رأيكم بالامبالا كسعر وصرفية واداء

وش يحس به اللي عطاني دسلايك

السياره تكلفك 147الف
بعد خمس سنين اتوقع سعر البيع يكون بحدود60الف
147-60 = 87الف ريال راحت خساره
فاشوف انك تراجع حساباتك خصوصا بنك الراجحي هذا ابعد عنه هو اعلى ربحيه من بين البنوك واقل بنك ياخذ منك ارباح هو الاهلي ثم العربي ثم الرياض

انا اتوقع اقل من ٦٠  اذا نظيفة يمكن من٣٠ الى ٤٠

44 ألف عموله كثير والبنوك ماترحم !

و الامبالا ممكن يتوقف انتاجها او على الاقل تصديرها
اخر موديل ٢٠٢٠ حسب اخبار مواقع السيارات الاجنبية
لضعف مبيعاتها و السيارة غير منتشرة مثل التوروس
و قطع الغيار محتكرة من الوكيل و غالية
و بشكل عام اللي بيقسط سيارة V6 او V8 ينتظر هالسنتين
الى ما يستقر سعر البنزين

لاانصح بشدة .
147000 ريال. واوو. وبعد البيع 47000 ريال تقريباً
صراحة خسارة = فيها 100000 ريال ترووح بالهواء.
وسعر البيع بعد الاستخدام اعتقد مثل ماقال الاخوان من 35 الى 47000 ريال بالكثير.

شوف لك شئ بدون ديون وبدون اقساط.
شوف شي على قدك.

السياره ممتازه و بنصح فيها و مقتنع فيها ... لاكن بالنسبه للسعر الي اعطاك ياه البنك عالي كثير و ما انصح تاخد بهذا السعر

دامك بتاخذ اقساط خذ سيارة اقتصادية اكثر مثل المازدا 6 او حتى نيسان سنترا لان فايدة البنك عالية جداً

السيارة ممتازة طلعها و شغلها ببرامج التوصيل
اشتغل عليها ٣ ساعات يوميا تطلع قسطها كامل
و تطلع عليك السيارة اقساطها من ظهرها ما تدفع شيء من جيبك

ماعرف عن السياره لكن عن نفسي اكره الاقساط ، 

مجرد فكره ليه ماتاخذها مستعمل سعودي او من صاله وارد 

وبالتوفيق 

بعد تفكير عميق ومشاركة ارائكم صرفت النظر نهائي عن الامبالا

نتكلم بكل واقعية على وضع السوق و قطع الغيار و ورش السيارات
و بيع السيارات
افضلك تأخذ من سيارات تويوتا لأن هي مازالت المتربع على العرش
في جميع مدن المملكة لها موزعين و ورش وغيره ولو احتجت
لبيعها تجد من يشتريها .
و تحسنت في صرفية للبنزين في توفر بعض الفئات
مثل البريوس او اليارس او الكورولا او الكامري
اما السيارات المرتفعة 4×4
صرفيتها عالية للبنزين و لكن هناك خيار آخر فئة الديزل
هايلكس ، لاندكروزر ، برادو..،

زين هونت ان شاء الله خيره
و اذا تبي موتر هادي و راسي بالخط و مريح نوعا"
و الصرفيه ممتازة
انصحك تشوف التيما استاندر مثبت و جنوط بالمعارض على ٦٥
و الكورولا مكينة 2000 ب٦٠ يعني الالتيما افضل
و كلهن بنفس القير CVT الموفر
اتوقع القسط بيكون ١٢٠٠ بالكثير الله يسهل دربك

السيارة ممتازة لكن انصحك بالمستعمل النظيف يكون سعره معقول مقارنة بالجديد لانها ماتمسك سعرها مثل التويوتا بس لاحظت انها مرغوبة مؤخرا
خذ قرض او جمعية وخذلك مستعمل نظيف اريحلك واوفرلك بكثير
موفق