كهربائي ممتاز لمكيف كابرس 2006

جده ماعرف فيها
بس الرياض اعرفلك واحد تدعيلي اذ لك نزله لرياض

في جدة مااعرف

بس نصيحة حاول تشوف ورشة فيها جهاز يشوف علتها بسرعه بدون فك

كحيلان طال عمره
من فضلك رقم الكهربائي او وصف المحل جزاك الله خير

ابشر على خشمي
صناعية الشفاء
وامتداد طريق الامام مسلم يعني وانت جاي مع الامام مسلم اول اشاره خلها ثاني اشاره خلها ثالث اشاره شارع عرفات
الي هو الصناعيه رح معها يسار بتصير الصناعيه على يمينك

سيدك الين تجيك محطة بالزاوية فيها صراف انماء عقبه شارع سيدين
عدها ..
اول لفه خلها ثاني لفه خلها ثالث لفه خلها رابع لفه رح معها يمين . سيدك اول لفه يمين خش معها بيجيك المسجد البني يسارك
تلقى الفني يمينك اسمة منصور ..

اذ تعرف الصناعيه هناك بعطيك وصف اسهل
محلات قطع الغيار الثانية الي جنبها على طول مسجد
تلقى الكهربائي اقرع واسمة منصور هندي لكن شغل ذمة وضمير وشغل صح

انصحك في كهربائي للامانة والله جربته غيرت عنده ثلاجة مكيف
وكمبروسر ورديتر مكيف مرة وحدة ،، موقعه بجدة طريق ام القرى

وانت جاي من طريق الحرمين تطلع كبري التحلية وتخش من جنب الكبري
تخلي الهرم على يمينك ويسار مع الاشارة يصير هوم سنتر وجرير على يسارك
تمشي سيدا لين اخر الشارع يقفل بوجهك تسوي اويتر
بيجيك على يمينك مدارس اهلية بعد المدارس بشوي على اليمين
اسمه تشليح القدس .. والكهربائي اسمه جلال

قله مرسول لك من طلال صاحب الكابرس الرمادي وبيضبطك ان شاء الله

سلمت اخي طلال لاهنت.... والشكر موصول لكل من تفاعل معي