وش فيه شركات نقل غير البسامي؟

البسامي شركتين وليس شركة واحدة
مجموعة البسامي بالشعار الأخضر
شركة سعيد محمد البسامي بالشعار الأزرق وتقريباً هما الأشهر على مستوى المملكة وفروعهم تغطي مدن كثيرة
معاك شركات ثانية الفايز والصقر ، لكن ليسوا على مستوى مجموعة البسامي وشركة سعيد البسامي في الإنجاز وسرعة الوصول
والله أعلم .

شركة البسامي معروفه بس اسعارها سواء الاخضر او الازرق غاليه

البسامي عن تجربة معاهم تدفع فلوس زيادة شوية لكن تكون مطمن ان شاء الله على سيارتك ولا تنسى سبب ارتفاع الاسعار الضريبة اذا تبغى اسرع من البسامي مالك الا سطحات ينقلو لك السيارة في يومها بس السعر يمكن اغلى

البسامي الازرق ارخص سعر و اقل مدة توصيل من الاخضر
و الاثنين افضل من غيرهم و تأمن سيارتك بعد حفظ الله

البسامي الأخضر و الأزرق خدماتهم جيدة  يستلمون سيارتك و يدخلونها الساحة عندهم لين يجي موعد مغادرة التريلا 

انت ابحث و شوف بس اذا تبي نصيحتي لا تطلع عن البسامي سواء الأخضر او الأزرق خدماتهم ممتازة و شحنت دولي معاهم مرة

للإمارات و مرة للأردن أتكلم عن الأخضر اما الأزرق شحنت معاه مرة من الخبر الى القريات و العكس 

عندك تطبيق مرني حمله بجوالك
نظامه مثل لوبر وكريم لكن هذا التطبيق مختص سطحات
تبي هودروليك نص نزول او نزول كامل او العاديه مثل
الي بالشوارع
واذا تبي تعرف اكثر عنه في مقطع فديو باليوتيوب
يتكلم عنهم اكتب هيثم سطحه ويطلعلك
وبالبوكس حق الفديو فيه الاسعار قبل الضرايب اللحين مدري كم صار
شف الفديو وراح يعجبونك واتوقع الي شغالين بالسطحات سعودين
وينزل عند باب بيتك مايحتاج تكاسي ولاشيء

اقصد السياره ياخذها من المكان الي تبيه
وينزلها بالمكان الي تبيه
يعني مايحتاج تكاسي عشان يرجعك للبيت
او يوديك للفرع عشان تستلم السياره

تطبيق مرني غالييين جدا دايم تجيني سيارة خربانة على سطحة داخل احياء الرياض يطلع حسابها ١٨٠ !!!