أضف سؤال أو موضوع جديد          

مابين مطرقة المستعمل وزندان التأجير

up 10 down 1
أبو يارآ 481
قبل 7 شهر و أسبوع



السلام عليكم جميعاً
اللهم بلغنا رمضان لافاقدين ولامفقودين

بإختصار وبدون طويلة

انتقلت من جدة لجيزان عام 2012 ومعي كروز 2010 قدر الله وصار لها حادث في جدة مع اخوي وراحت تالف ...
فكرت بطريقة اخواننا الكاش يريح الرأس فحسبتها بحسبة بسيطة

مكافأة العمل اللي في جدة 22000 ريال تجيب لي سيارة وانا مغمض مهما كانت حالتها
طبعاً عشان أمشي أموري واروح العمل وارجع واقضي مشاور عيالي استأجرت سيارة بالشهر وكنت أجدد اسبوعياً وثاني اسبوع قلت للمحل خلها بالشهر
وطلعت ارخص من الاسبوع بكثير
المهم الشهر الاول صرفت من المبلغ حوالي
1400 ريال ايجار سيارة
5000 ريال ايجار شقة
6500 ريال عفش للشقة
بقي معي حول الـ 10000 ريال وتسلفت من الوالدة واخواني مبلغ واشتريت سيارة من حراج جدة بعد عناء وغثاء وحومة كبد من شريطية جهنم

طبعاً الكشف وبعده السيارة تسافر فيها للقمر ماعندك مشكلة وسعرها 21000 الف فورد قراند ماركيز
كلفني صيانتها في البداية حوالي 1500 ريال فحمات وبطارية وخلافة وهذا شيء طبيعي
الشهر اللي بعده تمام
بعد 3 شهور السيارة من ورشة لورشة طبعاً ربي رزقني بعسكري مسجل السيارة بأسمه ولله الحمد رجعت للمعرض وتفاهمت معاه
السيارة يبيلها جربوكس وبطيخة ( الكرونة ) وظفيرة كاملة يعني نخش في حسبة الـ 10000 ريال
يعني خسرت فلوسي كاملة وفوقها بدفع زيها المهم العسكري وصل وهدد راعي المعرض اما تاخذها وترجع الفلوس او المحكمة

رجعت فلوسي ولله الحمد 21000 ريال وتعوضت عن باقي الخسارة
يعني ما استفدت شيء ورجعت للإيجار من المكتب ( الوفاق ) الله يوفقه

وانحديت اما اطلع تأجير او أستمر في يا ايجار او مستعمل وانا اسافر من جدة لجيزان والعكس وجربت السيارة الصغيرة اول شيء
تعبت انا وعيالي وحنة المكينة جنبك ومصروف بنزين توقف 3 مرات

دفعت دفعة اولى في تاهو 2015 واخذته وقسطه 3000 ريال وللحين معاي وباقي عليه سنة وشوي وأموري في التمام
دام قسط السيارة ادفعه قبل اسحب ريال واحد من الراتب ساعتها تبرمج نفسك على الباقي من الراتب


التأجير خطير ولكنه اسهل بكثير من المستعمل وقريت العقد حرف حرف وكله ضدكـ ويتفعل بعد تأخير 3 قسط
اعرف ميزانيتكـ للخمس سنوات وخذ قسط يناسب فقط لاغير



مو كل الناس تقدر في مدنهم حراج سيارات وبحكم الجنوب اكثر سياراتنا تويوتا وانا ماني قادر اسوقها الصراحة ولا احبها ابد


في النهاية كل انسان محدود على شيء انا ماني زيكـ وانت مو زيي

وهذا ماصار معي وخلاني انحد على التأجير ولكن باقي سنة وعليها واستمتع بسيارة بأسمي كل صيانتها في الوكالة وعلى يدي


