المزاجية بصيانة السيارة

35 49

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركي ابوعبدالله -131
قبل 6 سنه و 5 شهر

السلام عليكم ورحمة الله و بركاته

ملاحظ كثير من ردودي تجي عليها أنتقادات

و أنه كيف أهمل الصيانة و بعض الاعضاء من دلاختهم يردون على مواضيعي

لكن أتجاهل ردودهم الان ارد عليهم واحد واحد

و بعضهم يرد على رد لي يحاول يطلعني غلطان

كل انسان يخطيء ولكن تبي تصحح لي شيء بالصيانه طبقه بشكل كامل او اسكت

لا تجي تطبق اللي يعجبك و اللي ما يعجبك تطنشه رغم انك تقول المصنع يقول سوي كذا و كذا

طيب ليش ما طبقت باقي الاشياء و المصنع قالك غيرها

نبدأ أولا بالعضو سعود 15

بكل رد يخص الكابرس تحصله يرد و مسوي فاهم فيه وهو سيارته كامري

يعني لو مستخدم الكابرس و عارف كل شيء فيه نقول ماهو مشكله يرد

لكن مواضيع الكابرس بالذات يرد على كل تفاصيلها و نصها غلط مجرد فلسفه

ولو عنده خبره بالكابرس و أعطاله و كل شيء ليش يتركه و يروح يركب كامري

بموضوعي السابق يقول انه فيه تناقض بكلامي

اني اقول اغير الزيت على 20 او 25 الف وانا سبق و ذكرت اني بعد 10 الاف ازيده علبه

و اغير الفلتر

طيب وين الغلط بكلامي بعد 10 الاف مهما كانت نظافه المكينه بعد 10 الاف طبيعي يحصل نقص علبه

خصوصا اذا كنت فاصل بلف التبخير و تترك المكينه تبخر للخارج ما يرجع الزيت للمكينه

يعني ما ناقضت كلامي حسب اتهامه عادي ازيده علبه و اكمل عليه 10 ثانيه صارت 20

وين الغلط او مجرد انتقاد ما يدري وش يسوي من الحقد

ننتقل للغبي الثاني nader2002

هذا الدلخ كان قبل 4 سنوات مسوي صديقي و على كل شيء تافه يتصل يزعجني عليه

ما عندي مشكله اتصل اي وقت عندك مشكله عندك استفسار طفشان تبي تسولف عادي اتصل

لكن على اي شيء تافه تتصل و اخر اتصال حصل بيننا بعدها حقد علي

و صار بكل شيء يحاول يطلعني غلطان

هو ما كان مجرد اتصالات لا كان يجيني كثير

مسوي خبرة على رأسي معاهم جمس 2002 او 2003

يعني واحد خبرة و فاهم بالسيارت و يدخل ينتقدني

تتصل علي تقول بسافر المدينه بالجمس بالله ابي امرك سوقه خذ فيه لفه شوف يوصلني المدينه او لا

سلامات يعني مسوي خبرة و تستخدم السيارة من سنوات و هي معكم و تبيني اسوقها دقايق

اقولك توصلكم او لا وانت ما تعرف تقيمها حسب فلسفتك و هي سيارتكم يعني عارفها اكثر من غيرك

و فعلا هذا اللي حصل و يقول فيه صوت تحت السيارة

اطالع تحت نهاية الشكمان مربوط بعلاقه ما ادري وين العقل

و اخر اتصال كرشته فيه يذكر اني قلت تستخدم جل حق الشعر بدل الفيري افضل

الفيري حسب الخواص اللي فيه فهو منظف و يعتبر حار لو طول على البويه بتشهب

ذكرت ان الجل للشعر ماهو حار و لونه شفاف حتى لو تحطه على نور السيارة يبقى شفاف

و يولع النور بشكل طبيعي افضل من الفيري بكثير و بعد ما ينشف دقايق

يصبح صلب حتى لو تحكه بمفتاح مثلا ما يأثر على البويه

و طريقة ازالته سهله مجرد ترش عليه مويه ثواني و ينزل من نفسه بدون ما يحتاج فرك حتى

