أضف سؤال أو موضوع جديد          

تجربتي ل كابرس 88 لمدة 3 سنين

up 17 down 8
7mdan_515 45
قبل 2 أسبوع و يوم



السلام عليكم 
شلونكم عساكم طيبين مع ارتفاع البنزين ههههه

بحكيلكم عن تجربه مع موتر عزيز وغالي على قلبي ماقصر معايا
في جميع الضروف الصعبه موتر على يمناك بغض النضر على موديله
كابرس 88 مكينه 305 قير 700 شريته قبل 3 سنين من شايب محافظ عليه
وعلى كلامه انه ثاني مسخدم ماشاءلله وكتلوجاته لازالت فالدرج
طبعا انا دوامي كان 80 كيلو رايح و 80 كيلو جاي يوميا غير المشاوير الي داخل المدينه
ماقصر معايا في جميع الضروف المناخيه بحكم اني ساكن فجده
والموتر ماشاءلله لا زال متماسك وعزمه حلو اخذته ماشي 64 الف ميل والان ماشي 278 ميل
ماطلب مني شي خلال الثلاث سنين غير زيت واقمشه وبنزين
موتر حطه ع يمناك بدون مبالغه وفي اجازتي اليومين اطلعبه الديره ماخليت مكان الا وجيته ينبع المدينه الرياض ابها الدمام
وهو كان موتري الوحيد والاعتمادي قبل لاشريه طلبت منكم مشوره بخصوص شرائي الكابرس
كلكم اتفقتوا انه يشرب بنزين وغير اعتمادي وخرباته كثيره وماله قطع وموتر قديم
وانا وقتها ضروفي شوي حدتني على شراه بحكم نضافته وسعره الطيب
جمل معي في الثلاث السنين الي راحت والان حبيت اريحه شوي لاني بطلع موتر جديد
والبنزين الان ارتفع بخليه حق خطوط بس دق سلف وثبت السرعه على الديره الي تبيها
وانا الي خلاني اكتب الموضوع هذا بخصوص واحد معانا في المنتدى نزل استفسار عن تجديد الكابرس
كلهم انصحوه انه ماينفع ولا له قطع انا اقول افضل موتر قديم وينفع للتجديد الكابرس كشكل وملفت للنضر
 وقطعه موجوده للي يدور بيحصل والقديم اذا كان نضيف وعينك عليه خذه ولاتشاور احد 
مواتر اعتماديه حبيت اطرحلكم هذا الموضوع واحكيكم عن تجربتي معاه وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماكمل ثلاث سنين لا تكذب هههههههههههههههههههههههههههههههه


تو استفسارك ماله سنتين وشهر يعني له سنتين معك فيه سنة من كيسك ذي ههههههههههههههههههههههههه


عموماً تعقيباً على موضوعك فوق طبعاً اغلب الشباب وانا كنت منهم لما نصحناك بالابتعاد عن هالسيارات سواءً كابرس ولا ماركيز 97 وطقتها هي سيارات فعلن صبورة واتحدى ابن امه من ذا السيارات الجدد تتحمل مثل تحملها وصبرها لكن البلا وين النظيف



يعني شف هي ما فيها الا قير ومكينة ودفرنس كهربه سليم يمشي سنين وملايين بعد كابرسنا 85 جاي معي من انولدت اكبر انا وياه ركبته بحفاضتي تكرمون وسقته حول 8 سنين او اكثر


مكينته وقيره ودفرنسه ماشاء الله تقول تبطي اخبط او يجيني شي هذاك مهب دار عداده ، هذاك لو نسلمه شركة شفر حنطوا مكينته على ممشاه ماشاء الله ابوي جلده جلس حوالي 18 الى 19 سنة وهو موترنا الوحيد ماعندنا غيره والسفريات والله لو نعدها في ذا 18 سنة ان ينقلب راسك مكة ذي كنها الشرقية عند ابوي ذيك الايام يروح مرتين ثلاث في السنة والشرقية كل شهر ونص شهرين غير الشمال والجنوب وصابر


وساق اخوي وسقت انا ولا عنده خلاف ولا يطلب والله ماشاء الله حتى فحمات تجلس ثلاث سنين مزلبينه اهم شي يهدي وماشي لين بعته سنة 2015 تشليح طبعاً بايعه مافيه شي بس ابوي قلت سواقته ماعاد يسوق كثير وعنده جمس وكل منا معه موتر وبدت تكثر وقفاته ودرايشه خربت ومكيفه اصلحه ومايزبط وكرشته




