أضف سؤال أو موضوع جديد          

تجربتي لمده 6 سنين لومينا 2003

up 8 down 5
فارس الراشدي 68
قبل 6 شهر و 2 أسبوع



السلام عليكم ورحمة الله وبركاته
معي لومينا 2003 6 سلندر شاريها مستخدمه من 6 سنين
الموترر نضيف بالامانه لدرجة تشيكات الوكالة من الزيرو الى 450 الف
وسبب الممشى هذا تقريبا 200 كيلو رايح 200 جاي تقريبا
والموتر ماشاء الله تبارك الله. راسي بكل ماتعنية الكلمة وواسع من الداخل وعزم صلاتي 
على النبي 
....
من 3 سنين وتحت 
اهملت زيت المكينه لاني كنت مسافر قلت بوقفها في الكراج ولاجيت من السفربغير الزيت
سافرت ويوم رجعت شغلتها وطلعت فيها وطفت علي بنص الخط المكينه جيمت
وضبت المكينة بحول 3500 ريال شغل وكالة ومتعوب عليه
والحمد لله على كل حال  وقبل 7 شهور تقريبا شفت نفسي فاضي قلت بروح اشيك على السيارة
وبغيرالاشياء الاستهلاكية رحت اول شي عند البنشري . قال زيت القير يحتاجله تغير لكن اول 
شي يحتاج الزيت شفط وليس تغير كامل قلت انا لا غيرها كامل مره وحده معا الفلاتر 
وليتني سمعت كلام ابو يمن يوم خلص وكل شي شغلت السيارة واحطها بالار ماترجع 
ودفيناها لين طلعت من المحل وحطيتها بالدي ماتمشي الا الاول فقط
واروح واخذ لك قير كامل من التشليح نضييف حيل ولة ضمان لمدة شهرين 
وماشاء الله تبارك الله
وبعدها بشهر تقريبا غيرت طقم كفرات
وبواجي واسلاك البواجي وغيرت زيت المكينه وغيرت جلد التوازن وجلد السحب 
وماشاء الله تبارك الله شغل وامش
...
واذكر مرة صرت ماروح مشوار الا والحرارة قريب من الاتش غيرت غطا الاديتر 
وسويت تسيخ خفت الحرارة لكن باقي موجوده وغيرت ليات الاديتر 
واخر شي عرفت ان المشكلة من الماء يقفل الاديتر ويسبب صدا للمكينة وانسداد
بالاتربة والاوساخ .. فغيرت موية اصلي ب 60 ريال وماشاء الله ماتتعدا الربع
.......
الفوائد من الي ذكر
لاتهمل السياره تخسر 200 ريال زيت ولا توضيب مكينه
اذا زيت القير طول عندك ولاغيرته سو له شفط وتزويد من فتره لفترة لين يتعود القير
خذ رائ كم ورشة علشان تعرف الااسعار ولحد يضحك عليك 
اخسر 60 ريال ماء اصلي ولاراس مكينه او توضيب لاسمح الله 
------- المشكلة الوحيدة الي جابت لي الجنان والزهايمر 
صوت رجة بالعمود ماعرفت الحل غيرت شيالات اصلية ووزنو العمود ولاعرفت المشكه
اتمنى الي يعرف يفيدنا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ودي انزل تجربتي مع اللومينا كان المفروض اسويلها يوميات هنا. 


up 2 down 1
dell2012 689
قبل 6 شهر و 2 أسبوع



مواتر يالغالي معي كابريس 2006 6 سلند ويومياً مكه الطايف اخذته ماشي 190 الف الحين 436 الف مكينة بلده والحمد لله زي الحلاوه 


up 4 down 4
abood500_ss 273
قبل 6 شهر و 2 أسبوع



البنشري لو رجع لك الزيت القديم بالقير كان اشتغل 
بس دام ظهر هذي المشكله فمعناته الكلشتات رايحه 

عالعموم انا افكر بلومينا او كابرس موديلات 2001 - 2006 
ايش رأيكم فيها السته سلندر 


up 2 down 10
ahmed195 1818
قبل 6 شهر و 2 أسبوع



كانت معي لومينا 2003 شريتها عام 2012 وكنت محتاج سيارة وشريتها أمشي حالي فيها حتى تتحسن الأوضاع

كانت ماشية 385 ألف ومن يوم شريتها وأنا أصلح فيها كل شهر

وبعد 9 شهور لقيت نفسي صارف 7000 ريال وبعتها بلا أسف ولو بقيت معي كنت رح أغير كمبروسر مكيف والله أعلم بالمصائب التي قد تظهر


up 11 down 2
مفقود 759
قبل 6 شهر و 2 أسبوع



كانت معي ٢٠٠١ ذوقتني الويل كل شوي حرارة حرارة وجلد مقصات وجلد سحب وهربده 

اسوأ سيارة مرت علي ولا انصح احد بها


up 3 down 3
benz lover -115
قبل 6 شهر و 2 أسبوع



أسوأ سيارة امتلكتها وأعتقد انها أسوأ سيارة في تاريخ صناعة السيارات. 


up 2 down 3
dell2012 689
قبل 6 شهر و 2 أسبوع



كان عندي وحده شيبت راسي مع صيانة دوريه كل يوم و لا في فايده
كل يوم خراب و بعتها برخص افتكيت منها


up 2 down 0
mustafa77 6103 292
قبل 6 شهر و 2 أسبوع



هههههههههه 
مدري على ايش الدس لايك بردي فوق 
لو تحط دس لايك من اليوم لبكره ما حتأثر بعضويتي شي 
وشوف النقاط ههههههههه 
عالعموم كلتشات القير رايحه وهو بدل الزيت مره وحده فطبيعي بيخبط ايش الغلط بكلامي ؟ 
عشان اخذت رأيكم فيها ؟،ههههههههه 
كثروا دس لايك لا اوصيكم 


up 1 down 3
ahmed195 1818
قبل 6 شهر و 2 أسبوع



أخي أحمد، سيارة أخذت فكرة سيئة جداً جداً عند كل من لم يجربها أو جربها وهو لا يعرف شيء عنها، فطبيعي تجد الدسلايكات شغالة على من يسرد تجربة ناجحة معها.

وللأسف أنا مستخدم لها منذ عام 2002 وحتى الآن وأقولها بملء الفم، سيارة لا تتحمل مثل غيرها، وليست مناسبة للإستخدام اليومي، وثقيلة في المشي.

أنصح بها فقط لشخصين اثنين، الأول شخص يريد سيارة 8 سلندر قوية رخيصة جداً لأجل تعديلها وتخصيصها للسباقات فقط، وشخص يريد سيارة ممتازة للسفر فقط وبسعر زهيد، بشرط تكون حالتها ممتازة أو قريب من ممتازة، وحالياً يصعب جداً جداً العثور على كابرس بحالة ممتازة، فكيف باللومينا!!


up 4 down 1
وليد م ع الدخيِّل 483
قبل 6 شهر و 2 أسبوع