هل اللومينات و الكبارس فعلا نكبة ولا السبب قلة خبرة؟

هذه السيارات حصل فيها سوء فهم عند بعض الناس بسبب قوة مكاينها صار يعتقد انها حق سباق و مقاومات خصوصاً في الجيل الحديث من موديل 2000 و فوق وكانت من اقوى السيارات السيدان داك الوقت.
بينما هي سيارات عادية عائلية وكثير من الشباب صار يستخدمها حق دعس ومقاومات و جلد بشكل دائم ، وهذا السبب اللي خلى الكوابرس واللومينات تعبي الورش من كثرة الأعطال والخرابات لأنها غير مصممة حق سباقات و دعس بشكل دايم ونفس الشي الدودج والكلايسلر.
عشان كذا تلاقي الكابرس الي مع شايب نظيفةبدون خرابات لأنها ماتعرضت الى دعس وجلد يومي.

على العموم آخر إصدار للكابريس 2016 واللومينا متوقفة تصنيعها من سنوات ، شركات السيارات أقفلت مصانعها في استراليا
بسبب ارتفاع كلفة الانتاج ، البديل الحالي للكابريس هي الامبالا .

السبب قلة الخبرة و عدم الاهتمام

شوف انا متابع واحد من جدة اسمه سيمو معاه كابريس 2006 (معدل) قير 4 نمر جايب فوق ال400 حصان
القير غيره يمكن 4 او 5 مرات وكانت اخر تغيره ركب كلتشات رياضيه ونزل مع هيلكات بغاز غير التعديل الي على مكينته القومة الاولى تمام القومه الثانيه مدري الثالثه القير ضرب
اخر شي ارسله للكابتن عبدالرؤوف
وضب له القير بس على ما اذكر نص قطع القير وكالة والنص الثاني قطع رياضيه وعدل عليه الكبتن في اشياء معينه خرم له شي في مخ القير ما اذكر بالضبط
الرجال ركبه في سيارته
يوم الجمعة الماضي الرجال في ديراب ومبسوط وطلع له خراب في قومته الاخيره في ديراب انه الدعسة ما تقبل فل تروثل بس مشي عادي تمام وهذي احد (المشاكل)
لكن الي اعرفه في مكاين الLS1 تتحمل تعديل لكن قيرها مااش لازم له القير تعديل

تجربتي الشخصية كانت مع لومينا 2003 شريتها ماشية 385 ألف وكانت منتهية لكنني كنت مضطر وصرفت عليها 7 آلاف في 9 أشهر فقط مع أني أمشي 1200 كم في الشهر ولومينا 2004 شريتها ماشية 120 ألف وكانت جيدة ولكن كانت تطلب صيانة من وقت لآخر وكابريس 2008 ستة سلندر شريتها ماشية 112 ألف وجلست معي سنة وبعتها قبل ما تطلب صيانة وتتعبني

اللومينا والكابرس لا تصلح مع شوارعنا بسبب المطبات وضعف المجموعة الأمامية وكراسي المساعدات ومستوى جودة الفرامل مقارنة بوزن السيارة وعزمها يعتبر سيء وكانت تجربة لي سيئة لن أكررها بإذن الله

كلمة أخيرة: أنا كتبت تجربتي الشخصية وتذكر أن السيارات توافيق من الله

اعطيك العلم من تجربه

تبي تعدل و تخربط بالسيارة تزيد قوتها بفرق كبير طبيعي يضرب القير كابرس او لمبرجيني

كل سيارة صنعت لتناسب القطع مع بعض ما تجي ترفع القوة من 300 حصان توصلها 700 حصان

سوبرتشارج و توربو و غيرها من القطع و تتوقع القير يتحمل معك

لا فوق هذا كله تستخدمها للمقاومات ماهو استخدام عادي ووقت الحاجه تدعس

موديلات 2005 و تحت قاسيه مافيها راحه ابدا و عضلاتها تستهلك بسرعه

2007 و 2008 سعرها رخيص و عضلاتها فرق كبير عن السابق

لكن ركب الاصلي وشوف كيف تعيش معك سنوات

بالنسبة للقير يتحمل حتى لو رجلك حاره على الدعس لكن بدون ما تعدل شيء خلها على وكالتها بتتحمل

