أضف سؤال أو موضوع جديد          

تجربة تصوير الجوال بدل داش كام

up 13 down 16
ابراهيم 78 -140
قبل 3 سنه و 11 شهر



السلام عليكم ورحمة الله و بركاته

تثبيت كاميرا الجوال على الزجاج الامامي فوق خلف المرايه لا تضايق بالسواقه و لا شيء

بدل استخدام داش كام رغم تقليل جودة الفيديو الى 360 بدل HD

للتجربه و تصوير مدة اطول كانت ممتازة

و راح اجرب على جودة HD و اشوف كيف

مميزاتها داش كام و غيرها من كاميرات التصوير

يتم تصوير كل 3 دقايق لحالها و ترجع تسجل مقطع جديد

و اذا جيت تشوفها بالجوال او عندك حادث او شيء لازم تطلع الذاكرة تحطها بالجوال

و بعض انواع الكاميرات ما تقبل التشغيل الا عن طريق الكاميرا نفسها حتى لو تطلع الذاكرة

و تحطها بالجوال يجي تالف

لكن الجوال تقدر تصور ساعه و اكثر متواصله عادي و تقدر تقرب الصورة و تبعدها

و ما تحتاج توصيل اسلاك ولا شيء ولو زودت جودة الفيديو بتطلع صافيه اكثر

الجوال ثبتته عن طريق الطقعه المغناطيس و اقدر احركه يمين و يسار و فوق و تحت يعني مرن

عموما المقطع فيه اغاني من الان قصر الصوت و خذ الفائدة و أترك السلبيات

الفائدة بدل الخساير عندك جوال قديم ما تستخدمه خله بدل داش كام و سهولة الاستخدام و حفظ المقاطع
https://www.youtube.com/watch?v=bcAFRKByr0o

https://www.youtube.com/watch?v=20uiO64SI-M
https://www.youtube.com/watch?v=vnPq-jE6z3Y

https://www.youtube.com/watch?v=Fw2ykKuRg7s








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ههههههههه ممتاز وفكرة طيبة
اول مقطع احد حدك من يمين ههههههه سواق محترف


up 4 down 4
الرفاعي33 13914
قبل 3 سنه و 11 شهر



هلا بالرفاعي

الجوال جالكسي A5

له عندي 3 سنوات أعتقد و 16 قيقا صار قديم و يعلق

طلعت منه الشريحه و كل شيء و خليته للتصوير

لكن نسيت أرفع درجة الوضوح الى 720 او 1080


up 2 down 1
ابراهيم 78 -140
قبل 3 سنه و 11 شهر



الله يحييك
انا يالغالي ماظحك على التصوير بالعكس ممتاز
اضحك من راعي التريلة بغى يهفك ويمشي تقولة شي يقولك التامين روح
عموما الحركة ممتازة يوم شديت يسار ورجعت يمين محترف يابو عبدالله



up 4 down 9
الرفاعي33 13914
قبل 3 سنه و 11 شهر



الموضوع القادم بعد 3 ايام

عن واحد تعرفت عليه بالمنتدى قبل 3 سنوات

على أساس أنه صديق

و أكثر واحد اشغلني آخرتها هو اللي يغلط وهو اللي يزعل

ههههههه و اخر تواصلنا كان برمضان و راح تكون قصه

طويله الفاضي يقرأها


up 6 down 3
ابراهيم 78 -140
قبل 3 سنه و 11 شهر



ماشاء الله فكره جداً جميلة 
الله يعطيك العافية 


up 3 down 1
hussain4 854
قبل 3 سنه و 11 شهر



صحح الخطأ في ثالث سطر من تحت القطعة المغناطيس ههههههههههههه


up 1 down 2
chevrolet zr1 611
قبل 3 سنه و 11 شهر



ياشباب مساكم الله بالخير
عندنا دكتور في المستشفى
معه كورلا 2015 لؤلؤي ماشية 40 الف
تماتيك مكينة 1600
نظيف بالحيل ماخذها اقصاد باقي عليها 22 الف
قلت بعطيك 10 الف واتقبلها يصير المجموع 32 الف
رفض يبغى 15 الف وشرايكم كم تستاهل


