أضف سؤال أو موضوع جديد          

البحث عن دينمو جديد للكابرس

up 2 down 0
جليس 40
قبل 6 شهر و 2 أسبوع



السلام عليكم

عندي كابرس موديل ٢٠٠٨
ضرب علي الدينمو وانا ماشي وفصلت بنص الطريق
ماعلينا رحت وديتها للورش قالوا في نوع ممتاز ماليزي او تايلندي
شريت اول واحد الي هو ماليزي ب ٤٢٠ ريال وركبته
وابد مشيت بس نص ساعه عليه ورجع خرب مايشحن زين
يشحن ١١.٢ والطبيعي معروف ١٤ او من ١٢ ل ١٤
ورجعت لصاحب الورشه وعطيته السياره قال الدينمو مب كويس لازم تغير الدينمو

والله معطل دوامي لان سيارتي بالورشه لاجل الدينمو
ابي افضل نوع للدينمو وايش اسم الشركه
الي ركب نوع من هالانواع ويعرف واحد وجربه يعطيني خبر
سألت عند التقوى قالولي في امريكي ب ٧٢٠ ريال
لكنه يقول اذا شريته وشغلته خلاص مايرجع!!
طيب واذا اشتغل وكان مايشحن زين !!

ابي مشورتكم بافضل نوع دينمو ويكون رخيص وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رجع ركب دينمو قديم وغير فحمات دينمو فقط 


up 0 down 1
محمد قاسم 1410 -34
قبل 6 شهر و 2 أسبوع



هذا كتاوت الدينمو ومنتشر فالكابرس من هالموديل
وللاسف لازم تغيير الدينمو كامل
ولاتشتري الا الاصلي من الوكيل
ولا ترى بيرجع يخرب ولا يحتاج تركيبه برمجه ولاشي
وبالكثير ساعه وهو خالص
انا اشوف لو تاخذ من التشليح اصلي
وعليه ضمان افضل شي
الدينموات المجددة ماتنفع مره
وفوق هذا ماعليها ضمان
وعسى الله يسهلها لك ان شاء الله


up 1 down 0
نواف الحربي4 328
قبل 6 شهر و 2 أسبوع



اخوي نواف الحربي

انا غيرت الكتاوت واسلاك الكهرب بعد
والحين بغير بعد الدينمو كامل
واذا ع التشليح ياخي ماتضمنه هو تجاري ولا اصلي وماعندي وقت اجلس افرفر بالتشاليح ادور
مداوم يوميا من ٩ص ل ٥م
ف يالله افضى للتشليح والله

اخوي محمد قاسم:
انا فكيت الدينمو القديم وركبت فحمات ونفسه ماضبط القلب حقه محترق


up 0 down 0
جليس 40
قبل 6 شهر و 2 أسبوع



والله يالغالي دام القلب محروق مالك
الا تغيره كامل افضل شي
عسى الله يعينك اخوي


up 0 down 0
نواف الحربي4 328
قبل 6 شهر و 2 أسبوع



انا بغيره كامل ان شاء الله

لكن ابي افضل نوع


up 0 down 0
جليس 40
قبل 6 شهر و 2 أسبوع



قطع الكابرس حتى الاصلي ابو كلب للاسف لو تفكه وتشوف سيارة شييهة يركب عليها


up 4 down 1
benz lover -74
قبل 6 شهر و 2 أسبوع



لو انت بالرياض سير علي في الجميح اطلع لك واحد بخصم زين


up 2 down 0
rooo7_q 206
قبل 6 شهر و 2 أسبوع



معي كابرس 2008 - 8 سلندر
ضرب عندي الدينمو ورحت شريت واحد جديد اسمه ديلوكس عليه ضمان اسبوع الى اسبوعين من قطع الغيار

للاسف ركبت كم يوم وبعدها جيم الدينمو ف اطريت اشتري واحد جديد اصلي ب 900 - 1000 من بالبيد لقطع الغيار
والحمد الله الان صار له 4 شهور ومافيه اي مشاكل

بالنسبه للتشليح بعد 3 ايام من ضمانه ماتدري هل راح يستمر معك او راح يخرب والتشليح سعره حول 500 الى 600 ريال



up 1 down 0
سـري للغآية 86
قبل 6 شهر و 2 أسبوع



طبعا يوم جيم الدينمو رجعته على نفس المحل وخذيت فلوسي لانه كان عليه ضمان



up 1 down 0
سـري للغآية 86
قبل 6 شهر و 2 أسبوع



ركب حق كرسيدا 96
يركب 100% فقط يغير الفيش
يشحن من 12 الي 14.5 امبير


up 1 down 0
allohan 3 36
قبل 6 شهر و 2 أسبوع