فالخلاصة يمكن اني طولت عليك معذرتن وشرحت قصة حياتي الخلاصة انه مهب قضية مهيب صبورة هي صبورة حتى في الزمن هذا لكن منطقياً يقولك تركب مثلاً اكسنت ولا ريو 2013 مراتب نظاف مكينة جديدة وعضلات جديدة وكل شي جديد حتى لو انها اقل اعتمادية من ذا بس تشتري راحتك وتركب شي نظيف لا فيه تنسيم هواء ولا يدخل عليك مطر



يعني ذاك من ذاك اللي تحصله محافظ على كابرس الا كانه شايب ومايعطيه عياله



وبعدين بعض القطع فعلياً ما تحصلها انا مستخدم للكابرس قلتلك من حييت وانا استعمله لين قبل سنتين بعض القطع اركب حقت بيوك حقت كدلك طبعاً متقاربه هي يعني تلقى القاعدة تختلف وتركب القاعدة الاولى وهكذا بس ماراح تنقطع تلقى قطع طبعاً وكالة انس كلها امريكي



وبعدين الحين شف مع ارتفاع البنزين اضطريت انك توقفه عشان البنزين لانه يشرب عاد هذي اسمحلي فيها عارفه انا يلتح ، لكن لوك ماخذ ريو ولا اكسنت اربعة سلندر اقتصادي لمخباك بحكم انك طالب جامعي ومكافاتك على قدك وحالك على قدك تعبيها 91 وزيتها ماياخذ ثلاث علب ونص اظاهر بعكس هذا 5 وربع متذكر كابرسنا ياخذ كذا الله يا الدنيا


وصلت الفكرة لما ننصح بالجديد الصغير لانه رايح لدماغك كطالب جامعي واوفر لمخباك بنزين ولا غيره




up 7 down 22
a.ibrahem 2751
قبل 2 أسبوع و يوم




معنا كابرس ٨٨ باسم الوالد 
لو باجهزه عشان يمشي بس يبغى له ٣٠٠٠ ريال 
ولو اجدده واغير القطع المستهلكة يبي له ١٠ الاف 
ولو بارممه ترميم كامل داخلي خارجي وكأنه جديد يبي له فوق ٢٥ الف

واشغل واتعب نفسي فيه 

ب ٢٥ الف باشتري سيارة اقتصادية بدال الترميم

 اللي مهتم ورغبان ومن عشاق التجديد
عاد الله يعينه 


up 9 down 2
حرف الالف 924
قبل 2 أسبوع و يوم



ماشا الله ٢٦ سنه مامشا الا حول١٠٠الف كيلو  وانت خلال ٣ سنوات مشيت عليه حول ٣٠٠الف كيلو               بتعبيه هلحين ب ٣٥٠


up 1 down 7
عبدالله الشفيعي 1272
قبل 2 أسبوع و يوم



الممشى مهب صحيح داير عداده ما عنك وعنها ولا طبلونه متغيره او قد خرب العداد حق الممشى وين 64 الف ميل يعني تدري كم كيلو 102 تقريباً معقولة موتر 30 سنة ماشي بس ذا الممشى لحد يقول لي يمكن مخزنينه ويمكن ذا الله ماشفناه بالعقل عرفناه مافيه احد بيخزن ذا الكابرس 30 سنة على ذا الممشى وبيبيعه بارده مبرده


كابرسنا كان امريكي يوصل 99 ويلف مدري كم لف من لفه اتوقع انه تعب وهو يلف


لكن مثل ذا الموتر لاتناظر ممشاه ابد ناظر المكينة نظيفة اعتبرها اصفار ماياثر فيه ممشى ماشاء الله تبارك الله


هذي المكاين ولا بلاش صحيح انها كانت تقليديه لكن يا زينها وين تلقى مكينة تعيش 30 سنة مايدخن ولا يعثور وتسافر به كل مكان يروح اتحدى تويوتا والياباني والكوري كله يوصل لذيك المكاين حتى مكاين الامريكي الحين مهيب مثل اول


up 3 down 16
a.ibrahem 2751
قبل 2 أسبوع و يوم



سبحان الله عشاني قلت لا تكذب جاني كوم ديسلايك يعني ضايقتك الكلمة وانا صادق عند ربي مهب عشان تمدح موترك تزود سنين استعمالك له عشان تثبت عادي قل له معي سنتين يعني بتفرق


الموقع هذا هو قدامي ورادين حنا عليك قبل سنتين وشهر وانت تقول بشتري يعني راح شهر من شراك باقي سنتين كيف صارت ثلاث ولا مغبر ما ترد على كلامنا


انا متاكد ان الديسلايك جايني مهب عشان الكلام اللي كتبته لاني متاكد محد قراه عشان قلتله لا تكذب وانا صادق عند ربي ليش يحمل نفسه ذنب ويكذب ويقول خادمني ثلاث سنين قل سنتين عادي كلها خدمة


