أضف سؤال أو موضوع جديد          

استفسار في شراء تاهو؟

up 2 down 0
99 fares 21
قبل 11 شهر و أسبوع



السلام عليكم ورمضان كريم




حاليا عندي ماركيز مريحه وخراباتها قليله لكن معد ابي سيدان ابي تاهو
ما اقدر اشتريها وكاله ف ابي نصايحكم كيف اقدر القى مستعمل ونظيف خصوصا مثل ماذكرت ان سيارتي الحاليه مريحه ومتخوف ابيعها واجيب تاهو واكل هوا بسبب خراباتها 
وهل تنصحوني اشتريها من قسم المستعمل في الوكاله؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قسم المستعمل بيكون غالي عليك
والأسعار الآن طايحة
عطنا كم ميزانيتك وكم المبلغ اللي معك
وعلى الطاري ,, امس واحد من الزملاء يوريني يوكون دينالي 2007 ماشي فوق 200 الف يبي راعيه فيه 25 الف
مدري عاد مصدوم أو لأ ما سألت
لكن كم ميزانيتك وما راح نقصر معك ولا أي واحد بيقصر معك


up 1 down 0
الاحترافي 1311
قبل 11 شهر و أسبوع



الميزانيه 40 الف 


up 0 down 0
99 fares 21
قبل 11 شهر و أسبوع



التاهو سيارة عملية جداً وقليلة الاعطال مثل الماركيز اللي معاك في جودتها وبمبلغ 40 ألف ممكن تحصل موديلات 2010-2011 تقريبا وانصحك تبحث عن النظيف جداً ويفضل تكون مالك واحد ويفضل تبحث عن دبل لو فكرت تدخل البر ماتخذلك والتاهو سيارة مريحة ومناسبة للعائلة وصدقني مارح تندم بشراءها .


up 1 down 0
abofarah 1042
قبل 11 شهر و أسبوع



نصيحة لاتبيع الماركيز حتى لو خذت تاهو 
لانه بيخدمك واذا جيت تبيعه مو ذيك القيمه 
وتقدر تخليه لمشاويرك الصغيره 
ثانيا اذا بتاخذ خذ من ٢٠١٠ وفوق لان يفرق القير وصرفية البنزين 
٢٠١٠ وفوق ٦ نمر ٢٠٠٩ وتحت ٥ نمر 
ويفضل دبل


up 2 down 0
m7md 33 802
قبل 11 شهر و أسبوع



و دور بالمعارض والموقع وقسم المستعمل 
ولاتستعجل لان عندك الماركيز يخدمك 

والله يباركلك مقدما  


up 0 down 0
m7md 33 802
قبل 11 شهر و أسبوع



لاتبيع الماركيز وسلامتك
وضعك زي وضعي والحمد لله اني مابعت سيارتي


up 0 down 0
thamer jumaan 76
قبل 11 شهر



السلام عليكم

الاحتفاظ بسيارتين يعني تكاليف اضافيه من ناحيه//
الصيانه
والتامين
والبنزين
والزيت
وتجديد الاستمارة
توفير موقف لسيارتين
المحافظه على نظافه السيارتين


up 2 down 0
speedcar999 6
قبل 11 شهر



لاتبيع الماركيز الا بعد ماتاخذ التاهو وتجربه كم شهر وتعتمد عليه كليا بعدها استغني عن الثانية


up 2 down 0



من رأيي ٤٠ ألف ماراح تلقى فيها شي نظيف
لكن دام موترك ماشي حاله و مرتاح فيه أجل الفكرة إلى تكون معك ميزانية أفضل تمكنك من شراء موديلات حديثة
و بالتوفيق


up 0 down 0
أبو راشد 33 925
قبل 11 شهر



لي مدة طويلة ابحث عن سيارة عائليه وماش النظيف غالي مقارب للسعرالجديد
واللي يمشي حاله وبتقعد تصلح فيه متعب لك
لو تحط الميزانيه المتوفرة دفعه اولى وتقسط الباقي وتريح راسك في جديد احسن من اللي كل ماكلمته قالك موتر كفو واذا دقيت مشوار وقلبته طلع كله خرابات


up 0 down 0
ali400ali 228
قبل 11 شهر



فكرت بالدرانجو بحكم انه ارخص عند البيع بس المشكله عندي مسكه غريبه انا ما احب اسوق الا بالقير العلاق غير كذا ما اعترف  هذا غير ان نفسي بالتاهو اصلا
الله يسهل بس


up 0 down 0
99 fares 21
قبل 11 شهر



اشكر تفاعلكم بالموضوع الواحد يحس ان عنده اخوان وشيوخ مايقصرون اذا سالهم


up 0 down 0
99 fares 21
قبل 11 شهر



حاضرين ياخوي .. نعين ونعاون ❤️

بس عجبتني فكرة القير العلاق ، شكلك من زمان الطيبين ❤️


up 0 down 0
m7md 33 802
قبل 11 شهر



خلاص كنسلت الفكره بسبب الخوف ان اشتري مستعمل مظروب

الي صار الوالد معه دوج درانجو وراح يشتري سياره ثانيه

الدرانجو نظيف وابوي محافظ عليه ف راح ينقله ب اسمي بعد مايشتري السياره الثانيه

بنزين السياره فل ب 150 بس عادي اهم شي الواحد يسوق السياره الي يبيها وطز بسعر البنزين


up 0 down 0
99 fares 21
قبل 9 شهر و 2 أسبوع