up 2 down 3
الرفاعي33 13914
قبل 3 سنه و 11 شهر



^
هذا من قوة الحماس هههههه
الجوال تصويره افضل بكثير من الداش كام
لكن مشكلته انه قروشه كل ماتركب تشغل الجوال
وتحط على تطبيق الكاميرا وتعلقه بالقزاز مشوار
واغلب الجوالات ثقيل تشغيلهم بالبدايه يبيلك تنتظره يستوعب
ولايمديك تنزل والجوال معلقه بالقزاز عشان ماينسرق
ولاتنسى اذا صارت الذاكره فل بيوقف تصوير وتعال مسح الفديوات
مااشوفه عملي ابد ابد الا اذا الواحد بيصور اماكن رايحلها وبيوثقها
الجوال هنا افضل من الداش كام

اشوف الداش كام افضل بمكانها ماتغيره ولا شيء ولاتشيل همها
الجوال لازم تشيله عشان ماينسرق وتصور وتمسح اذا صارت فل الذاكره
عكس الجوال لازم تمسح يدوي
بالنسبه للداش كام تمسح كل3دقايق اتوقع هذي ارخص كامرا بالسوق
في كاميرات افضل بكثير
هذي ممتازه الكاميرا سعرها 85ريال ومواصفات جميله جدا
وفي واحد منزل تجربه عنها بهذا الرابط ورابط الكاميرا تحت الفديو

https://www.youtube.com/watch?v=imjdoba6zZc&t=34s


بالنسبه بوقت الحوادث الجوال توثيقه افضل
اما الي جواله يدعم ذاكره خارجيه
ماراح يواجه مشكله
بس يبيله يدور طريقه يشغل فيها
صيغة الفديو الي بالذاكره لان بعض الجوالات
ماتدعم تصوير الداش كام الي بالذاكره


up 1 down 4
d7ooom777 391
قبل 3 سنه و 11 شهر



يالرفاعي انت ما غير تجمع سيارات ما شاء الله عليك
كامري مدري ثنتين و توروس و جمس
و تبي بعد كورولا
كان بتشتريها لصرفية البنزين اللي عنده كم سيارة يكد عليها
ما توفر معاه يشتري صغيرة


up 0 down 2
مثقف سيارات 1144
قبل 3 سنه و 11 شهر



هههههههه عوافي حبيب قلبي
عرض مر علي وقلت استشيركم الموتر كرت


up 1 down 1
الرفاعي33 13914
قبل 3 سنه و 11 شهر



الداش كام شي ما استغني عنه بعد الله في السيارة
قبل كم سنة شريت وحدة من الصين وركبتها بسيارتي واستفدت منها كثير ، مع نجم ومع المرور ، ومرة مع الوكالة دخلت السيارة وجلسوا العمال يلعبون بالسيارة داخل الورشة رايحين جايين ودعس ، واخذت حقي كامل بسببها
لكن بعت السيارة وما قدرت افك الداش كام منها
الآن شريت وحدة ثانية من الصين أيضا لسيارتي الجديدة
ميزتها انها واي فاي
يعني تفتح جوالك وتدخل برنامج خاص بالداش كام وتلقى المقاطع كلها وتنزل اي مقطع تبيه على جوالك مباشرة ، وأيضا تتحكم باعداداتها وتعرض تصويرها على شاشة جوالك مثل القو برو

انتظرها توصلني خلال الأسبوع القادم وان شاء الله انزل تجربتي للاستفادة


up 5 down 1
فورد530 1323
قبل 3 سنه و 11 شهر



كل امتي معافه الى المجاهر انت تجاهر بالمعاصي اسمع أغاني لكن بينك وبين نفسك مو تسمع الناس ذنوب الله يعينك على حملها


up 9 down 3
المتوكل 777 462
قبل 3 سنه و 11 شهر



الداش كام مو كلها تصور ابو 3 وتوقف او في غلط بالاعدادات 
في تصور كامل الخط وحتى لو تفللت الذاكره تمسح من المقاطع الاولى وتظل تسجل 


up 2 down 0
ahmed195 1821
قبل 3 سنه و 11 شهر