تحسين مظهر السيارة بأقل التكاليف

السلام عليكم و رحمة الله و بركاته

بشكل مختصر

كابرس 2010

كان فيه رشات بويه متفرقه بدون حوادث حكات بسيطه

لكن رشات بأوقات متفرقه شوهت شكل السيارة

و السيارة ستاندر تجي جنوط صغيره و كل الكوابرس تجي مرتفعه من الخلف كثير و قاسيه

السيارة سعرها بالسوق حوالي 15 ألف

يعني ما فيه داعي تدفع كثر قيمتها عشان تحسن شكلها و تقول ما بحط الا شيء غالي

نجي للتكلفة لو بتسوي شيء وكالة

رش بوية يكلف فرن حوالي 4000 ريال متوسط الاسعار فيه 3000 و فيه 5000

جنوط ما احد يأخذ جديد الا لو بتاخذ تجاري لكن اصلي جديد غالي

و مستعمل ما يقل سعره عن 1500 ريال

يايات ايباخ عشان الراحه و تنزل شوي سعرها بدون تركيب حوالي 1700 ريال

صدام خلفي حوالي 2000 ريال

صدام امامي نفسه حوالي 2000 ريال

نحسب القيمة الاجماليه حوالي توصل 12 ألف ريال

و فيه احد الاعضاء نزل تجربه احمد ال الشيخ على كامري قديمه كلفته اعتقد 18 الف ريال

لكن اللي سويته

يايات بدل 1700 ريال رحت قصيتها بـ100 ريال

و تعطي نفس الشكل و نفس الراحه لللآيباخ

بوية مطفي بلمعه مع اصلاح الصدامات و الملاحظات و البويه ثابته وليست مؤقته كلفت 650 ريال

بدل 4000 بويه و صدامات امامي و خلفي 4000 طلعت لحالها 8000

لكن اختصرت الموضوع

جنوط اخذتها مع كفرين جديده و كفرين مستعمل 700 ريال و بعد شهر ركبت كفرين جديده الواحد 150 ريال

طلعت الجنوط بالكفرات جديده 1000 ريال

يعني اجمالي تعديل السيارة كلف اقل من 2000 ريال

المشكله يجيك كم واحد متابعني بالسناب

يقول رشيتها مطفي حرام عليك

الجنوط جديده او مستعمله

سلامات اشتري حديده مالها عمر جديده بمبلغ كبير

و ليش ارش رش غالي على سيارة رخيصة

ناس تفكيرها مدري وين ما ودي اقول عشان ما يجي ديسلايك هههههههههههههه

عموما سلمني سيارة قيمتها فوق 100 ألف و اضبطها كل شيء وكالة

لكن تجي سيارة موديل يعتبر قديم و سعرها رخيص احط عليها ضعف قيمتها ليش

ابيعها و اخذ موديل احدث و اريح نفسي