التقرير الثالث والأخير عن امبالا بعد 150ألفKM
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
بسم الله الرحمن الرحيم
السلام عليكم زرحمة الله تعالى وبركاته
هذا التقرير إن شاء الله تعالى سأطرحه للفائده لكل من يسأل
عن الامبالا..
سبق وأن طرحت في هذا المنتدى تقريرين عن السياره
الأول بعد مسافة 15الف كلم.
والثاني بعد مسافة 80 ألف كلم.
لمن أراد الاطلاع سيجد المواضيع بالضغط على اسمي.
__________________
هذا التقرير بعد قطع مسافة 150الف كلم..والمدة الزمنية خلال
سنتين ونصف تقريباً.
_من وقت استلام السياره الى 100ألف والصيانات تتم في الوكاله.(يوجد أسعار الصيانات في التقرير الأول)
_بعد ال100الف يتم تغيير الزيت في فروع اي سي ديلكو أو يتم شراء الزيت والفلتر من الوكاله والتغيير في أي بنشر.
(سعر علبة الزيت 25.5 AC DELCO 5W30)
(سعر السيفون..نوعين الصغير ب 18 والكبير ب26..)
الزيت يتم تغييره كل 10الاف كلم..
المكينه تاخذ 6علب زيت مع تغيير السيفون.
ولله الحمد خلال فترة الاستخدام لا وجود لأي ملاحظة على
محركات السيارة..لا تفتفه ولا خشونه ولا أصوات غريبه..
خلال فترة الاستخدام لم يتم تغيير أي مسمار أو قطعه في السيارة
ما عدا الأقمشة على ممشى 70الف..واستبدلتها بأقمشة سيراميك ولا زالت على السيارة
حتى وقت البيع.
كل عضلات السيارة بشكل عام كانت متماسكة ما شاء الله ولا لاحظت أي أصوات أو قربعة في
بطن الموتر نهائيا..بالرغم من أن الاستخدام على شوارع الجنوب كان قاسي..
كذلك الديكورات الداخلية كانت متماسكة ومن وقت ما تركب السيارة تحسها قطعة وحدة
وتحس بجودة المواد المستخدمة.
عيوب السيارة من وجهة نظري وان كان بعضها من الممكن تلافيه..
1-جنط ال20قاسي ودعسة الكفر صغيرة جدا بمعنى لو تاخذ حفرة صغيرة ممكن يضرب عليك
الكفر ويتضرر الجنط.
2-أسعار قطع الغيار وخصوصا الاكسسوارات غالية مثل لمبة الزينون سعرها في التوكيلات (1100) اللمبة فقط بدون محول
3-التكييف في الظهر لابد ترفع من سرعة المروحة علشان تحس بالبراد..
_________________
السيارة بعتها قبل 10أيام الله يبارك لراعيها ويعطيه خيرها ويكفيه شرها..
ووقت الفحص ولله الحمد ما تبين أي ملاحظة لا المكينة ولا القير ولا العضلات..وكل ما في السيارة سليم الحمد لله.
___________
ختاماً..اقدر اقول انها كانت تجربة ممتازة مع الامبالا وسيارة تستحق الاقتناء..اذا بتهتم في السيارة وما تعاملها مثل سيارات الايجار.
____________
أشكركم على القراءة وأعتذر جداً على الاطالة..
في أمان الله.
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
مع الاسعار الجديده قبل ما تولع اللمبه بشوي اعبي أخضر ب 80 ريال..
المشي على حسب استخدامك..
انا سواقتي هاديه نوعا ما وتمشيني ٦٥٠ كيلو داخل المدينه
قبل 6 سنه و 6 شهر