عالماً غريبة


up 0 down 2
a.ibrahem 2751
قبل 2 أسبوع و يوم



يعني انا وش استفدت من تجربتك بتنصح الناس تشتريها ؟؟؟ ٩٥٪‏ منهم صار بالمكبس الله يهديك 

الناس تدور الجديد وش عليها من القرنبع ذي 

وعشان الاخ اللي كذبك صراحة ابو سعود نشر كذبه باكثر من عضوية بالتالي انت حول دائرة الشك !!


up 6 down 15
benz lover 71
قبل 2 أسبوع و يوم



^^ بنز لوفر انا ما كذبته بس كل شي واضح قدام عيني وانا راد عليه في نفس استفساره وتذكرت تعليقي زين قبل سنتين وشهر والرجال يقول بشتري ومعطينا خيارات


والحين يقول لي ثلاث سنين مادخلت مخي انا ما اكذبه لكن ساعات المبالغة والتبهير تخليك تشك في صحة اللي بعدها


اوكي كلنا سياراتنا تخدم وتكرف والكابرس انا اعرفه زين انا استعملته سنين اكثر منه لكني تكلمت معه بعقلانية وانا ادري ان الموتر عملي بس مانصحته فيه وقتها لاني ادري وش كابرسنا ومن حيينا وهو معنا ولا ادري عن ذا الكوابرس اللي تحت المكرفون كلها ملفقة دفرنس وقير غير وتوضيبه في ملحق الا من رحم ربي لذلك اقترحت عليه الجديد الصغير انظف واريح لمخباه من بنزين الكابرس هذا هو توهق الحين يوم ارتفع البنزين بينما لو انه شاري اكسنت ( وربعها) ماراح يتاثر لانها اوردي اقتصادية ومهب لاقي اقل منها اقتصادية


لكن بعض الناس الله يصلحهم ياويلك تخالفني في الراي ويحاول يثبت للناس العكس في سياراته اذا ذموها سوا الهوايل ويحاول ينزل تقارير ومشت وسوت عشان يثبت للناس انها عملية وبعض الاحيان عنده استفسار عطل ماوده يكتب عشان مايقولون هاه شفت موترك خرب


ياعمي ماعلي من الناس انا عايش لنفسي اقتنع ما اقتنع بكيفه لا حقين الياباني راضين يقنعون حقين الكوري ان سياراتهم تستاهل سعرها على اشكالها ومواصفاتها ولا حقين الكوري راضين يقنعون الياباني ان سياراتهم عملية وكل موضوع يقلبونها طقاق ويتصيدون اغلاط بعض ويقلبونها شماته وينسون صاحب الموضوع اساساً اللي هو جاي يستفسر اصلن


يبيلها اطرح موضوع عنها ذي


up 1 down 0
a.ibrahem 2751
قبل 2 أسبوع و يوم



اكبر دليل انه مغبر وماعنده رد يقوله جالس يعطيني ديسلايكات ومارد علي أي واحد منا هذا يأكد كلامي ولا لا ؟؟؟


بقولك شغله وادري انك تقرا ردي وماتبي ترد الله يستر عليك ترى ما اهتميت من ذا النقاط عطني لين تقول بس ترى انا يا ابو 2778 وابو 30 نقطة نفس المزايا ونقاطي لهيب رافعه قدري ولهيب منزلته ولهيب مخليه لكلامي قيمة الكلام العقلاني والمنطقي ينسمع ويوصل لوك اصغر من في المجلس


ياكثر اللي في المنتدى نقاطهم واجد بسبب انه يعلق تعليق مايحصل من وراه على ديسلايك تلقاه دايم يمدح واللي يشوف العالم مأيدينه يرد مثلهم عشان يحصل على لايك لان انا ما عندي منيب ملزوم اغصب نفسي على راي غيري عشان نقاط بقول الحق حتى لو الكل خالفني تبقى وجهة نظر


الله يهديك ويصلحك بس


up 0 down 1
a.ibrahem 2751
قبل 2 أسبوع و يوم



ههههههههههه ابراهيم هد اعصابك اكلت الرجال ماسوت عليه
زاد ١١ شهر ردك الاول يكفي
عصير ليمون يامشرف حراج لاخونا
المهم بما ان السياره معك سنتين وشهر
الله يعطيك خيرها
ماتحس انها قويه مشيتها
خلال ذي الفتره
٢١٤الف!!
طبعا بعد مانقصنا ممشى راعيها الي قبل
هذا وانت طالب ماشي فيها كذا
بمعدل ١٠٧الف كل سنه!!
شكلك شغال كداد عليها


up 4 down 2
d7ooom777 814
قبل 2 أسبوع و يوم



والله يا دحوم 777 ما ضاق صدري ولا عصبت ولا اهتميت انا ضايق صدري عليه قاعد يذابح ويقاتل عشان يثبت لهم ان الكابرس عملي يا اخوي يابعدي الكابرس ذا لو يجي اللي مصنعه ويقول مهب عملي صفقته كف


