أضف سؤال أو موضوع جديد          

قير تاهو ltz 2011

up 1 down 0
rapertabuk 3
قبل 9 شهر و 4 أسبوع



السلام عليكم 
الله يعطيكم العافية جميعاً 

عندي مشكلة بسيطة لكن متخوف منها ومسببة قلق شوي

اولاً :نتعة عند الوقوف التام واحياناً اذا مسكت بريك قوي  .
ثانياً :اذا كنت ماشي وحبيت ازيد السرعة شوي تجي مثل الرعشة للسيارة ثم يقبل الترس ، واذا بغيت اتجاوز وازيد السرعة اكثر يجي صوت طقة بالقير والاحظ السيارة تقريباً مثل (الشهقة) او تدقر شوي مدري كيف اشرحها لكم

هل المشكلة من زيت السيارة او من الشريحة يحتاج لها برمجة او من الصليب او من البطيخة 

شكراً لكم واتمنى فكرة (الشهقة) وصلتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب المشكلة حديثة الولادة ولا من خذيته ولا لها فترة وهل كلها طلعت في وقت واحد يعني عطنا تفاصيل وزيت القير كم ماشي عليه والموتر اساساً كم ماشي



شف الرعشه على قولتك اللي قبل ماترد نمرة ترى ياجماعة هذي طبيعية والله يعني تبي اثبت لك شفت لاصرت ماشي 80او 100 ومريح سادس وتبيه يرد لا تزيد الابنص تدريجي زده بشكل سريع يعني ظغطه خفيفة تلقاه يرد النمرة على طول بدون رعشة


لكن الرعشة تدري من ايش يعني الموتر يكون يمشي بالسادس وتزيد تدريجي ظغطتك ما تخليه يرد 5 لذلك تلقاه يحشر نفسه بالسادس ويحاول يزيد السرعة ما قبل تلقاه يرد وهذي تعتمد على دعستك


عموماً انا ما انصحك ابد توديه لأي ورشة او تتعبث فيه او يجيبون لك الوسواس ترى كل الاشياء اللي قلتها طبيعية وتطلع مع الاستخدام دام القير مافيه تفويت تأخير واضح في التغييرة او اللقمه على الترس ماعليه



والسؤال المهم الحين وش وضع الكراسي عندك ترى بعض الناس يوسوس في مكينته وقيره واخرتها الكراسي مندقه وتسبب دقات في التغيير او رعشة على قولتك على نمرة عالية والموتر مهدي تحصله ينتفض ويحسب يبي لها بواجي ولا تصفية واخرتها الكراسي تعبانه



شيك عليها وعطنا افادة كاملة عن القير وزيته ومتى طلعت المشكلة وان شاء الله نحاول نساعدك


ولو انها من سواقة الموتر تعرف المشكلة في القير او شي خارجي


up 2 down 0
a.ibrahem 3242
قبل 9 شهر و 4 أسبوع



الأخ ابو ابراهيم كلامه منطقي وعلمي
عندي نفس المشكله في كابرس وقت تبديل النمر على 4و5 احس برعشه ونفضه خفيفه اذا دعست له بقوة يعني اذا جاء يلقم الدعسة الثانيه احيانا استجابته ضعيفه
مايفز يعني اذا كنت امشي 80 والموتر مريح بالسادس ودعست بقوة طبيعيا الموتر يرد النمره الى 2 انا عندي لا يبدل نمرتين ورا بعض يرجع للثالث وبعدين للثاني
واشك في الكراسي او القيير يبغاله تحديث.. خذها قاعده طالما القير تبديلاته سليمه وناعمه ومافيه تفويت فالقير سليم بإذن الله
وللمعلومية موتري ماشي 80 ألف


up 0 down 0
hussain_007 -2
قبل 9 شهر و 4 أسبوع



الله لا يهينكم اخوي ابراهيم وحسين
طيب وش سالفة الطقة الي تطلع لمن ازر على الموتر وانا ماشي 
كراسي المكينة اخر مرة شيكت مافيه شي 


شكراً لكم


up 0 down 0
rapertabuk 3
قبل 9 شهر و 4 أسبوع