سيارة متوقفة لمدة 8 شهور - ماهي الاضرار الشائعة

مافي أي آثار مترتبة قوية

البطارية غيرها .. لأن اكيد البطارية تأثرت او سو لها اشتراك

والكفرات ما يخفى عليك

لكن عادي تمشي فيها وبدون أي مشاكل

شكرا لك على الرد ، ننتظر أصحاب الخبرة أو التجربة

نفس رد الاحترافي تقدر تمشي عليها عادي

دام بفترة الوقوف تشغلها عادي امش عليها وغير زيت المكينة وشيك على السيور حقتها واذا البطارية تعبانه استبدلها بجديده

الزيت العادي يتأكسد في6 شهور حتى لو مامشيت عليه الا 100 كم اما الزيت التخليقي فتمتد صلاحيته الى  سنة  فهو حسب الزيت اللي في السيارة. 

مافيه خلاف من ناحية الزيت تمشي وتغيره 

طبعا الاهم من الكفرات فيه حاجات يجب تشييكها مثل الجلد والجوزه 

وتختلف  من منطقه الى منطقه  مثل المناطق الساحليه  تضرر بسرعه بسبب 

رطوبة الهواء  

المستحسن تغير الزيت وتسوي عدة تشييكات الكفرات والجلد وغيرها من عضلات 

للسياره بشكل احترازي 

زيادة على ذلك شيك على فلتر المكينة ونضفه اجواء السعودية عواصف رملية

كثر الوقفة تخرب الرمانات خلي بالك منها اذا في صوت ونه او رجة

غالبا اذا السيارة اصلا كانت ممتازه فماعندك مشكله
 لكن حاول قدر الامكان ترفق عليها وتدعس خيييف وفرامل خفيف ولا تنسى ان اهم شي زيت المكينة تشيك عليه وماء الرديتر 

بارك الله فيكم ، تم تقييم الجميع
،البطارية ماتت قبل شهر تقريبا أما الزيت فهو تخليقي ، ماعندي إلا سير واحد خارجي للطرمبة الماء والدركسون وبكرات السيارة
لكن فيه سير داخل المكينة هذا صعبة تشيك عليه وان شاءالله مايحتاج


على العموم أنا متخوف امشى على الزيوت مثل : الفرامل و المكينة والقير وخايف يسبب ضرر لان الغبار لاعب بالسيارة لعب

أما الجلود والعضلات بشيك عليهن ، وعندي صوت جديد ، صوت صفير توه طالع شكله اقمشة


يعين الله

ابد مامنها خوف دامك تشغلها خلال هذه الفترة وصوت الفرامل طبيعي لان الاقمشة ماسكة الهوب لها فترة ومع الحركة راح تخف وزيت الفرامل عمره طويل وزيت المحرك تخليقي لمدة سنة مامنه خوف وزيت القير كذلك دامك كنت تشغلها طرمبة زيت القير تشتغل مع التشغيل ومامنه خوف المهم اذا جيت تحركها خلك خفيف عليها ولا تشد الين تتمرن وتجسها رجعت لطبيعتها

انا كنت اوقف البلث اشهر واطلع  الأردن درلسة اشهر و عادي اشغلها وامشي بها عادي بس انفخ الكفرات هوا و اشيك على الزيوت 

الوالد كان ايام يشغلها عادي و احيانا يطلع بها.  

اذا بالظل فا الوضع طيب
اما الشمس تعدم الموتر

امير الاصيل

من أي ناحية ؟

بعد إذن أمير بجاوب عنه

قصده الظل الحرارة تقل ف السيور والبواجي والاسلاك والليات ما تتأثر بالحر واشعة الشمس الحارقة وحتى الأرضية تكون نار فتتأثر السيارة من الأسفل خصوصا لأن ارضنا تكتسب الحرارة من الشمس عشان كذا يجينا احتباس حراري مخيف خصوصا المنطقة الوسطى والغربية والشرقية

لكن عموما انت ابوها وسمها وجاوبت على نفسك .. ريح راسك وغير الزيوت كلها باستثناء زيت القير خليه يشيك عليه قبل ما تضيف عليه او تغيره

لكن بسألك

السيارة كم صار لها واقفة .. ونوع السيارة

سيارة متوقفة لمدة 8 شهور - ماليبو

ماعندك مشكلة ان شاء الله

شوف سيارات المعارض متوقفه بالسنين ولا جاها شي

8 شهور ماهي مده كبيره دامك كنت تشغلها كل فتره مايضرها غير زيت والبطاريه وشيك على باقي زيوت و ماء رديتر وشيك على الكفرات اذا ماهي قديمه مره وماخليتها تقعد مبنشره فتره ان شاء الله مايجيها شئ