شكرا لكم واسف على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مبروك عليك السيارة .. وفعلا مافيه مثل الموتر الجديد على يدك مافيها خسارة أبد .. يكفيك ريحة الوكالة :) ، وتعبك وشقاك صعب تحطها في سيارة مستعملة لا تعلم عنها شيء ولا تعلم عن ماهي الصيانة والزيوت التي استخدمت فيها وطريقة استخدام السيارة .. إلخ


up 2 down 1
abb20 55
قبل 7 شهر و أسبوع



الحمدلله هانت وتنهيةاقساطها وكويس جدا ان راعي المعرض رجعلك حقك
سياراتهم سيئه جدا
انا خلاص اخذت قناعة جديد ولو صينيورديء ماعاد اطالعوالمستعمل


up 1 down 0
احمد شريف 3198
قبل 7 شهر و أسبوع



....
21 الف تجيب لك النترا مدبل حديث مستعمله مكينه 1600 اقتصادية تؤدي الغرض
....
ايش وداك للسياره قديمة!
....
من يذم السيارات المستعملة نجده شاري سيارة مضروبة
...
مافي مثل الجديد بس يكون قسطه على قدر مستطاعك


up 6 down 8
علي باطرفي -37
قبل 7 شهر و أسبوع



استفدت من قصتك خمس اشياء :

1- لا تشتري اي سيارة مستعملة الا وانت فاحصها اكثر من مرة

2- لا تطلع قصد الا اذا انت محتاج وجربت كل شي وما نفع معك

3- اذا محتاج سلف تسلف من الاهل ولا تذل نفسك قدام الناس

4- قبل توقع عقد او توافق على امر ما ,اقرا بنوده ومدى تأثيره عليك

5- لا تعطي سيارتك لاحد




up 2 down 2
mercy_sa 894
قبل 7 شهر و أسبوع



انا معك في كل حرف قلته
لاكن كيف تشتري سيارة وبعد اربع شهور ترجعها لهم
الحين هو بايعك سيارة وانت فحصتها
افرض خربت معك بعد فترة وش بتسوي
ترجعها له وعادي الوضع


up 4 down 0
أبو محي الدين 1 128
قبل 7 شهر و أسبوع



ABB20
الله يباركـ فيكـ
وحقيقة جداً كلامكـ على الجديد حتى لو تسوي صيانته برا الوكالة انت عارف وش في بطن سيارتكـ


up 0 down 0
أبو يارآ 481
قبل 7 شهر و أسبوع



أحمد شريف
الحمدالله وكل هذا بفضل الله ثم دعاء امي ووقوف زوجتي بجانبي
صحيح كلامكـ الجديد مهما كان سيء يعطيكـ 5 سنوات بالراحة بدون مشاكل


up 0 down 0
أبو يارآ 481
قبل 7 شهر و أسبوع



علي باطرفي
....
21 الف تجيب لك النترا مدبل حديث مستعمله مكينه 1600 اقتصادية تؤدي الغرض
مشورة الاصحاب والاقارب خذ لك فورد عز وراحة في الخط .. والنهاية سيارة مضروبة
....
ايش وداك للسياره قديمة!
ماخاب من شاور الناس وهذي نهاية المشورة اخذت سيارة تشليح
....
من يذم السيارات المستعملة نجده شاري سيارة مضروبة
اكيد اذا كان اول مرة يشتري مستعمل والفحص عن طريق المعرض ومشورة الاصحاب الاغبياء ..
...
مافي مثل الجديد بس يكون قسطه على قدر مستطاعك
صح كلامكـ والحمدالله القسط ماشي معي للان ماتاخرت غير شهر قبل سنتين




up 0 down 0
أبو يارآ 481
قبل 7 شهر و أسبوع



mercy_sa
استفدت من قصتك خمس اشياء :

1- لا تشتري اي سيارة مستعملة الا وانت فاحصها اكثر من مرة
1- فحصتها مرة وحدة عن طريق المعرض وان الرجال يخاف الله طلع حتى الشيطان يخاف من الرجال .

2- لا تطلع قصد الا اذا انت محتاج وجربت كل شي وما نفع معك
2- جربت كل الحلول وطلعت خسران ماعدا التأجير طلعت كسبان 100%

3- اذا محتاج سلف تسلف من الاهل ولا تذل نفسك قدام الناس
3- وهذا الصح اذا اهلكـ ماوقفو معاكـ لاتنتظر الناس ابد .