يجيك يتصل فيني الظهر اذكر اتصاله يقول وين احصل الجل

قلت له بالصيدليات و البقالات و محلات التخفيضات و كل مكان تقريبا 90% من البقالات

حتى الصغيره موجود فيها و بجميع الصيدليات موجود يعني ما يحتاج تتعب و انت تدور عليه

قال ما لقيته معليش اشتريه لي و جيبه لي او اجيك اخذه ناسي وش اللي قاله

قلت له ادخل اي صيدليه تحصله و افضل نوع اسمه شفا و رخيص تقريبا 7 ريال العلبه الكبيرة

تكفي السيارة مرتين او ثلاث مرات

ما عجبه الا يبيني اشتريه له يقول ما حصله دور عليه كثير ما حصله

قلت له مو فاضي لك لقيته او بسلامتك استخدم اي شيء او لا تحط شيء ما يحتاج

زعل و قام بكل موضوع لي يحاول يطلعني غلطان

نجي لردوده بمواضعي خصوصا بالكفرات و الزيت

و يحط لي روابط مو فاضي له افتحها و حتى لو فتحتها شيء ما اقتنعت فيه ما بجربه

المهم يذكر اني اشتري الزيت من المكان الفلاني رخيص و اروح اغيره بالمكان الفلاني

و بالسعر الفلاني بالهللات يذكرها

الفرق بيني و بينك يا نادر

انت ورع و عزوبي باقي و تدور الرخيص و فاضي طول يومك ما وراك شيء

وانا متزوج و عندي عيالي مو فاضي اطق مشوار من شمال جده لجنوبها عشان فرق ريالات

بالنهايه تحسبها صح راحت عليك بالبنزين و البهذله و الوقت و الزحمه و تركت عيالي عشان

اروح اطارد ورى فرق سعر 10 ريال

الفرق الاخر انا قصيمي وانت حضرمي

الفرق بيننا يعني انت عادي تطلع من تشرق الشمس حتى تغرب بالشمس و البهذله و التعب

عشان توفر الريال وانا ما اقول الكلام هذا استهزاء فيك شخصيا

ولكن معروف كل الحضارم كذا الفلوس عنده اهم من الوقت و راحته النفسيه و الجسديه حتى لو كان

المبلغ ما يستاهل شيء بسيط وهو فعلا ما يتساهل تجي تحسبها ما تسوى التعب

والقصيمي ادفع الفرق 10 ريال مقابل ارتاح من طلعات الزحمه و البهذله و تضييع الوقت

بالنهاية السيارة هي اللي تخدمني ماهو انا اخدمها

فلا تجي تتفلسف علي بكلام كله غلط و لاني ما خدمتك بشغله خلاص قلبت علي

وا تجاهل ردودك بموضوعي ماهو لان كلامك صح

لان كلامك تافه ما بضيع وقتي ارد على كل شيء لك عادي بعد اسبوع او شهر

اجمع كلامك كله و ارد عليه مره وحده و خلاص

يعني لا تضن بتجي ترد الان مضطر ارد عليك او اكون خلاص غلطان

نجي للعضو شفرولية

يجي يطقطق بموضوع الزيت

بالنهاية بموضوعي حق الفرق بين الكابرس و اللومينا و قساوة الكابرس

يقول تأكد من المراتب و المساعدات لا يكون مرهمه حقت ددسن والا دينه

مدري مسوي دمه خفيف يعني

تجي لتكملة رده تدري انه فعلا صادق بكلامه و غبي

يقول كان معاه كابرس 2004 و مراتبها و قعدتها غريبه شوي ما اظن شد بلد و الاكسنت اريح منها

