت محل 68 وركبته وسعره مع التركيب عندهم ب720


والحمدلله الفروق للي شفتها :

حرارة المكينة اغلب شيء ع 90 و 88 ماتزود مع المكيف وبدون المكيف تزود شوي وترجع والكابرس حرارته الطبيعيه من 88و87 الى 105 ثم تشتغل المروحه وتنزل .

وحرارة القير الحمدلله اعلى شيء وصلته مع الدوس وكذا والجلد 82-81 .


والموتر صار احسن يستجيب افضل واريح للقير يعني تدعس له من 120 بالدايري والتراكشن شابك يهوز ماشاء الله .

فعشان كذا اللي مواترهم 8 سلندر جنرال موتورز خصوصاً كوابرس وجموس وكمارو الافضل يركبونه ويريحون روسهم مره وحده.

مع العلم زيت القير نفسه ماغيرته ماشي عليه 22 الف ولا حتى زدت عليه لان ماطلع الا ممكن اقل من نص علبة مع المبرد القديم كانت جواته .

طبعاً اللي يبغى مبرد نفس حجم وأداء التروكول بالضبط ورخيص يروح التشاليح ويشتري مبرد قير فورد اكسبلور موديلات 2004-2005 وسعره ب 100 ريال واعرف كثير مركبينه وتركبه عند تروكول ب 200 ريال .

واذا بتتاكد من المبرد شغال او لا حط فمك في الهوز الاول واصبعك بالهوز الثاني وانفخ اذا ماشفت تنسيم يطلع وهواء معناته مضبوط .

انا بغيت اركبه وشريته بس يوم رحت 68 وسوست وفضلت اركب تروكول جديد افضل هههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع جدا مميز اشكرك لايك +1


up 1 down 3
benz lover -122
قبل 6 شهر و 3 أسبوع



حتى الي معاهم سييرا اشوفهم يتكلمون عن مبرد قير الاكسبلورر
انه يركب على الجمس وتتحسن الحراره
ومع العلم عندي اكسبلورر 2005ومبرد القير كبر كف اليد
على المدح الي جاه توقعته كبر مبرد المكيف اخرتها كبر الكف
وابتاكد مره ثانيه انه هو المبرد حق القير ولا هذا حق الدركسون


up 1 down 1
d7ooom777 456
قبل 6 شهر و 3 أسبوع



ايه وانا اخوك كثير جموس بانواعها وكوابرس وكمارو اذا يبي نفس حجم التروكول 40 الف وحده ونفس الاداء بس رخيص يركب

حق الاكسبلورر شرط 2005-2004 لان الموديلات الاجدد صغروه .
ومدري وش تقصد انه صغير بالعكس كبير وزيادة وترا مكانه بالنص بين رديتر المكيف يعني افتح الكبوت تلقاه بالنص زي تقدر تقول مغطى شوي ومشدود قوه هذا مكانه بالاكسبلور.

عالعموم انا زي ماقلت هو نفس اداء التروكول لكني افضل الجديد عليه .


up 0 down 0
فيصل طلال... 150
قبل 6 شهر و 3 أسبوع



مبرد الاكسبدشن مسطره مدري وش وضعه حاطينها فيه حق السوناتا اعرض منه


up 0 down 0
7amood1930 267
قبل 6 شهر و 3 أسبوع



فعلا توني شيكت عليه بعد ماشلت الصاجه الي فوق
حصلت مبرد القير بين رديتر المويه ورديتر المكيف
الظاهر الصغير الي كنت اشوفه حق الدركسون
وفعلا حجمه مثل التروكول40الف وحده

لكن يافي كمية غبار وسخ خلف الرديتر اذا فضيت
ابدخل لي مويه وانفض الوسخ


up 1 down 0
d7ooom777 456
قبل 6 شهر و 3 أسبوع