أريد تشغيل جهاز كهرب 220 داخل السيارة أثناء السفر. ما الحل

المحول ممتاز اذا مشبوك دايركت ع البطارية

اما من مدخل الشاحن و الولاعه كل شوي الفيز ضارب

اهم شي في اختيار المحول... تاخذ صناعه ممتازة والقدرة الكهربائية تناسب استخدامك

مثلا جهاز الاكسجين يحتاج 250 واط... انت خذ محول 400 واط... الزيادة احتياط لان ممكن تهدر كهرباء بسبب المقاومة الكهربائية...



بعض الجموس فيها مدخل فيش تاكد من سيارتك... خصوصا الموديلات الجديدة

المحولات تعتبر جيده جداً 
بس قبل كل شي شوف قوة جهاز الاكسجين عندك عشان تحدد المحول اللي يناسبه 
لان المحولات كثير تجي من 250 واط الى 3000 واط  
طبعاً من فوق 250 واط ماينشبك الا على البطارية 
ولازم تشوف كهربائي متمكن يوصله لك أو عند محلات تجهيز السيارات للبر 
الاجهزه اللي تنشبك على الولاعه ماتضمنها ممكن ماتتحمل وغالباً يضرب فيوز قاعدة الولاعه 

أسأل الله يسهل امرك 

أنا عندي واحد 300 واط يشتغل على الولاعة

إذا أنت من أهل الدمام وتحتاجه لفترة قصيرة تعال خذه من عندي بدل ما تشتري واحد جديد

الله يكثر من امثالك يا مفقود

بيض الله وجيهكم جميعا وجزاكم الله خير .
الاخ مفقود ماتقصر الله يعافيك جعلك لا فاقد ولا مفقود.

اخوي اذا انت تحتاج هذا المحول بشكل مستمر فانصحك تركب بطاريه اضافيه في السياره اذا في الرياض او القصيم اعتقد الخبراء كثير بهالمجال ويسلكون لك الى المكان اللي تبي تحط فيه الافياش ويركبون لك محول 
وبالتوفيق اما اذا احتياجك موقت وجهاز الاكسجين ٢٠٠-٣٠٠ واط فركب المحلول العادي تلاقي الى حد ٣٠٠ واط ب حوالي ١٠٠-٢٥٠ حسب الجوده 

السلام عليكم
اخي الفاضل يوجد محولات ذات قدرات عالية فوق الفين والثلاثة الاف واط ممكن تخدمك بس تاكد من قوه التيار المطلوب ، وحسب علمي البسيط
ان هذه الاجهزه تحتاج قدرات عالية من 2000 واط وطالع . طبعا التوصيل يكون مباشر للبطارية وبحتاج اسلاك قوية ويفضل يكون عن طريق كهربائي محترف .
والله يعافي مريضيكم وجميع مرضى المسلمين .

الله يجزاكم خير جميعا ويبارك فيكم