أضف سؤال أو موضوع جديد          

صيانة السيارة قبل عرضها للبيع

up 29 down 43
ابراهيم 78 -100
قبل 2 شهر و 3 أسبوع



السلام عليكم ورحمة الله و بركاته

والله ما كان فيه موضوع براسي لكن شفت نواف الحربي بآخر موضوع نزلته

يقول اني ادور لايكات هههههههههه قلت انزل موضوع

حسسني ان كل موضوع انزله تجي لايكات ما يدري ان الديسلايك اكثر احيانا لكن انزلها للفائدة

ماهو ادور لايكات

المهم

رمضان قرب لا اشوف مواضيع ليلة رمضان أعضاء كل سنه ترى سامحنا و من هالكلام

و نفتح صفحة جديده و كم يوم و تقلب على الموجه القديمه و يطلع الحقد يعني لا سماح ولا شيء

بس كذا كلام فاضي ههههههههههه بالنسبة لي ما بسامح احد

سامحناكم السنه الماضيه ما نفع منكم و ناقصنا حسنات ابي اخذ من حسناتكم ما بسامحكم

عموما نجي للموضوع

ملاحظ بعض الاعلانات احد يعرض سيارته و يكتب قائمة طويلة بقطع الغيار المغيرة

السؤال هنا السيارة موديل مثلا 2010 او حتى موديل أقدم من كذا

الوضع الطبيعي تبي تشتري سيارة قيمتها بالسوق 25 ألف مثلا اللي بحالة تكون جيده جدا

تجي تحصل كفرات منتهيه تنقص من قيمتها حوالي 1000 ريال

تحصل فيها مشاكل ثانيه مثلا عضلاتها مدمورة تنقص من قيمتها 1500 الى 2000 ريال

فيها خلل بالقير مثلا يحتاج تغيير تشوف حسب نوع السيارة قيرها مثلا يكلف 5000

يصير لو السيارة سليمه كل شيء عضلات و كل شيء سليم و قيمة اخواتها بالسوق 25 الف

و فيها القير فيه خلل و قيمته حوالي 5000 المفروض تنقص اقل شيء من قيمتها 6000 ريال

5000 قيمة القير و 1000 ريال قيمة انك بتتعب فك و تركيب و تعطيل زياده

يعني اذا حصلتها بـ19ألف زين

يعني سعر السيارة يكون حسب نظافتها بشكل عام

لكن تجي تغير قطع لسيارتك و تبي ترفع من قيمتها كيف

و بعضهم حتى بطارية السيارة يقولك توني مغير بطارية

والله فيه بعض الاعلانات يقول توني مغير زيت المكينه على اساس خلاص اغراء

قول معبي بنزين فل بعد

حتى البطارية بحسبها من ضمن البيعه رغم انه شيء طبيعي تشتري سيارة بطاريتها سليمه

و ينزل لك فواتير قطع غيار 3000 ريال و يبي يزيد من قيمة السيارة

ولكن هل تتوقع فعلا غير القطع المذكورة كلها

يعني يجيك مغير طقم مساعدات و كفرات و مقصات و مسامير توازن و فلاتر و زيوت

تتوقع بيركب قطع فعلا اصليه

و هل فعلا كانت كل القطع خربانه كيف كان يمشي فيها بكل القطع اللي كانت تالفه

حتى لو جاب فاتورة بقطع الغيار الفاتورة يمكن التلاعب فيها

يركب درجة ثانيه تمشي الامور شهر على ما يبيع السيارة اللي يجربها يشوف السيارة فعلا متماسكه

القطع لازالت جديده ولكنها غير اصليه شهر و ترجع الاصوات

وهو عشان يوفر على نفسه يركب تجاري حتى لو مكتوب بالفاتورة اصلي و قيمة الاصلي

و لو فعلا كانت اصلي على اي اساس يرفع من قيمة السيارة تصير قيمتها مثلها مثل اخواتها بالسوق

ولو كانت القطع تحتاج غيار تنزل من قيمة السيارة

المشكله البعض مركب لها جنوط غاليه و يجبرك تشتري السيارة مع الجنوط

و البعض الاخر عليها لوحه هو يشوفها مميزة و حتى لو كانت فعلا مميزة

يقولك اللوحه لحالها مسيومه 7000 ريال

يلا البيع السيارة مع اللوحه يجبرك تشتريها

طيب نقص 7000 قيمة اللوحه و بيعها على اللي سامها و عطني السيارة بدون لوحه ما يرضى

يعني سرقه بالغصب هي

ذكرني ببعض الناس متأكد بيشوف موضوعي هذا

يتصل فيني يزعجني كم يوم عندي القطعه الفلانيه خذها جربها و تعجبك

يا ابن الحلال ما ابيها ولا احتاجها و مع تكرار الاتصال تقوله خلاص هاتها

و بعدها بيومين يتصل فيك هاه كيف القطعه ولا يهم رأيك تقوله زينه او خايسه

يقولك ترى قيمتها كذا متى امرك اخذ فلوسها

خيييير تبيعني بالقوة انت هههههههههههه

و هذا فعلا والله حصل معي كم مره

يا اخي اتفق معي من البدايه ترى عندي القطعه الفلانيه بالسعر الفلاني يعجبني شريت ما يعجبني خلاص

اما تعطيني و بعد يومين تقول ترى سعرها كذا اقوله اللحين اجيبها لك لكن ما ابيها

يقولك لا خلاص صارت مستعمله ما اقدر ابيعها ترضى الخسارة علي

لا يا شيخ اجل ارضى تلعب علي ههههههههه و فيه منهم اللي زعل بسلامته وش اسوي له

المهم موضوع بدون ترتيب مجرد سوالف

https://www.youtube.com/watch?v=9jCBNzUtIkM







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاخ نواف انت تأمر امر 


up 4 down 2
ابوليان1431 349
قبل 2 شهر و 2 أسبوع



الاخ ابوليان الاخ عبدالله الاخ نواف
السلام عليكم ورحمة الله وبركاته فضلا لاامرا ارجو التواصل معي للاهمية القصوى للادلاء بشهادتكم في القذف الذي وقع علي بكلمة منافق واي من يريد الشهادة بما شاهد وجزاكم الله خير


up 0 down 1
محب السنه 224
قبل 2 شهر و أسبوع