يقول شوف لك كابرس نظيف شد بلد و قارن بينها و بين اللومينا

الرد عليه

ما ادري حسسني اول مره اركب سيارات من هالنوع

اللومينا اخت الكابرس بكل شيء حتى المراتب نفسها

و حاليا مراتب اللومينا و الكابرس نفس الشيء بالنقشه و نوع القماش و الشكل و كل شيء

يعني معقول بركب الكابرس ما بعرف هي مراتبها او لا

ووش الكابرس هذا اللي نادر وجوده بالدنيا ما بعرف مراتبه شد بلد او مرهمه

و يجي يقارن 2004 بالشكل الجديد فرق يا حبيبي 2004 قاسي مراتب و سواقه و كل شيء

لا تقارنه بـ2007 و طالع فلا تجي تسوي خفيف دم وانت غبي

نجي للحاقد الكبير عبدالله الشفيعي

هذا عاد معروف حقده له اكثر من سنتين ماسكه معاه يشوفني اكتب حرف تجيه ضيقه ههههههههههه

موضوع امس عن كورولا فيها تفتفه و غير بواجي ولا راحت و السيارة 2015

ذكرت بردي ان البواجي عمرها طويل ولا داعي يغيرها

و فعلا اتحدى احد ما يكون عنده مشاكل مصنعيه

تمشي سيارته 80 الف حسب كلام المصنع و يغيرها و تتحسن السيارة للأفضل

او يكون فيها تفتف و يغير بواجي و تروح

او احد ماشي على البواجي 200 الف و سببت تفتفه عنده او تقطيع بسبب البواجي

الا بحال المكينه فيها خلل او الكهرباء ماهي مضبوطه

يعني سيارتين نفس الشيء كلهم مشيت على البواجي 100 الف

وحده حصل فيها خلل و الثاني لا

هنا يعني البواجي مالها دخل هنا عندك خلل اخر هو اللي خرب البواجي

لو كانت فعلا عمر البواجي انتهى كان بجميع السيارات بنفس النوع تمشي نفس الممشى

و تجيها تفتفه بعدها ولكن تحصل سيارات تعدت 300 الف بدون تغيير البواجي و ما فيها مشكله

استند على كلامه ان البواجي تتغير على 80 الف ان مصنع السيارات هو اللي قال هالكلام

لكن تجي لباقي توصيات المصنع

هل تغير زيت الفرامل كل سنتين حسب كلامهم

طيب لو ما غيرته و فيه سيارات كثير موديلات 2000 يعني لها 17 سنه شغاله

ولا قد تغير زيت الفرامل وش اللي حصل معهم لا تقول ما عاد تمسك فرامل لانه ما غير الزيت

يعني مجرد صيانه مالها اي داعي

تجي للمصنع يقولك بدل اماكن الكفرات على شكل X كل 10 الاف كيلو

تعال اقنعني انك كل 10 الاف تروح تبدل اماكن الكفرات

ولو ما بدلتها وش بيصير

بالعكس غالبا لو بدلتها تحصل حذفه بالسيارة ما كانت موجوده يعني شغل وسوسه فكونا منه

تجي للمصنع او كثير من الناس

يقولك كل بداية صيف غير موية الرديتر و بلف الحراره

تعال اقنعني كل الناس بالشوارع السيارات اللي نشوفها كل صيف يغيرون البلف و المويه

او تحصل مشاكل عندهم

المصنع يقولك غير سير المكينه بعض السيارات على 60 الف

طيب كثير من السيارات تعدت 300 الف يعني 5 اضعاف المده الموصى بها بدون تغيير السير

ولا انقطع ولا فيه شيء و لازال حتى ما فيه اثر تشققات يدل انه قديم

انا واحد من الناس السير لحد الان ماشيه 400 الف ولا تغير الا لو غيرها راعيها اللي قبلي