و اذا موديل 2007 و 2008 يشتكون منه لأنه 4 غيارات

ترى عمره 10 سنوات مع الضغط طبيعي 10 سنوات يضرب لو ما فيه اهتمام

بالمقابل شوف سيارات 4 سلندر عندك مثل هونداي عندك حتى الكامري ادخل على الاعلانات

حقت بيع القيور و المكاين المستعمله للتويوتا تحصل كثير يسألون عن الاسعار وهي 4 سلندر

يعني ماهو مستخدمها مقاومات ولا شيء ولا عليها ضغط اصلا

الله يرحم زمانن فااات ايام الهرقله
قال هولدن حقت مقاومه قال ههههه
الله يرحم ذيك الايام يوم كنت اشق اللومينا الرياضيه والكابريس ابو اكزوز دبل بمكسيما ٢٠٠٢ قير عادي نشيطه نشاط مو طبيعي
ماغير كانت خساير لأصحابها اللي عايشين وهم القوه الجباره ههههه

ههههههههههه ضحكتني بالمكسيما

شكلك تروح تقاوم لومينا S ذيك الايام على موديلها كانت 220 حصان و قير اوتوماتيك ما تمشي

اما كابرس 8 سلندر بدون تعديل ولا شيء يقوم عليك

ترى كانت معي ماكسيما موديل 2000 مطلعها وكاله على ايامها و قير عادي

صحيح نشيطه لكن ما كنت اقوم حتى مع الكوابرس ذيك الايام واللومينا ولا اتحرش فيها حتى

لا يا ابراهيم غلطان

المكسيما كانت معي موديل 1992 وكانت نشيطة كنت أقوم على اللومينا والكابرس SS حتى موديل 2006 لكن الجديد ما يقدر المكسيما يطوفه

حسب النظافة والاستخدام والتوافيق كان معي كابرس 2000 أسوء موديل واتوقع معروف عند الكل هالموديل وكرهت الكوابرس بعدها بسبة خراباته الي تشيب بالراس

حسب النظافة والاستخدام والتوافيق كان معي كابرس 2000 أسوء موديل واتوقع معروف عند الكل هالموديل وكرهت الكوابرس بعدها بسبة خراباته الي تشيب بالراس

اخ ابو عبادة
اما ماكسيما 92 يقوم على اس اس 2006 ههههههههه يمكن تقصد كابرس 1996 انت مشتبه
حده يمشي معه لين 80 يمكن بعد كذا الكابرس يروح بتمكن
وياكثر ماجربت ايام الهياط ما قدرت اطلع حتى على كابرس
2000 وعلى فكره هذيك الأيام كان في كامري اسمها لمير 6 سلندرموديل 93 اقوى من الماكسيما ولاقدر يجيب كابرس 2002

شوف السيارة ما تخرب الا من سوء الاستخدام يكرف السيارة كرف
يهملها يقول ليش تخرب
الوالد اشترى كابريس 2006 LTZ جديد وكالة الى يومك هذا باقي يستخدمة
والله لا يطلب قطع ولا يخرب يغير فيه قطع الاستهلاكية و اساسية محافظ عليه ما شاء الله
زي الحلاوة

هي توافيق بس من الاخير سيارات زباله من بعد تجربه

كابرس 2004 السقف طاح بعد من رداءة التصنيع غير عن توضيب القير

لومينا 2008 ٤ نمر مرواح قير كومبريسور حراره

بس اللي معجبني مكاينها ماتخبط بسرعة اللومينا راحت

بس الكابرس للحين شغال وعليه مكيف ي سلام بس انه زباله

والله انا مدري عن القديمات بس معي 2013 ال اس وماشاء الله كارفه كده ومشاوير واحيان دوسات وخطوط وبسرعات عالية حتى مع الشوارع الزفت امشي ماصرت اهتم خلاص زقت معي ههههه بس انه ستوك ولا راح اعدل وادخل في التعديل لان بالنهاية اللي يهتم بالقومات ويفكر فيها اشوف في عقله نقص شوي مع احترامي ويتعب نفسه عالفاضي

