ميزة auto stop في ترافيرس 2018

تقدر تلغيها واذا اوتو ستوب المقصود بالفرامل في الزحمه تراها جدا ممتازة وتريح رجلك اكرمكم الله من الشيل والحط في الفرامل اما اذا تقصد ميزة ثانيه الله اعلم بشكل عام تقدر تلغيها من ترافيس 2018

اللي اقصده 
اذا توقفت السياره في الزحمه او الاشاره تطفى
ومجرد ترفع الفرامل تشتغل

وحسب ماشفت في اليوتيوب مافيه طريقه تلغيها الا انك تضع القير على مانيول وتخليه على النمره 9
برضو شغلانه وممكن مع الوقت تسبب مشاكل في القير

هذي ضررها على المكينه و الكمبروسر و أشياء كثيرة
أحيانا و شفتها قدامي بجيب اودي يطفي و يشتغل بالزحمه بمسافة ١٠ متر طفى ٤ مرات

صدقت بحثت لك اكثر وكلامك صحيح في شخص راسل الشركة وقالوا لا يوجد لكن ربما مستقبلا يصير تحديث للنظام ويضيفوها لكن بما انها تطفى كل شوي نكبه والله لا تتسرع واسأل الله ان يبارك لنا ولك في مالك

امين
وجزاك الله خير

السلام عليكم 
بالنسبه للخاصيه ماحطوها الا لفايده وهي توفير الوقود 
واكيد حطوها وصمموها بحيث ماتسبب ضرر للسياره بشكل عام 

هي خاصيه ممتازه تحصلها بالالماني واتوقع بالالماني تقدر تلغيها 
اما الترافيس لا اعلم اذا تقدر تلغيها لكن اتوقع في خيار بالضبط سواء بالشاشه او بالطبلون انك تلغيها 
ولنفرض مافي خيار الالغاء ، اتوقع تقدر تسوي برمجه للسياره بمحلات البرمجه يسون للخاصيه تعطيل 

والله يوفقك 

ما انصحك في السيارة
انا اتابع قناة امريكية لفحص السيارات الجديدة اول بأول
CONSUMER REPORT
ما يمدحون قير ال9 نمر الجديد حق GM
و الامريكان بانفسهم معترفين ان أفضل كروس اوفر بهالفئة
تويوتا هايلاندر ( شقيق لكزس RX بسبع ركاب )
من سنوات و هو الاكثر مبيعات عندهم و الاكثر اعتمادية
بس ما ينزل عندنا
شف بديل منتشر اكثر مازدا CX9 الجديد
او اذا بالامريكي فورد اكسبلورر بيتغير ٢٠١٩
او دودج رام افضل من الاكاديا و اخوه الترافرس

شوف صاحبي عنده مرسيدس البريك اله ثلاث دعسات وانت واقف اذا دعست برجلك ع الاخير بتصير بوضع hold
ويطفى عندك الموتور والمكيف يصير بس مروحه
بس هو يقدر يتحكم فيها عن طريق الدعس ما يطفيها الا لو واقف على اشاره ويشغلها بدعسه كمان ع البريك او البنزين
هذا من ناحيه المرسيدس استفسر لو الترافيس نفس الشيء لان مو معقوله وانت بزحمه كل شوي تطفي السياره وترجع تشتغل