أضف سؤال أو موضوع جديد          

حل مشكلة انخفاض حرارة المكينة المفاجىء تاهو 2012

up 14 down 3
nasser1430 859
قبل 7 شهر و 2 أسبوع



السلام عليكم ورحمة الله وبركاته .. 

واحد من اخوياي بالعمل قبل شهرين اشترى تاهو 2012 مستعمل نظيف 
ومن قرابة الاسبوعين وهو يعاني من مشكلة وهي ( انخفاض امبير حرارة المكينة المفاجىء الى الـ C وبدون سابق إنذار) 
وتصير المشكلة وهو يمشي بالسيارة وتظهر عبارة المحرك ساخن جداً يجب إطفاء جهاز التكييف او ما شابهه هالكلام 
وتطلع عنده في الطبلون علامة التشك انجن ( علامة المكينة ) .. وصار يخاف انه يمشي على السيارة وتخبط المكينة 
لانه ما يدري وش الحرارة الفعلية للمكينة اذا منخفضة او واصلة للـ H .

فحص عند كم ورشة كمبيوتر وكذلك بالنظر اذا كان فيه تهريب ماء او ارتخاء اسلاك او تلف احد الحساسات ولكن دون 
فائدة .. وقام بتغيير حساس حرارة الماء ولا استفاد شيء .. فعطيناه الشور بعد هداية الله انا واحد من اخوياي اللي عنده
خبره في مثل هالامور وبعد توفيق الله قلنا ان المشكلة من بلف الحرارة ( الثرموستات ) يكون يعلق اما على فتح او اغلاق
مما يتسبب في لخبطة الحرارة داخل المكينة وعدم انتظامها .

وبالفعل غير بلف الحرارة وانتهت المشكلة تماماً .. طبعاً السيارة تعتبر موديل حديث نوعاً ما وممشاها معتدل وبشكل 
عام نظيفة ماشاء الله تبارك الله لكن اتضح ان صاحبها الاول كان يعبي او يزووود الرديتر ماء شرب من الحنفية 
فلما سوا لها تنظيف للرديتر بجهاز مخصص طلعت له كمية صدأ قوية جداً هي السبب الرئيسي لتلف بلف الحرارة
وظهور المشكلة .

الموضوع طرحته للفائدة والتنبيه من اضافة ماء الشرب للرديتر .. وكذلك اذا تعرفون احد عنده نفس المشكلة يصير 
يعرف الحل ولا يضحكون عليه بعض الورش او يخسر فلوس و وقت على خالي بلاش .

دعوة منكم يا اخوان في ظهر الغيب لي ولوالدي تكفيني .. دمتم بحفظ الله ورعايته . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير وغفر لك ولوالديك.          هؤلاء سباكين.   لأن ابسط.  واقرب مشكله لها كان الترمستات.   انا يامن اجهل بالسيارات
لو طرحت المشكله قلت شيك على الترمستات
الامر الاخر.   ب ١٠٠ ريال او اقل.   توفر مبالغ قد تدفعها.    اشتر مياه مقطره ب ٥ ريال.   ٥ حبات.  ١٢حبه ب ١٠
اشتر جالون ماء اديتر من ٦٠ و٣٠ اجرة شغل يد.   لتفريغ ماء الاديتر وتعبئته. بالاصلي


up 1 down 0
عبدالله الشفيعي 1431
قبل 7 شهر و 2 أسبوع



حي الله اخوي عبدالله الشفيعي .. وجزاك الله خير .. دعوة صالحة من أخ صالح بإذن الله 

والله خويي تعب وتبهذل على بال ما انحلت المشكلة .. بسبب ان صاحب السيارة الاول الله يهديه كان يعبي ماء شرب 
ومعروف انه ما يصلح بتاتاً للسيارات الحديثة .. لكن الحمدلله هالحين ارتاح وصارت خيره غير طرمبة الماء لانها كانت 
على وشك بسبب الصدأ ونظف منظومة الرديتر وعبىء ماء اصلي وكالة .


up 0 down 1
nasser1430 859
قبل 7 شهر و 2 أسبوع



جزاك الله خير



up 0 down 0
فايز 2012 461
قبل 7 شهر و 2 أسبوع



الف شكر اخ ناصر ع التجربة الرائعة والمفيدة .. رحم الله والدينا ووالديك ومن يقرأ والجميع عن النار .


up 0 down 0
alsamer3600 205
قبل 7 شهر و 2 أسبوع



جزاك الله خير وغفر لك ولوالديك ولموتانا وموتى المسلمين ودي لو علمتنا عن مقاس البلف اللي اعرفه مقاس الوكالة 86 ولو اخذ مقاس اقل افضل لحماية المكينة وبتكون الحرارة حول الربع ويسمونه بلف رياضي افضل واريح ويمديك تتفادى اي عطل في ارتفاع الحرارة من صوت المراوح العالي لو فيه عطل


up 0 down 0
ابوخلوودي1 5073
قبل 7 شهر و 2 أسبوع



الاخ فايز 2012 .. واياك يالغالي 


الاخ alsamer3600 .. لا شكر على واجب .. والقصد اني أفيد وأنبهه الاخوان حتى لا يقع واحد منا في تلاعب اغلب الورش 


الاخ ابو خلوودي1 ... خويي صاحب التاهو يقول انه اخذ بلف من الوكالة نفس شد البلد .. ارتاح ابن الحلال من مطامره للورش 
اللي كل يوم وهو في ورشة .. والحمد لله على كل حال .


up 0 down 0
nasser1430 859
قبل 7 شهر و 2 أسبوع



نفس المشكله عندي في الماليبو 2013 وتصير دايم في الصباح والسياره بارده اذا مشيت بدون تحميه

بس اذا حميت السياره مايصير شي


up 0 down 0
turkias 20
قبل 3 شهر و 4 أسبوع