أضف سؤال أو موضوع جديد          

مشكله عقدتني بتشغيل الكابريس 2007 الجزء الثاني

up 3 down 1
جليس 40
قبل 12 شهر



السلام عليكم

قبل ٣ اسابيع وضعت هنا مشكله بتشغيل الكابريس انها ماتشتغل ع طول
غيرت سلف
وغيرت بواجي
وكانوا كاتبين بالردود من طرمبه البنزين
غيرت الطرمبه بالفعل والمشكله اختفت جزء بسيط يعني كانت تشتغل ع طول
بس ها مره كل ٣ ايام كانت تطول شوي لين تشتغل

طبعا قلت اكيد عاديه وماعلي منها
امس جيت اشغل السياره وماتشتغل. تدق سلف والصوت يعلق ع السلف وماتشتغل
قلت المشكله رجعت من اول وجديد
سويتلها اشتراك وامورها تمام واشتغلت وحلوه
لكن انا موسوس ابي اعرف ليش طفت علي
وديتها لفاحص البطاريات قلي البطاريه ممتازه
مع العلم البطاريه لها فوق السنه ماتغيرت لكنها ممتازه ع كلامهم
قلت يمكن الدينمو وفحصوه لي وقالوا اموره تمام
وفي عندك تهريب كهرب !

بالموضوع الاول واحد قال غير حساس الدعسه
لكن ممكن تكون المشكله منه ؟!

ملاحظه: مع البرد الي جا الشاشه الي تجي بالنص ماتشتغل الا اذا احترت السياره
وانوار المسجل تضعف وتقوى اول ما اشغل السياره
ولكن اذا احترت خلاص الشاشه الصغيره حقت الساعه والتاريخ تشتغل
وانوار المسجل تشتغل عادي

في احد يعرف كهربائي مختص بالكابريس يشوف لي حل مشكلتي
يعلم الله وصل معي الحال ابيعها وافتك منها ومن مشكلتها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود










يمكن مشكلتك من البطارية نفسها 
عندك بعض البطاريات اذا فيها نص عمر 

ماتشتغل السيارة بالبرد بس يحتر الجو شوي
مثلا تجرب تشغلها الظهر تشتغل معاك على طول

ولا اذا كانت رايح مشوار ووقفت السيارة ورجعت للسيارة
شغلتها عادي تشتغل معاك بس اذاجيت والسيارة بارده ماتشتغل هنا تاكد مشكلتك من البطارية  

وانت تقول امس جيت اشغل السياره وماتشتغل. تدق سلف والصوت يعلق ع السلف وماتشتغل اذا صارت معاك والسيارة باردة 
هذي البطارية غيرها وترتاح .


up 0 down 0
w.asa 2051
قبل 12 شهر



الحين قبل دقيقه صارت معي نفس المشكله لكن ترا المشكله الحين توها وضحت لي تختلف عن الاولى 
حاليا وقت اشغل السياره ماتدق سلف ابدا يعني كان السياره بدون بطاريه 
وشلت المفتاح ورجعته ماضبطت 
ثالث مره دق سلف واشتغلت بالعافيه 

هذا تعديل لكلامي الي فوق 
انه المشكله حاليا ماتدق سلف 
تفصل ع طول 


up 0 down 0
جليس 40
قبل 12 شهر



اخوي w.asa مشكلتي بالضبط عكس كلامك
اذا حاره يالله تشتغل
اذا بارده تشتغل ع طول


up 0 down 0
جليس 40
قبل 12 شهر



ممكن الترس حق السلف اخوى او البطاريه ضعيفه
الزبدة مره اخوى حتى سيارته تنقص وداها كهربائي وجيك البطاريه شافها اوكى
بعدين يومين وبدلها من نفسه وربطت ماعاد تطفى او تنفض


up 0 down 0
رضا يوسف 1545 40
قبل 12 شهر



دامك خسرت كل هالخساير
اعقلها وتوكل غير البطاريه وباذن الله بتضبط
ومعروف البطاريه حدها سنه او سنه ونص وتنتهي
كدا او كدا البطاريه فيك فيك وتغييرها ان مافاد مايضر


up 1 down 0
احمد 170 297
قبل 12 شهر



واضحه البطارية مودعه..

البطاريات سنة وقولها مع السلامة


up 1 down 0
ipiwrtusol 114
قبل 12 شهر



شكرا لكم كلكم ع ردودكم باذن الله بغير البطاريه واشوف وش يصير معي

احيانا يجي ببالي ابيعها لكن والله غيرت كل شي فيها للاسف:
قير جديد
رديتر جديد
مبرد قير
سلف جديد
طرمبه جديده
حساسات خلفيه وكاميرا
وانوار ليد
وحساس كرنك

وكل هذا لاجيت ابيعها اتحسف عليها هههههههههههه

ع العموم بغير البطاريه وشكرا لكم كلكم ويارب تضبط


up 1 down 0
جليس 40
قبل 12 شهر



اخوي مشكلتك بسيطة بإذن لله
مرت عليا نفس حالتك بالضبط ف فورد 96 غيرت كل شئ
آخرتها طلع اصباع بطارية ( موجب ) راخي شديته بالمفك ورفعت سلك موجب كان راخي
واذا مااضبط غير صباع جديد من بناشر قيمته 10 ريال والقديم احتفظ فيه



up 0 down 0
has90has 252
قبل 12 شهر



بانتظار نتيجة تغيير البطارية.
وشكراً للشباب جميعاً على الردود الطيبة.


للرفع. اختفيت شهر بسبب اختبارات الجامعه 
المهم ان المشكله لازالت 
غيرت البطاريه واصابع بطاريه ولا جيت اشغلها ابد كنهم في بطاريه 
الاصابع مشدوده وكل شي 
عشان تشتغل لازم اجرب اكثر من مره 


up 0 down 0
جليس 40
قبل 11 شهر



تعديل لكلامي ^ لاجيت اشغلها ماتشتغل ابدا كانه مافي بطاريه 
ولايدق سلف ولا شي 
لازم اطلع المفتاح وارجع اجرب واشغلها وكذا ٤-٥ مرات لين تشتغل 
الموضوع موضوع كهرباء لكن وش هو ماعرفت


up 0 down 0
جليس 40
قبل 11 شهر



هذا السلف ي عزيزي غيره 
وبتدعي لي ان شاء الله
صارت معي قبل كذا ،،،،
متأكد 100%


up 0 down 0
yossef777
قبل 9 شهر و 3 أسبوع



مشكلتك تواجهني ،، فا شوف ممكن حساس دعسه او قفل القير .. وحاول البطاريه اللي تاخدها امبيرها يكون عالي او قوتها


up 0 down 0
abu3aneed 2
قبل 9 شهر و 2 أسبوع