فأقولك و اضمن لك السير 5 سنوات و 280 الف على استخدامي انا ما غيرت السير

و باقي ما فيه اي ملاحظات

نجي لباقي الصيانات حسب كلام المصنع

تغيير فلتر الهواء كل 10 الاف حسب كلامهم

تغيير زيت الدركسون كل سنتين

تغيير زيت الدفرنس كل 80 الف

كلها اشياء مبالغ فيها لو بتطبق كل شيء حسب توصيه المصنع راح راتبك على السيارة

ولا لقيت تصرف على نفسك و عيالك من مصاريف السيارة

و الاشياء المذكورة لو ما طبقتها ما حصل اي خلل

زيت الدركسون ما اذكر شفت احد جاء عند ورشه قاله غيره لي

و زيت الدفرنس سيارات طلعت من الوكالة و استخدمت و خبطت المكينه و القير

ووقفت بالتشليح انتهى عمرها و زيت الدفرنس ما تغير ولا حصل فيه خلل

يعني لا تجي كل ما رديت على احد تقول المصنع ما حطها عبث
____________________________

نجي لكثير من الردود

احد حصل عنده مشكله معينه يطبق المشكله الحاصله عنده بسيارته بنفس سيارات كل الشعب

تختلف من سيارة لسيارة

احيانا نفس نوع السيارة تجي موديل اسلاك بواجي و المكينه الاخرى بنفس السيارة كويلات

احصل ردود يقوله شيك على الكويلات و هي مافيها كويلات اصلا

ردود اخرى واحد عنده حراره مثلا يقوله شيك على كلتش المروحه و هي كهربائيه

هذا يدل على غشامه بس يبي يكتب رد و بس و تجيه لايكات على ايش و كلامه غلط

البعض يقولك ضعف المروحه

المراوح الميكانيكيه تضعف بسبب الكلتش

لكن الكهربائيه ما تضعف يا توقف بشكل كامل او تشتغل طبيعي

يعني ما تضعف و تحصل ردود لسيارات دفع امامي مراوح كهربائيه يقولك عندك ضعف بالمراوح

ولا تحاول تقنعني انه حصلت بسيارتك و طلعت ضعف بالمروحه و غيرت دينمو المروحه و ضبطت

ممكن الكهربائي غير لك الدينمو و غير الكتاوت تكون حقت السرعه الثانيه محروق

و الدينمو يستفيد منه لزبون اخر وانت تجي مسوي فاهم و تخسر الشعب

البعض يقول عندي طقطقه بالسيارة

واحد يقوله مساعدات و الثاني كراسي مساعدات و الثالث جلد مقصات و الرابع مسامير توازن

طيب كلها تطلع صوت فلا تطبق الصوت اللي طلع بسيارتك بجميع السيارات

حتى لو كانت نفس السيارة
__________________________________________

رد اخير

كثير ينتقدوني تهمل سيارتك تخرب سيارات الناس شوف اهملت الزيت وش صار

و كلام كثير ماله معنى

نجي للموضوع المقنع

اللومينا شريتها لها حوالي 5 سنوات موديل 2008 ذيك الايام شريتها بمبلغ 21500 ريال

الان سعرها حوالي 8000 ريال

نحسب فرق السعر يطلع 13500 ريال

تقسمها على فترة استخدامي 5 سنوات يعني 60 شهر يطلع الناتج 225 ريال

يعني جالس اكد السيارة مقابل 225 ريال بالشهر

و الحمد لله لازالت تعمل بكامل كفائتها اي وقت بغيت اسافر شغل و امسك الخط

على ايش تجي تقول شوف وش سويت و اهملت و سويت و فعلت

اشتري سيارة تخدمني ما أخدمها و اعطيها اهتمام اكثر من حقها

فهي بالنهاية مجرد وسيله مواصلات

صحيح الواحد وده يركب سيارة نظيفه يضمنها حصل عنده سفر او شيء يسافر بدون خوف

لكن بدون الوسوسه الزايده

مجرد فضفضه طلعتها و نستمتع بالردود ولا تتوقع بتجي تغلطني او تنرفزني بشيء

عادي بشوفه و كل واحد له قناعاته

هالشيء مطبقه على كل استخداماتي للسيارات السابقه ولا شفت منها خلل

إبلاغ

الردود