كم الممشى المناسب اذا بتشتري سيارة مستخدمة ؟؟

طبعاً الموضوع يختلف وهو في الاخير موضوع نسبي.. يعني مثلا سيارة موديل ٢٠١٠ ماشية ٢٠٠ الف غير سيارة موديل ٢٠١٥ ماشية ٢٠٠ ألف.. 

وبشكل عام سيارك ممشاها ٢٠٠ الف لازم تطلب قطع استهلاكية بشكل اكبر ..

على حسب الي راعي السيارة الي قبلك
بعض الناس اعوذ بالله تلقا موترة مامشى الى 100 الف ومهلوك هلك

على حسب موديل السيارة

من وجهة نظري ممشى السيارة ماله علاقة بالنظافة
النظافة تتعلق براعيها كيف استخدامه وهل محافظ على الصيانة ومهتم بالموتر او لا
جاني مرة يارس للبيع كشفت عليه الا الموتر مغير جسر الصدام الخلفي والامامي مع الصداديم والبوية من كل مكان متفرقة
وواضح الالوان متغيرة وفوق هذا ماشي 64 الف وغير يبي له تغيير الجلود من تحت رايح فيها

افحص واذا طلعت سليمه من كل شيء اشتريها 
مايضر الممشى في سيارات ممشاها ٥٠٠ الف ومافكت مكاينها 
وفي سيارات وصلت ٣٠٠ الف مافكت حتى جنبيناتها 

يفرق استخدام راعيها السابق

أنا كرأي شخصي، لو أباخذ آخذ سيارة ماشية 40 - 60 ألف..
منها السعر طاح، ومنها الضمان موجود، ومنها تضمن أن راعيها ما يقدر يهلكها بهالممشى البسيط

انتا احسبها اذا كل سنة 60 الف تعتبر طيبة وممشاها مناسب 

السيارات تختلف من كل نوع وكل شركه من ناحيه التحمل 

بس الافضل انك تاخذ سياره ماشيه بين 40 الف و60 الف للضمان يشملها 

وكل واحد ورغبته من السيارات في ناس ترغب موديلات قديمه وعلى حسب الميزانيه وتكد معه 

عزيزي تختلف لعدة امور 

نوع السيارة وشوا 
راعيها الاول وشوا وهذي اهم نقطة 
واستخدامك لها بعد وشوا 

هذي من الاخر 

يعني اضرب لك مثال على نفسي 

شريت الاوبريس ماشيه 180 الف عام 2014 وهي 2009 يعني يعتبر ممشاها طبيعي لموديلها لكن واحد ثاني بيقولي عالي وانتبه من الخرابات 

الحين وصلت 360 ولله الحمد مكينتي وقيري اتحدى بها اطلق ميكانيكي اذا فيها مشكلة 

وباقي الامور الحمدلله منيب اعاني منها كل سنة ونص اشيك عضلات بسيطة جلب مقصات بطارية كفرات وقبل شهرين سويت لها تصفية عقب هالممشى اللي ماقصرت معي فيه ماشاء الله تبارك الله بواجي وصفاية وسير والحمدلله الحين امورها طيبة بتكمل معي 5 سنين ان شاء الله وبكدها لين تنتهي وشاريها برخص التراب على ذاك الوقت تعتبر 

وربنا ولك الحمد