ماليبو 2018 عرض جديد الجميح .. رأيكم

الموديلات القديمة يسبسبون فيها من خراباتها

بس الشكل الجديد ماعندي علم ولا اشوفه منتشر انا كانت لي تجربة مع الكابرس وتوبة ارجع للامريكي
والله يكتب لك الي فيه الخير

العرض جيد ومغري لكن إقرأ العقد زين وبدقة ماتدري وش خفايا ضمان الخمس سنوات المفتوح.

الماليبو لها تاريخ من مشاكل القير والحرارة في الاجيال السابقة

ما ادري عن الجيل الحالي والعيوب اللي فيه

السيارات الامريكية في هذي الفئة غير ناجحة عموما

لو الموتر عاجبك وتأكدت من شروط الضمان والعقد انه في صالحك فتوكل على الله

بالنسبة للعازل والحماية واول صيانتين مجانا ... هذي كلها أشياء رمزية في مقابل إنك شاري موتر بمبلغ وقدره ماتدري وش خفاياه.


والله يكتب لك اللي فيه الخير

فيه سيارات
اشترها ومزق الضمان عند باب الوكاله
واسحب على الصيانه المجانيه والنقديه
تكد وتكرف بإذن لله
وفيه سيارات مضمونه
تقروش حياتك
تعطلك بالخط يكفيك
توقيفت السياره بالوكاله علشان يصلحون العله اللي فيها
وتعطلك بدون سياره يكفيك
...غير انها تضبط او ماتضبط بعد الاصلاح
طبعا اذا بتبيع بربع القيمه...
اختصر على نفسك وطلع موتر كفوووو

^^ نفس كلام كل اللي فوق. هي يمكن تكون سيارة جيدة الان لكن ماضيها سئ و مستقبلها غير معروف. بالنسبة للضمان يعتبر ممتاز لكن ايش شروطهم؟
يعني لو 10 الاف تسوي صيانة عنهم ما تخلص ال5 سنين الا وانت دافع فوق ال 25 الف ريال. ولا فيها سيارة بديلة وقت مايكون في عطل وقتها بتكره السيارة وتبيعها وهي مازلت تحت الضمان حقهم

انا اشوف مازدا 6 بديل افضل و ارخص من الكامري
اللي ارتفع سعرها على غير فايده
و نفس الشي الالتيما بديل افضل و ارخص من الاكورد
و بنفس قير CVT للي يجوز له
اما الكوري مدري عنه كنت ابقسط توسان بس هونت
سالفة الضمان مدري ما قد احتجت له و لا همني

الاخوان فوق ما قصروا 
وانا عندي مقولة اللي هي مو كل من اداك ضمان قوي يكون قدها 
السؤال المهم والاهم كم سعر السياره ؟؟ 
التظليل والحماية من افضل المحلات العالميه ما تطلع اكثر من ٢٤٠٠ وضمان ٥ سنوات 
الصيانه الاولى سيارات كثير ب ٤٠٠ تزيد وتنقص 
السؤال الأهم كم سعر السياره ؟ وايش الفئة ؟

78 اجمالي قيمتها فئة ستاندرد

و بالمعارض على ٦٧ بدون الضريبه

معرض عماد الدين عنده مجموعة ألوان ب ٦٧ بدون ضريبة معاها تطلع ب ٧٠ وعنده عرض تظليل وحماية واجهة ب ٢٠٠٠ ضمان ١٠ سنوات 
كلمهم وخليهم ينقصوا من قيمة السياره حتى لو مبلغ بسيط 
وأحسبها وشوف تستأهل من المعارض ولا الوكالة 

هذه النوعية من السيارات مايمر أسبوع على شرائها الا ويحس صاحبها بالندم 

فكر وفكر وفكر قبل لاتدفع شقاء عمرك 

للعلم ضمان الكيلو المفتوح لازم تسوي كل الصيانات عندهم

انت قلت عرض 
بس ما عطيتنا سعر العرض !!!

بكم طيب

78 الف ريال سعرها

حط في بالك .. أي سيارة تشتريها جديدة المفترض خلال فترة الضمان ما تطلب منك شي الا صيانات استهلاكية واذا حصل غير ذلك فالتصليح عالضمان .. هذا في حال كان استخدامك نظيف وتحافظ عالسيارة وصياناتها .. الماليبو حسب ماشفتها مع بعض الزملاء سيارة ثقيلة وراسية وقوية لكن تحتاج عناية واستعمال نظيف اما اذا اهملتها و جلدتها ما راح تتحمل ..

السعر والمميزات مع الضمان اشوفها عرض مغري صراحة اذا السعر شامل كل شي ضريبة ورسوم وغيره .

لكن قبل تجزم لازم تجرب السيارة استاجرها يوم وجرب المكيف بالظهر والعزم والجلسة بالمقاعد و شف هل الفئة الستاندر تناسبك ؟ هل فيها حساسات او كاميرا و غيرها من المواصفات عشان ماتتحسف وتتمنى انك خذت غيرها او للفئة الي فوقها ..

و انصحك لا تستعجل مر على كم وكالة وشف سياراتهم واسعارها ومواصفاتها يمكن تعجبك سيارة وسعرها ارخص من اللي ببالك وتناسبك اكثر ..

انا كنت بشتري سيدان زيك لكن قلت ابي اجرب أغير واخذ سيارة مرتفعة شوي
خذت نيسان اكستريل ، والحمد لله معجبني ومرتاح عليه للآن .. و كان ماتبي سيارة مرتفعة شوف الالتيما .. من ناحية تكييف وتوفير بنزين اشوفها الافضل بفئتها وكذلك سعرها يعتبر رخيص .

غلطان يافنتازي خلني افيدك وانا مجرب و2 من عيال عمي يملكون الماليبو

والله وانا حلفت بعظيم يالماليبو مافيها شيء مما قلت والي يقولك كذا ماعنده سالفه للاسف الناس خذو فكرة عن الشفر
بسبب مشاكل الكابرس الي جت في المويلات من 2008 الى 2011 وعمموها على كل سيارات شفر وهذا غلط

السيارة مايعرفها الا من جربها وانا واحد منهم ولها معي 5 سنين ووالله وماشاء الله ماشفت منها الا كل خير ولاشفت شيء
من الي تقولنه عنها والمستشار مؤتمن والرجال سال وانا نصحت والدليل ان السيارة ماهي مثل منت متخيل ارمكوا

الاسطول حق سيارتها الان هي الامبالا واكيد معظمكم شاف هالشيء وكثير من الشركات الثاني ماتعطي مهندسينها الا ماليبو وامبالا
ليييش ؟ يعني ارامكوا وشركات البترول مايفهموا بالسيارات ؟ لو مو عارفين انها سيارات كد ومشاوير وتحمل ما اخذوها

شكرا شباب علي الاراء وبالفعل انا جربت السيارة في الوكالة وعجبتني وبستخير ان شاءالله وربي يقدم اللي فيه الخير