اثبت نفسه في ثلاثين سنة واكثر مايحتاج ان حنا نثني عليه في سنتين ولا ثلاث


وبالنسبة لتعليقك عن الممشى انا مدري طبلونه مثل موترنا اول 5 خانات بس والسادس يلف لين يوصل ميل ويحسب ولا ست خانات واللي يلف السابع هذي ممكن يفيدنا فيها راعي الموضوع


up 0 down 1
a.ibrahem 2751
قبل 2 أسبوع و يوم



ما شاء الله خلال سنتين مشيته 214 ميل ، يعني فوق 340 ألف في سنتين أعتقد العداد خربان


up 2 down 4
anosi 1089
قبل 2 أسبوع و يوم



^^ ماقلتلكم الموضوع من اساسه في مبالغه وتبهير واغلاط الى الان اكتشفنا خطأين في الموضوع الممشى والمدة


لما بتمدح امدح لكن لا تكتب شي الا متأكد منه وبدون ما تبالغ فيه


عموماً انا الان تأكدت ان طبلونه مثل موترنا بالظبط شكله موترنا كان يوصل 99الف ميل ويقلب ويوم يشتريه يعني عشان اوضح لكم بالظبط 64000.0 كذا كان طبلون موترنا شفتوا 64 يوصل لين 99 ويقلب ويرجع يصفر من جديد والصفر اللي قبل النقطة هذا داير مباشر يوصل لين 9 ويقلب 1 ميل بعد النقطة وصلت وشكل طبلون الرجال نفسه بس شبك السادس ويحسبه ممشاه بالمئات بالميل لا ، عشان كذا طبعاً ما قدرنا نحصر كابرسنا كم ماشي لانه 99 الف ويقلب فضنتي انه قلب مليون مرة ههههههههههههههه


up 3 down 3
a.ibrahem 2751
قبل 2 أسبوع و يوم



يعني مشيته 214,000 ميل = 344,399 كيلو في 3 سنين = 956 كيلو في اليوم
امممممم ما ودي اكذبك بس قويه قويه


up 4 down 4
شقة تمليك 429
قبل 2 أسبوع و يوم



شقة تمليك حسبتك خطأ احسب زي الناس بعدين احكم

214,000 ميل × 1.6 =342,400 كيلو خلال ٣ سنوات حولها الى اشهر يطلع ٣٦ شهر
يعني اذا قسمنا على ٣٦ شهر يطلع ٩٥١٢ كيلو كل شهر اقسم على ٣٠ يوم يطلع الممشى في اليوم يمشي ٣١٨ كيلو
وهذا طبيعي بحكم ممشاه الى العمل ومشاوير المدينة والسفر


up 4 down 5
moathqaisiyah 169
قبل 2 أسبوع و يوم



استخدمت الكابرس من 20 سنة من موديل 79
وموديلات 84و 88 و 89و90 والصابونه من 91ل93
سيارات عملية وصيانتها سهله جدا وماتكلف
وأفضلها اللي تجي بخاخات من 89الى 93 صرفية البنزين
معتدله !
بالنسبة للمشي شف التكاسي القديمة أغلبها قفل المليون وصفرت من جديد


up 2 down 5
bansq 166
قبل 2 أسبوع و يوم



معروف اكثر السيارات كرف وتحمل للخطوط فورد فكتوريا وشفر كابريس ،، حتى الكوابرس الجديدة بعدها عن الوراعين ولا تفحط فيها وتعدل استخدمها زي ماكانوا القديمين يستخدمونها وتجمل بس عيبها مثلا تلقى القديم افضل منها في تحمل الحفر والامور هذي باختصار عن تجربة للكوارس والفوردات وفورد ماركيز 2011 وكابرس 2013 هي مواتر راحة بالمدينة ماتحس شيء وبالخطوط ماشاء الله ماتتعب ابد لا السيارة ولا السواق


up 1 down 1
فيصل طلال... 155
قبل 2 أسبوع



أفضل مواتر قديمة هي مرسيدس 560 SEL موديل 90
بالذات لو جاك نظيييييف


up 1 down 1
faster 360 43
قبل 2 أسبوع