4- قبل توقع عقد او توافق على امر ما ,اقرا بنوده ومدى تأثيره عليك
4- كل العقود ضدكـ مهما تكون فاهم اما تشتري او روح الحراج .

5- لا تعطي سيارتك لاحد
5- انا معاكـ في هذي النقطة سيارتي مايسوقها غيري وغير اخوي الكبير فقط ( اذا نزل جيزان اخليه ينزل طيران واعطيه سيارتي يجلس كم يوم ويرجع يسافر )
صعب عليه الخط وهو في عمر الـ 50


up 0 down 1
أبو يارآ 481
قبل 7 شهر و أسبوع



أبو محي الدين 1

انا معك في كل حرف قلته
لاكن كيف تشتري سيارة وبعد اربع شهور ترجعها لهم
الحين هو بايعك سيارة وانت فحصتها
افرض خربت معك بعد فترة وش بتسوي
ترجعها له وعادي الوضع

يارجل طلعت السيارة مضروبة منتهية والرجال غشني فيها والله ثم والله ثم والله لو اجلس في المحاكم 10 سنوات ماعندي مشكلة اهم شيء
حقي مايضيع
المصري حق الفحص لما شاف العسكري اعترف بكل شيء وقال الراجل يرسل له ناس وهو يفحص ويعطيكـ 100% اشتري وانت مغمض
الفحص مو عن طريقي الا عن طريقه هو


وهذا درس لي ما اشتري من الحراج لو يحط السيارة جنب الحرم ويحلف


up 1 down 0
أبو يارآ 481
قبل 7 شهر و أسبوع



وليس كل المستعمل نحكم عليه أنه ما ينفع أو ما يصلح
فيه ناس تطلع سيارة وكالة ويحافظ عليها باهتمام ويهتم بصيانتها أولاً بأولا ثم يبيعها لسبب ما ، فما تتوقع لشخص يشتري
مثل هذه السيارة ، تبهذله يصلح فيها كل شوي أو يوفق فيها ولا تحتاج إلا القطع الاستهلاكية ، الحظ له دور أحياناً في أن الشخص
يتوفق في شراء سيارة نظيفة مستعملة إذا كان صاحبها الاول بني آدم ويعرف كيف يستخدم السيارة أو العكس من يمتلك السيارة
وكالة ثم يهمل في صيانتها ولا يغير قطع استهلاكية في وقتها ولا غيار الزيت المناسب في وقته وايضاً القيادة بتهور والدعس
بقوة وعدم التهدئة مع الحفر والمطبات ، هل تتوقع لمن يشتري مثل هذه السيارة أن تجيك السيارة وردة ولا فيها أصوات أو
قربعة وصوتها ناعم ، أو يظهر لك فيها جميع أنواع الاصوات المزعجة والمشاكل التي لا تنتهي ، والكتاب كما يقال يعرف
من عنوانه ، النظيف يفرض نفسه ويمكن من أول نظرة أن تعرف أن هذه السيارة صح أو العكس ولا يجب أن نهمل موضوع
الفحص قبل الشراء .


up 2 down 0
النهراني 265
قبل 7 شهر و أسبوع



بالنسبة لي انا اشوف الجديد اقساط ولااشتري مستعمل لان 90% السيارات المستعملة مضروبة وصعب تحصل مستعمل نظيف صعبه ياخي وممكن تاخسر اكثر من السيارة الجديدة التقسيط ممكن تخبط عليك المكينة وتكلفك 10 الاف لودفعها دفعة اولى في سيارة جديدة وقسط 1200 ارحم من المستعمل فنصيحتي خذ جديد ولاتاخذ مستعمل


up 1 down 1
ابوخلوده 5
قبل 7 شهر و أسبوع



وانا اقول كلامي هذا لانها الحين الشريطية وبعض اصحاب المعارض وحقين فحص السيارات صاروا يتوطئون معهم ويخفون عيوب السياراة حتى البعض ينزل العداد فنصيحة اخوية خلك على التقسيط ارحم مليون مره من المستعمل الي ماتضمنه .


up 0 down 1
ابوخلوده 5
قبل 7 شهر و أسبوع