سيارات زباله كان معانا لومينا ٢٠٠٢ شريناها عام ٢٠٠٥ دفعنا قيمتها دبل وهي استخدام الوالد لا سرعة ولا شي سيارات رديئةًجدااااااا ولا تنفع بريال

من تجربتي الشخصية اللومينا والكابريس + خبرتي في سيارات زملائي تأكدت انها سيارات حديد وبس ولا تسوى ريال. اعطال ماتنتهي, كل مره أقول بنزل موضوع عنها اتكاسل وانسى. نقطة ثانية ماكسيما 97-98-99 كانت 3000 سي سي بس و تطرح اللومينا بدون أي تعديل وهي 3600 سي سي وانا امتلكت الاثنين

chevrolet zr1

المكسيما كانت لأخوي واستخدمتها فترة وفعلاً كانت نشيطة بشكل عجيب وكانت قير عادي وفزتها ممتازة

أنا قاومت لومينات وكبارس أكثر من مرة وطفتهم بفارق قليل لكن بعد سرعة 200 كان الكابرس يطوفني بسبب وزنه ورساوته على الطريق

ومرة قمت مع مرسيدس S600 سبور وطفته بفارق بسيط جداً حتى سرعة 180 وبعدها تجاوزني وغاب عني

وترى من تجربة عزم المكسيما حتى 1995 أفضل من الموديلات الي بعدها

ابو عبادة

الماكسيما 92 ما كانت قوية

تعتبر قوية على وقتها ما كان فيه سيارات قويه ذيك الايام

حتى الكابرس الصابونه ما كان قوي صح بالخط يمشي لكن كقومة و تسارع مافيه قوة

يعتبر نفس الشيء قوي بزمانه

ذيك الايام ما فيه غير الكرسيدا تعتبر نشيطه وهي 4 سلندر و قليل تجي 6 سلندر

و الكامري اول موديل لها اعتقد 92 و غالبها كانت 4 سلندر

باقي السيارات كلها ضعيفه

يعني بذاك الزمن الماكسيما كانت ماكله الجو

لكن توصل انك تقوم على كابرس 2006 لا هذي ما توصلها ابدا

الماكسيما 98 و 99 اقوى من مكينة موديل 92 ولا تجيب الكابرس

اما بالنسبة انك تقوم على مرسيدس 600 هذي مستحيله

استخدمت الشبح على ثقل وزنه و شاص طويل يعني ثقل وزن 500

يعني بعت الكابرس SS و اخذت الشبح و اعرف الفرق بالقوة بينهم رغم اني كنت مبرمج الكابرس

لكن الشبح اقوى تسارع و خط و كل شيء

و تقاومت مع سيارات كثير يعني وقت ما برمجت الكابرس كنت اروح شوارع المقاومات بجده

و بعد ما اخذت الشبح رحت كم مره اللي يجيك كابرس حتى لو 2015 لكن ستوك اقوم عليه بالراحه

ما فيه تقول قريب مني لا اقوم بالراحه عليه

التشارجر هيمي نفس الشيء اقوم بالراحه عليه

سيارات كثيرة من اللي تعتبر قوية اقوم عليه سواء من الصفر او من 60 او من السرعه اللي يبونها

اما 600 هذا 12 سلندر و فرق القوة ولا تقارنه مع السيارات العاديه كيف تقوم عليه بمكسيما

ترى المرسيدس كلها تجي مكتوب الطبلون 260 سواء مكينه 300 او 500 او 600

و كثير تحصله 300 او 320 و يركب على الشنطه ستيكر 600

لانه نفس الشكل ما يجي رياضي و تقول فيه زوايد او شيء

فمن المستحيل 500 او 600 تقارنه بالمكسيما