أضف سؤال أو موضوع جديد          

صيانـة 100 الف ...؟

up 1 down 0
ryan702 439
قبل سنه



السلام عليكم ورحمة الله وبركاته

ياشباب سيارتي ماشاء الله وصلت ال100 قبل فترة وتخطيت هالرقم بفرق بسيط
بس ودي اسالكم بما اني مقاطع الوكاله ولا عمري دخلتها الوكاله الا عند تغير زيت القير على الـ 70 الف فقط

ايش اهم الاشياء الي لازم افحصها او اغيرها عند هالممشى بدون العودة للوكاله او ماشابهة
مثلا البواجي غيرتها ع 90 الف انا

سياره سوناتا 2016







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله لا تسوي ولا شي معي نفس موترك بس 15 الشكل الجديد ماشي 180 الف م غيرت الا زيت القير والاقمشه والباقي ع وكالته الحمد لله ماواجهت مشاكل ف ما انصحك تغير شي طالما موترك لسا جديد
ركز ع الفلاتر والزيوت وامورك تمام ان شاء الله


up 3 down 0
جنوط حديد 164
قبل سنه



الوكالة هنا نصابين يقلك مثلا بعد ممشى 8000 تعال نغيرلك الزيت ب 400 وتغيره بالخارج 50 مع شغل اليد و50 ريال
تشتري الزيوت والقطع من خارج الوكالة ويقلك تخرج من الضمان راجع الكتالوج بتعرف ولاتغير الا القطع الاستهلاكية
الا زيت القير خله في الوكالة وزين الي سويته


up 1 down 0
xviper 123
قبل سنه



لا تغير ولا شي دامك هو الزبدة في السوائل فقط وانت ماشاء الله مغير زيت القير واكيد انك محافظ على زيت المكينة وتراعي باقي السوائل كلها والفلاتر كل فترة غيرهم ( فلتر هواء مكينة - فلتر مكيف )



غيرها لا تلمسه الا اذا قارب ينتهي يعني الفحمات بدت تخلص وتطلع صوت على سرعات عالية وباقي فيها ربع اقل غير وهكذا شيك على السير وبس


باقي الاشياء حرام تغيرها والموتر يمشي ولا فيه الا العافية كلها خساير فارغة ولا راح تطول من عمر الموتر ابد


الزبدة في اللي قلناها


up 0 down 1
a.ibrahem 3247
قبل سنه



شيك على موية الرديتر اذا تحتاج تغيير غيرها مع الغطاء وفلتر المكيف والهواء وعلى حسب البواجي اظنه تحتاج بعد هالممشى


up 1 down 0
راكان443 81
قبل سنه