موضوع للسوالف واستعراض التجارب-أطول مسافه قدت فيها السياره

13 3

لايمكنك التصويت حتى الحصول على 20 نقطة على الأقل
إضغط هنا للإخفاء

الحويزي1 1129
قبل 6 سنه و شهر

يا جماعة مثل ماهو في العنوان هذا الموضوع للسوالف وطرح تجاربكم ... ما هي اطول مسافه قدت فيها السيارة بدون توقف طويل يعني مسافه شبه متواصله؟

بالنسبه لي كنت ادرس في الشرقية واهلي في خميس مشيط وكنت كل اجازة اشغل الموتر من عند الشقه
وما اطفيه الا بخميس مشيط المسافة 1580 كم بالضبط، السياره كابريس 2012 اما اطول مسافه مشتها
السياره بس كانوا اللي يسوقونها 2 انا واخوي، السالفه طول الله عماركم، مره من المرات اللي جيت فيها
خميس مشيط كان اخوي عنده رحله لتبوك وطلع الأخ غلطان في توقيت الرحله وراحت عليه، ويدري اني جاي
دق علي قال وينك قلت باقي على خميس مشيط حوالي 400 ، قال الله لا يهينك اذا وصلت ابي موترك،
قلت وين موترك عسى ماخلاف اخبر موتره زين بس ما ينفع للسفر لأنه ينقز، قال ابد ابي تبوك والرحله
فاتتني وعندي دوام بعد بكره، قلت ابد اوصلك وخذه وعطني سيارتك الين ترجع، وصلت المغرب الا هو
يحتريني في الحوش وسلمت عليه وسولفنا ربع ساعة تقريباً والموتر شغال وسألني عن الزيت قلت مغيره
البارح، والرجال مفلل نووووم وركب وحرك لتبوك وانا اصكها نومه عالميه واتصلت عليه 8 الصباح
اليوم الثاني، وادق عليه اسأله وين وصلت قال باقي على تبوك 400 كيلو مع العلم ان المسافه بين خميس
مشيط وتبوك 2200 تقريباً عن طريق الرياض، وهو راح مع الرياض لأنه بيمر عياله هناك، ولا المسافه
1800 تقريباً عن طريق جدة. المهم الرجال وصل تقريباً على 11 ونصف قبل الظهر، وانا تحركت من
الشرقية للجنوب الساعة 8 الصباح، يعني جلس الموتر حوالي 27 ساعه تقريباً وهو يمشي. دون وقوف
الا تعبئة بنزين، سألت اخوي كيف الموتر معك قال تمام لكن بعد ما مشى عليه الف كيلو يعني قبل الرياض
بشوي بدأ عزمه يضعف شوي، يقول استجابته للدعسه مو مثل اول ما مسك الخط والمكيف معد برّد.
طبعا مثل ما قلت لكم غيرت زيت الليل اللي قبل ما احرّك وصفرت عداد الرحلات ورحت الشقه ونمت،
ويوم وصل اخوي ونام وصحى الا هو يدق علي في الموتر يحميه يبي يطلع يتعشى، قال انت صفرت
عداد الرحلات قلت ايه قال يا ولد مو معقول قلت ليه قال الموتر ماشي في اليومين هذي 3820 كيلو.
قلت معليك من المشي اهم شي المكيف وش وضعه :) قال شغلته واشتغل وبارد، شكله ثلّجت مواصيره
لأنه طول وهو شغال. طبعاً انتهت اجازتي بعد اسبوع وبنفس الوقت انتهى دوام اخوي في تبوك، دوامه
اسبوع وياخذ اجازة اسبوعين، وحرك لخميس مشيط عن طريق جده ووصل وبعد ما وصل ب4 ساعات تقريبا
والموتر طافي، حركت عليه للشرقية ويوم دخلت الدمام رحت لعداد الرحلات واناظر الا وهو ماشي 8200
كم من يوم الجمعة الى السبت اللي بعده يعني خلال 8 ايام.


واللي عنده تجربه لوقت طويل وهو خلف الدركسون سواء سفر او مكده او مشاوير او فرفره :) يذكر لنا وش كان مشواره.

وسلامتكم ،،،

إبلاغ

الردود