أضف سؤال أو موضوع جديد          

ليونة اللومينا و قساوة الكابرس و فرق اليايات

up 35 down 37



السلام عليكم ورحمه الله و بركاته

أولاً حبيت أوضح الموضوع هذا قد يفيد كم شخص فقط بالمنتدى

و لكن بكتبه بالتفصيل ليستفيد منه أي شخص يبحث عن اليايات او اي شيء عن طريق قوقل

يجيبه للمنتدى لأني أنا شخصيا بحثت ولا لقيت إجابه و نزلت موضوع بموقع حراج

ولا أحد أفادني كلها ردود ما هي صحيحه و حتى لو أقنعك و طبقتها تطلع غلط

فحبيت أفيد أصحاب الكوابرس

و بالبدايه موضوعي الأخير عن الزيت و تأخير تغييره برد على بعض الاشخاص هنا

فيه كم عضو ما يحتاج اكرر أسمائهم

ما أدري حسسوني ماخذ سياراتهم و لا غيرت زيتها جايين يسبوني و ينتقدوني و يقولون دلخ

و بغت تروح المكينه عليك

يعني بغت تروح ما راحت و حتى لو راحت ماهي خسارة

و يقولون تسوي نفسك فاهم بالسيارات وانت تمشي بالزيت 25 ألف

طيب انا ما أفهم بالسيارات لكن أفهم بالدنيا أفضل منك و أوضح لكم التفصيل

السيارة ذكرت أنها ماشيه 400 ألف

سعر الزيت التخليقي غالبا ما بين 40 الى 60 ريال نأخذ المتوسط 50 ريال

و مكينة اللومينا تاخذ 7 علب زيت و سيفون قيمته 21 ريال من الوكاله

و شغل يد 20 ريال تقريبا

نجمع المبلغ يطلع 391 ريال كل تغييره لأن 7 علب زيت رفع سعر التغيير

لو نقول كل 10 الاف اغير الزيت مثل ما هو موصى به يعني

السيارة ماشيه 400 ألف يعني غيرت أقل شيء 40 مره بإجمالي مبلغ 15640 ريال

هذا بدون ما احسب قيمة فلتر الهواء ناس تغيره كل 20 الف بالكثير

انا من شريت السيارة غيرته 3 مرات يعني الفلتر امشي عليه 100 الف

طيب نجي للمبلغ هذا اللي هو أكثر من 15 ألف فقط تغيير زيوت بدون اي صيانات أخرى

15 ألف وش تجيب لك

قيمة مكينة اللومينا مستعمل مضمونه من 3500 ريال الى 4000 ريال

ناخذ المتوسط 3750 ريال

يعني 15 ألف تجيب لك 4 مكائن لومينا مضمونه و شغاله بدون اي مشاكل

يعني لو المكينه ضربت عندي ماهي خسارة خدمتني و ما قصرت بالنهاية فقط كانت تحتاج غسيل

و رجعت سليمه الان اطلع ادق سلف و احرك لأي منطقه بالمملكة بدون اي خوف

تجي تلومني شفت انك ما تفهم و شفت انك دلخ و شفت و شفت و علمناك ما يصلح تطول على الزيت

