أضف سؤال أو موضوع جديد          

ارجاع مبلغ السياره وهي بالمعرض

up 2 down 3
البرنـس خالد 117
قبل أسبوع و 5 يوم



السلام عليكم 

بختصر الموضوع 
انا جاني اجنبي وفيه نضام لازم ياخذ موافقه من المرور عشان ننقل باسمه 
وهي خالصين منها 

الرجال حط فلوسه بالمعرض و انا حطيت سيارتي بالمعرض يومين 
وطير علي بيعات الله يهديه 

المهم الان جاني يقول انا جيت المعرض وتفحصت السياره مره ثانيه مع ربعه 
ويقول حصلت فيها مشكله او مشكلتين ما انتبهت لها وكلها صيانات خفيفه مثل الدرايش الخلفيه ما اشتغلت 

المهم يوم فحصها اول مره جو معه ٤ اشخاص والله تشقلبو فوق السياره حول ساعتين 
ومن ١٥ الف الى ١١ وبعدها نزلت الى ١٠٥٠٠ 
فمدري شوركم هل المعرض بيخصم لي وقت التاخير والتعطيل ولا كيف 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

الأجانب الله يهديهم لاجاء يشتري سيارة يجيبلك كل من يعرف يحضر البيعة وكل واحد يساوم والمشتري واحد يايكسرون قيمتها يايحصل له عذروب عشان لايدفع وينسحب

بالنسبة للتأخير هل تمت البيعة معهم وبتستلم فلوسك ؟ اذا نعم مايحق للمعرض ياخذ رسوم غير الي اتفق معك حتى لو بجلوس السيارة شهر


up 2 down 7
يارب توفيقك 2014 1390
قبل أسبوع و 5 يوم



الرجال دفع قيمتها كامله بالمعرض 
سوينا الورقه المبايعه. والمعرض اخذ فلوسه ٤٧٥ 
والمبلغ بالخزنه بالمعرض 
والسياره واقفه بالمعرض 

الان بس يروح للمرور يختها ويسوي تامين وصل الله وبارك 
ومن امس يكلمني يقول فيها ملاحضه ومدري ايش ومن هالكلام 

انا كرشته لاني صبرت عليه ٣ ايام يخلص اوراقه 
وخرب علي بيعتين الله يهديه كانو صاملين لا وبسومه اعلى بس اني رفقت بحاله وبعياله يبون سياره كبيره ومن هالكلام الله

والله شكلي بقوله رح ختمها من المرور وخلص تبع الموافقه 
وخلص اوراقك 
اذا ما تبي تخلصها بروح للمعرض وباخذ موتري والمبلغ كامل وعلى هواك 


up 2 down 2
البرنـس خالد 117
قبل أسبوع و 5 يوم



وش المشكلة الان


up 0 down 1
abo3edh 212
قبل أسبوع و 5 يوم



عندي سؤال:
كيف خرب عليك بيعتين وانت متفق مع المعرض والزبون والفلوس مدفوعة عند المعرض؟

قل حق صاحب المعرض انا هونت مابي ابيع و طلع سيارتك
او انه مارح يوافق ويقول لك تمت البيعة وفي هالحالة ملزوم يدفع لك السعر المتفق عليه في البداية واصلا الزبون ليش راح المعرض يفحص مع ربعه وهو دافع قيمة السيارة؟ ههههههه
شي غريب


up 0 down 0
chevrolet zr1 563
قبل أسبوع و 5 يوم



تحصل ربعه الي جو معه لعبوا براسه
بعض الاخويا عدو وقت البيع والشراء
لو في دقه بسيطه يدقق فيها
ويوسوس براس خويه الي بيشتري
ويكره بالموتر


up 1 down 0
d7ooom777 814
قبل أسبوع و 5 يوم



عادي جدا تحصل خاصه مع الشراي
خاصه مع الاجانب متردد ويبي كل شي بلاش
لو منك مانزله ولا ريال دفع وخلصنا ونتهي الموضوع
لو مصر الرجال بالخصم
قله عندك حاجتين
ارجعلك فلوسك مع خصم 1000 ريال
او
انا اتحمل المكاتبه فقط 475 البايع
والله يعوض عليك
بتحصل زبون افضل منه




up 3 down 3
allohan 3 4
قبل أسبوع و 5 يوم



الحين هو ماعاد يبي السياره
اسال راعي المعرض وش الاجراء المتبع اذا تبي تتجمل معه وتتنازل عن البيعه خصوصا ان السياره مازالت باسمك يعني فيه الشغله بسيطه ومافيها اعادة نقل ملكيه ورسوم نقل
طبعا بعد ماتخذ ورقه المبايعه وتشققها لان ممكن بعد ماتطلعه يقوم هو يروح للمرور بورقه المبايعه ويسجلها باسمه ويقول انها انسرقت هذا اذا انت خذيت السياره بدون ورقه المبايعه اما المعرض فمابيعطيك السياره والفلوس مثل ماانت تبي تخوف الاجنبي
هو الاجنبي ممكن لو راح للمعرض وكلمه ممكن يعطيه فلوسه بدون الرجوع لك او عندهم اجراء في الحالات الي تصير مثل حالتك ويعرفون الاجراء المناسب اذا الحق لك او له


up 1 down 1
Pro rare 420
قبل أسبوع و 5 يوم



شف اخوي انا لي خبرة لابأس في مثل هالأمور وخدها مني اكيد
دامك وصلت المعرض واخد اتعابه وتم توقيع المبايعة ، في الحالة هذه مايحق للمشتري ينزل ولا ريال واحد الا برضاك ولو غير رايه مايبي يشتري لازم تخصم منه قيمة عربون ، ولو المعرض رجع له فلوسه و باع واحد ثاني تقدر ترفع على المعرض دعوى لأنه مخالف للنظام ويرجع لك اتعابه مع السيارة و تجيه غرامة
ونصيحة لاتستلم اي شي من المعرض الا بورقة مختومة مذكور فيها التاريخ وتفاصيل السيارة او المبايعة.


up 4 down 0
chevrolet zr1 563
قبل أسبوع و 5 يوم



الحديث يقول " البيِّعانِ بالخيار ما لم يتفرَّقا، فإن صدقا وبيَّنا بورك لهما في بيعهما، وإن كذبا وكتما محقت بركة بيعهما"
وانت بعته وهو مختارها وتفرقتو وهو رفض مره ثانيه لكن تطبيقاً للحديث فالبيع نافذ وواجب


up 1 down 1
المفضلة911 196
قبل أسبوع و 4 يوم