أضف سؤال أو موضوع جديد          

استفسار لأصحاب التاهو 2013 تعديل اضافة مقطع يوضح الصوت

up 4 down 1
الصاطي 12
قبل 11 شهر و أسبوع



حالياً عندي تاهو 2013 وكان فيه صوت بعد الكشف قالوا الجربوكس والمشكله من صوت زي الحنه يطلع من فتره لفتره من قدام... السؤال هل لو فعلاً الجربوكس يفضل التوظيب أو شراء جربوكس جديد وتركيبه أو من تشليح النهدي... وكم تقريباً التكلفة من فك وتركيب وقيمة جربوكس.

تحياتي للجميع



اضافة للموضوع تم تسجيل مقطع للصوت اتمنى يكون واضح
https://youtu.be/25Y-i9fOb5I







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مجرد صوت من فترة لفترة ماهو ثابت

يمشي معك تمام و تبديلاته تمام و تبي توضب او تغير

فلوسك زايده

خله حتى يبدأ يفوت تلاحظ عليه شيء اكيد من القير

ماهو على طول كذا


up 3 down 6



اخوي ابراهيم استفساري كان واضح وقلت لو فعلاً تم التأكد الركاده زينه وانا أخوك وعلى قولتك وش الملاحظات الي تعرفها حتى تتأكد أن ذا هو من القير وتحتاج توظيب...


up 5 down 3
الصاطي 12
قبل 11 شهر و أسبوع



ياخوك خله ترا واجهنا سيارات كثير كذا خصوصاً الامريكية وعاشت سنين والله وانباعت ولا طلبت توضيب خله لين مايضرب مره وحده واحيان اصوات عادية الخرخشه اذا بسيطة بس انك توسوس بزيادة


up 1 down 0
فيصل طلال... 151
قبل 11 شهر و أسبوع



المشكله ياجماعة الخير قبل فتره مسوي حادث بواجهة السياره والحمد لله ماوصل الا لمبرد الجربوكس وكان ناقص زيت الجربوكس وبعد ماغيرت المبرد زودوا الزيت ومازبط والزيت يوم جيت اشيك والفني معي قال في ريحة احتراق بالزيت عشان كذا قالوا هالكلام انه احتمال الصوت من الجربوكس وخاصة أن ريحة احتراق زيت الجربوكس معناته في خلل بالجربوكس.... الله المستعان


up 0 down 0
الصاطي 12
قبل 11 شهر و أسبوع



يا حبيبي سيارات ٢٠١٥ ماشيه أقل من ٨٠ ألف تشم ريحه إحتراق

طبيعي ريحة الكلتشات غير ريحة زيت المكينه

زيت القير بعد ما يسخن له ريحه مختلفه عن المكينه

لو الكلتشات فيها شيء تحصل رايش

مثل التراب يطلع على العيار

انت وضعك سليم لا تخاف اسحب عيار اي قير وهو حار

تحصل فيه ريحة احتراق


up 1 down 1



تسلم اخوي ابراهيم شاكر تجوابك


up 1 down 1
الصاطي 12
قبل 11 شهر و أسبوع