طيب انا طولت على الزيت ولكن وفرت قيمة 4 مكائن يعني حتى لو خبطت ماهو مشكله

يطلع وفرت قيمة 3 مكائن

اضافه انه لا شلت هم تغيير زيت ولا وسوسه و اهتمام بالزيوت ولا ضيعت وقتي ولا شيء

اكرف و انا مرتاح و الحمد لله

من الدلخ الآن ؟؟؟

عندك أنتقاد أنتقد بإحترام لانه حتى لو اني غلطان فأنا ضريت نفسي فقط

ما ضريت أحد ولا قلت يا شباب سيارتي جديده و خبطت بسبب الزيت كيف ارجع العداد

و ادخلها على الضمان يعني ما بسرق غيري بالنهاية ما ضريت أحد ولا شيء

ننتهي من الموضوع واي شخص بينتقد يرجع لكلامي يقرأة من جديد و يفهمه او بسلامته

الموضوع الاخر وهو المهم الفرق بين الكابرس واللومينا

رغم انها نفس الشاص الاساسي ولكن طول البدي مختلف

و نفس قطع الغيار من 2007 لحد 2013

ولكن فرق الراحه شيء جدا كبير

طول عمري اسمع الكابرس ملك الخط و يآكل الخط و كلام فاضي

و عند استعماله ما شفت من هالكلام غير المكيف ثلج و العزم و التسارع ممتاز

لكن كراحه ما فيه راحه ابدا مقارنه باللومينا

ما قارنته بسيارة اخرى

يعني المفروض اللومينا نقول عنها ملكة الخط لكن ما قد سمعنا هالكلام

المقارنه بين سيارتين أملكها حاليا

لومينا 2008 و كابرس 2010

بالامكان الرجوع للصور بموقع حراج رقم الاعلان : 26218930

تلاحظون الكابرس دائما نازل من قدام و مرتفع من الخلف كثير

و اللومينا متوازنه ولو تروح تبحث ما تحصل اجابه صحيحه و جلست اطلع الفروقات بنفسي

و رحت قطع الغيار يقولون نفس القطع طيب ندري نفس القطع لكن ليش فرق الراحه

الكابرس اول موديل استخدمه بالشكل هذا استخدمت الشكل القديم فعلا قاسي ولكن قطع الغيار مختلفة

طبعا العاده اذا استخدمت السيارة بنفسك بعد فترة تطلع الفروقات بينها و بين سيارة اخرى

مثلا صرف البنزين او الراحه او التكييف و غيرها

لاحظت الفرق لو اللومينا المساعدات الامامية خربانه السيارة تهابط من قدام لو سرعتك فوق 100

تطلع و تنزل بشكل كبير شوي و يضرب وجهها بالارض و يكون شيء بسيط بالخط فقط ماهو حفرة

اللومينا ما تسوي هالحركه فقط صوت لكن ما تطلع و تنزل ولا شيء ثابته

الكابرس لو تاخذ مطب حتى لو بسرعه بسيطه و المساعدات خربانه مجرد ما تنزل من المطب

ينزل وجه السيارة مافيه شيء يمسكها

اللومينا تاخذ مطب حتى لو بدون مساعدات ما تسوي هالحركه

تجي من الخلف

اللومينا تاخذ مطب و تمشي على سرعه بسيطه السيارة مريحه على سرعه عاليه مريحه

الكابرس على سرعه بسيطه السيارة مجرد نزولها من الطب قاسيه ما فيه اي ليونه من الخلف

لو سرعه اعلى شوي تنقز حتى تسمع صوت الاستبنه لو ما كانت مربوطه ترتفع و تضرب مره ثانيه

ولو سرعه اعلى تفقد توازنها تماما بعكس اللومينا حتى لو على سرعه اخذ مطب

ولا يختل توازنها ولا شيء

الفرق جميع القطع وحده

الفرق اليايات فقط

الكابرس اليايات الخلفيه تقريبا 9 لفات و مضغوطه مافيه مجال انها تنزل و ترتفع مع المطبات

و السيارة مرتفعه من الخلف

اللومينا اليايات الخلفيه اقل عدد لفات و فيها مجل للراحه اكثر

الاماميه الكابرس تقريبا فقط 5 لفات امامية و لفاتها متباعده كثير هذا سبب انها تهابد بالخط

و المساعدات ما تخدم تتفقع بسرعه لان الضغط كله على المساعدات اليايات ما تساعد الا بشيء بسيط

اللومينا اليايات الامامية تقريبا 7 لفات و على ثقل المكينه بالامام فيه توازن و راحه و مناسبه لها

و الصور بموقع حراج توضح الفرق

صورة اليايات الاولى المضغوطة للومينا و النحيفه شوي و متمدده للكابرس

و هذا سبب عدم ثباتها من الامام

الصورة الثانيه لليايات على اليمين يايات اللومينا و اليسار يايات الكابرس







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ملاحظة : العضو ماجد المطلق مهندس وخبرة سنين وبنين بالسيارات عموماً وبتوضيب المكاين حسب ماقال والله أعلم
وواضح من مواضيعه اللي تظهر خبرته ماشاء الله


up 2 down 3
nader2002 1612
قبل 9 شهر و أسبوع



والله يا فيصل طلال ما احب الا القديم


up 0 down 1
ابو عبد العزيز 96 33
قبل 9 شهر و أسبوع