محذوف الموضوع

شيك على كلتش المروحة
الكابريس القديم تجي المروحة حق التبريد ثابته في الماكينة القطعة الموجودة بين المروحة والماكينة اسمها كلتش المروحة بعض الاحيان تضعف و يكون سرعة دوران المروحة اقل من احتياج الماكينة فترتفع الحرارة. والله اعلم.

يعطيك العافية يا زكريا

للامانة كلتش المروحة استبعدته لانه مع السرعة في هوا قوي يدخل للمكينة,, ومع الوقفة الحرارة زينه

لكن برضوه بشيك عليه قد يكون سبب والله اعلم

المروحه اذا مو شغاله مزبوط ترفع الحراره حتى لو على سرعه 

مثل ماقال اخوي شيك عالمروحه 
وشيك ع طرمبه الماي 
وشيك على الزيت لايكون خالط لاسمح الله وتحتاج مسح روس 

لا كلتش المروحة فايدته انه مع السرعات العالية 
يفصل المروحه عشان الهواء اللي برا يبرد 
ويشبك اذا السيارة واقفة 
احتمال الرديتر عندك يحتاج تسييخ او تغيير اذا ماهو اصلي 

حياك
كلتش المروحة غيره وامورك تمام
ولاتضن ان الهواء مع السرعه يبرد المكينه
واذا كلتش المروحة ضعيف مايشتغل مع السرعه الزايدة
من واقع تجربه هالكلام

كانت عندنا باحد السيارات نفس المشكله وغيرنا الرديتر وضبطت 
لكن انت صراحه غريبه رديتر جديد وترتفع 
ولا اتوقع ان المروحه لها دخل او بتصير اقوى دفع من الهواء الي جاي. من برا 
وكل السيارات الي مروحها كهرب تفصل لمشيت 
من رائي غير الخرطوش السفلى وبعد تعبئة الماء تاكد من خروج الهواء 
من الرديتر طبعا ركب ماء اصلي وباذن الله تنحل 

تاكد من منظومة التبريد
الرديتر وملحقاته كامله وغطاه
المراوح وملحقاتها
الطرمبه
تاكد عدم وجود رغوه بيضاء 
في الرديتر 
تاكد عدم تحجير الخراطيش 
الاسباب كثيره.... 
جميع مافي الكبوت مرتبط مع بعضه 

تاكد تاكددد من المراوح و هل الحراره تجي مع المشي و انت واقف طبيعيه ؟ اذا بمكيف ترتفع و انت ماشي عندك مشكله ب المراوح و لو عندك مشكله ب المراوح اكيد لازم ترتقع و انت واقف 
شيك ع الراس 

كلتش المروحه وضيفته تبدا اذا زادت حرارة السياره 
حتى لو تمشي 300 اذا ارتفعت الحراره لازم يشتغل اما اذا كان عطلان بترتفع الحراره

اشكر جميع الاخوة اللي ردوا وحاولوا يساعدوني مشكورين وبيض الله وجيهكم,,

تحديث للموضوع :
شيكت على كلتش المروحة وطرمبة الموية والخراطيش بدلتها وكلها تمام وبدلت غطا الرديتر اصلي..
السيارة الان صارت للاسف تسخن حتى مع السرعة القليلة,,بمعنى ماشي واقف مكيف او بدون حرارة نص الى فوق النص بشوي
باقي للان ماتوصل للاتش الحمد الله.

لكن اللي لاحظته جديد انه اذا اسرعت لمده ثلث ساعه وفوق تبدا الموية ترجع للقربة وتصير الليات حجر (قاسية)

ولما فحصتها عند اكثر من ورشة قالوا احتمال كبير انها وجيه الراس لازم تتبدل ,,
لانه حتى قالي واحد افتح غطا الرديتر وهي باردة وشغل السيارة اذا شفت فقاقيع معناتها وجيه راس..
وفعلا سويت اللي قالة ولقيت شوية فقاقيع تطلع من فتحة الرديتر..
لازم افك الراس الان وببدل وجيه لاكن الكلام نقول ان شاء الله ان الراس سليم ومايحتاج مسح او تبديل
لانه على حسب خبرتي المتواضعه لو الراس نفسه مشروخ ولا فيه شي الموتر يصير يطبخ طبخ

بشوف وش يصير معي وابلغكم ان شاء الله

اذا الموبه ماتنقص 
معناته الراس سليم

تأكد من حساس الحرارة او ساعة الحراره
احتمال تكون قرائتها غلط خصوصا الحساس



اما اذا كلش تمام والحراره موجوده والمويه ماتنقص
احتمال يكون وزن بلوف وديلكو وهذا يبان معك اذا صوت البلوف عالي
ونفس الموتر بعد ال120 ضعيف

بالنسبة لعداد الحرارة غيرت الاول وطلبت واحد جديد من امريكا مع الحساس ويعطيني نفس الشي..معناته انها موب منه

ممكن تكون وزن بلوف بس اللي مشككني اكثر انه من الراس انه مع السرعة الموية ترجع للقربة ويصير اللي قاسي جدا

الله يوفقك ويسهّل امرك