أضف سؤال أو موضوع جديد          

مشكلة ارتفاع rpm جمس95

up 3 down 0
محمد صالح 9695 16
قبل سنه و شهر



السلام عليكم ورحمة الله 
الاعضاء الكرام عندي مشكلة في جمس 1995 وهي ان عداد ضغط المكينة يبقى مرتفع على واحد ونص تقريبا  خصوصا اذا كانت السيارة باردة 
بالاضافة الى نتعه قويه في القير وكانه يدوس بنزين لحاله !!!!
ارجو المساعده وشكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتقد هذا نظام تحميه لازم يسخن حتى ينزل عداد الار بي ام


up 3 down 0
ابوخلوودي1 5038
قبل سنه و شهر



شيك على حساس الاوكسجين


up 0 down 1
aflaj 68
قبل سنه و شهر



الظاهر انك لغيت بلف الحرارة و بالشتاء يرتفع ضغط المكينه
انا موتري مثلك لغيته و صار كدا ماضبط الا يوم رجعته


up 2 down 1
زاهد الاحمدي 403
قبل سنه و شهر



شكرا على مروركم
 السياره ما عملت فيها شي والمشكلة من اسبوعين ومعها طقه قويه في القير !!
ان شاء الله نجد الحل عند الاخوان 


up 0 down 0
محمد صالح 9695 16
قبل سنه و شهر



اخوي متأكد فيها بلف الحرارة لان عندي انا بعد واحد شلت البلف يوم واحد و صار فيها نفس ماذكرت

ادا مافيها رجعه لان الجو برد و افضل للمكينه و اريح للقير و خبرنا بالجديد


up 2 down 0
bindakheel 938
قبل سنه و شهر



اخوي بن دخيل الحراره الحمد لله ما اشكي منها وضعها كويس والبلف راكب المشكلة في ضغط المكينة مرتفع للواحد والنص حتى والسياره محتره 
شكرا على مرورك وننتظر الخبراء ...


up 1 down 0
محمد صالح 9695 16
قبل سنه و شهر



عليكم السلام ورحمة الله 
مشكلتك بسيطة ان شاء الله
صارت معاي بجمس ١٩٩٦
اللي يختلف عن سيارتك مكينة سيارتي فورتك 
وانت القديمه المهم فحصت كمبيوتر وطلعت المشكلة 
من حساس بالثروتل بوابة الهوا وغيرته من الجميح ب ١٨٩ 
ورجعت السيارة نفس اول 
بسس انت نظامه حلابات قديم مو بخاخات نفس سيارتي 
مشكلتك حساس الدعسة او TPS
شف موضوعي يمكن تفهم اكثر نزلته قبل فتره 
انت افحص كمبيوتر وشف الحساس وين مكانه بالظبط 
لانه يختلف عن سيارتي اذا خرب يرتفع عداد ضغط المكينه 
وصوت المكينه عالي والسيارة واقفه وانت ماشي ينتع بتبديلات القير 
من قوة النتعه كأن سيارة صادمتك من ورا .. 
الردود الاولى ماله علاقة بلف الحرارة ونظام التسخين 


up 0 down 2
w.asa 2052
قبل سنه و شهر



جزاك الله خيرا ، فعلا وصفك للمشكلة نفس الي قاعد يصير معي 
شكرا على طرحك


up 1 down 0



ويجزاك خير يارب 
شف نفس ماقلت لك ورد لنا وش يصير معاك 
ترا مشكلتك بسيطة والقير سليم 100٪‏


up 0 down 1
w.asa 2052
قبل سنه



اللي عطاني دسلايك وين الغلط بكلامي ؟
اجل مشكلته بلف حرارة الجمس عندي
من شريته مافيه بلف حرارة وانا بالشمال
وبالشتاء مايحتاج اقول شلون البرد عندنا 
وماصارت لي نفس هالمشكله الا من كم شهر
وغيرت حساس وظبط عندك شي تعال ناقشني 
ولعلمك قلتها وللحين اقولها ماهمني اللايك والدسلايك 
ولا النقاط دامني اقدر انزل ردود واقيم !!


up 1 down 1
w.asa 2052
قبل سنه



ما قصرت يا غالي وفعلا استغرب بعض الي يحطون دس لايك !!!
عموما كما ذكرت رحت لمكانيكي ونظف لي منظم الهوا وضبط الوضع 
لكن يوم ورجعت المشكلة خصوصا النتعه باقي موجودة ؟!! 
احد يدلني على قطع الغيار للامريكي القديم في الدمام ؟؟ 


up 1 down 0



w.asa اخوي ادا تقصدني فأنا من هالموضوع مادخلت المنتدى الا اليوم و قبل فترة دخلت و طلعت و انا مااحط ديسلايك

لاحد الا بمواضيع المخلة بالاداب اللي صارت قبل فترة انا سألت الرجال فقط فيها بلف لاعرف ارد على مشكلته عندي مثله 96

محمد صالح عندك محلات قطع الغيار في الخضريه اكثرها يبيعوا قديم و احسن مافيهم التقوى و المغلوث و العطيف

يا رجل انا ادخل موضوع و اطلع مااشوف الا ديسلايك جاي حتى لو ردي صح اتعب انزل موضوع بتعبي و مجهودي
يجيني ديس لايك و لا حتى دقيت خبر


up 3 down 0
bindakheel 938
قبل سنه