أضف سؤال أو موضوع جديد          

عطني تجربتك مع منظف البخاخات والطريقه الصحيحة للتنظيف

up 3 down 4
abu khalid00 26
قبل 7 شهر و أسبوع



السلام عليكم بغيت اسألكم ياشباب عن تنظيف البخاخات وحصلت طريقة ممتازه حسب واحد مهندس في ورشة اني اصب ايسي ديلكو في التانكي وهو فيه الربع وامسك خط سؤالي كل كم اقدر اسوي هالحركة هذي يعني كل اسبوع لو سويتها عادي او كل الف كيلو ممكن


يعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اسأل المهندس اللي علمك الطريقة


up 3 down 3
فورد530 1289
قبل 7 شهر و أسبوع



فية منظف بخاخات متسوبيشي اعتقد 38 ريال مخصص لتنظيف البخاخات


up 3 down 1
كارينو 549
قبل 7 شهر و أسبوع



اما تجربتي انا كانت على ماركيز
جربت تنظيف البخاخات بجهاز بترومين وما شفت منه ذيك الفايدة
جربت التنظيف عن طريق المنظفات المخلوطة مع البنزين كانت كويسة لكن مو ذيك النتيجة المرجوة

وافضل شي كان فك البخاخات وتنظيفها بمحلول أعطي نتيجة ممتازة وخفت صرفية البنزين حتى


up 1 down 0
فورد530 1289
قبل 7 شهر و أسبوع



اكيد فيه سبب خلاني احط السؤال المهندس مسافر الان مو موجود..؟ وان شاء الله مايكون سؤالي مزعج لك


up 3 down 2
abu khalid00 26
قبل 7 شهر و أسبوع



انا اسأل عن الوقت يعني كل كم اقدر اسوي هالحركة هل ممكن استخدم الـــــ ايسي ديلكو كل شهر او كل الف كيلو ؟؟


up 0 down 0
abu khalid00 26
قبل 7 شهر و أسبوع



لا يا حبيبي مافي ازعاج الموقع للجميع
لكن القصد انك لاتجرب شي مو موثوق على سيارتك ، قد يحصل خلل نتيجة هذه التجربة قد تكلفك اكثر من البخاخات
اتبع الطريقة الصحيحة اسلم لك ولسيارتك
موفق


up 2 down 1
فورد530 1289
قبل 7 شهر و أسبوع



جربت حق بترومين و خسرت على الفاضي ما حسّيت بأي فرق

واللي حطه لي عامل بترومين 

بترومين حرام الواحد يدخل سيارته عندهم ما منهم الا الخساير يستلمك الفلبيني سوي هذا و سوي هذا 


up 5 down 0
بدر الباثفايندري 998
قبل 7 شهر و أسبوع



اغلب او جميع المنظفات مكتوب عليها تضيفها مع 50 الى 60 لتر بنزين

يعني ربع التانكي يكون 15 لتر تقريبا او 20 لتر يضر البخاخات كذا و حار على الطرمبة بزياده

لازم يكون 50 لتر اقل شيء

لا تتوقع انه لو كان مع كمية بنزين قليله راح يكون مركز اكثر و يعطي نتيجه اقوى و اسرع

ماهو تايد تحطه مع الملابس

هنا فيه كهرباء و طرمبة بنزين و فلاتر تتضرر مع التركيز العالي عليها

و ليش كل 1000 كيلو

المنظف الناس الحريص يستخدمه كل 6 شهور او كل 30 الف معقولة

اما كل 1000 كيلو شيء مبالغ فيه كثير و مع الوقت بدل ما تنظف تعدم اشياء ثانيه

ولا تمسك خط مسكة الخط هذي بالسيارات القديمه الكلبليتر موديلات الثمانينات

اما حاليا داخل المدينه او خط كلها واحد


up 0 down 0
ابراهيم 78 -97
قبل 7 شهر و أسبوع



لي مع المنظف تجربة سيئة جدا وهي انة كان عندي كامري 2002 واستعملت منظف البخاخات وزادت قوة السيارة وتسارعها لاكن وزادت عندي صرفية البنزين بشكل كبير لدرجة ان التناكي لايوصلني 400 كيلو وفي النهاية اشتريت بخاخات من وركبتها ورجعت سيارتي طبيعية
وخلاصة تجربتي منظف البخاخات يعمل على توسيع البخاخات وبالتالي تزيد الصرفية ونصيحة لاتكثر من استعمالة


up 0 down 0
الجوابر1 386
قبل 7 شهر و أسبوع



نصيحة لاتستعمل المنظفات الى يحطونها ف التانكي


up 0 down 0
haraj8008 40
قبل 7 شهر و أسبوع



المنظف تحطه وتفلل السياره هو حار اصلا ولاتخليه اكثر من يومين من عبيت فل اكيد بيضر السياره

الافضل لو ماسك خط تحط المنظف

اما سالفه ربع ونص التانكي ماراح تفيد

والافضل كل 10 الاف كيلو او 15 الف

وخذ شركات مضمونه مثل منظف ميتسوبيشي ماهي مثل الشركات الخارجية


up 1 down 0
7amood1930 296
قبل 7 شهر