أضف سؤال أو موضوع جديد          

تغيير زيت القير قبل موعده

up 1 down 0
hofo 226
قبل أسبوع و 3 يوم



السلام عليكم مسائكم الله بالخيرر
السيارة : ماليبو 6 سلندر الشكل القديم.

طبعا سيارتي قليل أمشى عليها يعني خلال 3 سنوات مشيت 5000 الاف كيلومتر فقط
و (زيت القير) لازم يتغيير بعد 25 الف وهالكلام قبل 3 سنوات
وأحس الان لازم أغير (زيت القير) مع إن ماكملت باقي الكيلوات الباقية


،
إستفساراتي بالمختصر:
1-الان هل فيه مشكلة بهذا الوضع ممشى قليل وسنوات كثيره؟
2-هل يوجد فلتر لقير الماليو أم لا ؟
3-هل وكالة الجميح تغير زيت القير ولا ترفض؟

بارك الله فيكم أنتظر إجاباتكم وتجاربكم السابقة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقدر تغيره بس نصيحتي لك لا يفرغ الزيت من الطنجره لن بياخذ منك علب زيت كثيره ويمكن يخبط 
الافضل تغير زيت القير بدون تفريغ الطنجره المطلوب فلتر قير وزيوت القير مع مانع للاحتاكك ومعجون عشان يثبت الكارتير
احرص على انهم ينظفون الكارتير 


up 1 down 0
مهراس الزهراني 1267
قبل أسبوع و 3 يوم



حياك الله اخوي مهراس ، يعني فيه عدة طرق لتغير زيت القير؟؟

أنت تقصد الكارتير اللى اسفل السيارة أغيره بدون شفط من الكبوت؟؟


up 0 down 0
hofo 226
قبل أسبوع و 3 يوم



هل الماليبو لها فلتر ؟
وش مانع للاحتاكك ؟ وهل ضروري عند تغيير الزيت؟

لان أحتمال كبير أغير بالوكالة


up 0 down 0
hofo 226
قبل أسبوع و 3 يوم



سلام عليكم 
والله ماعندي خبر عن الماليبو 

لكن سيارتي اجيبلها زيت اصلي وفلتر قير وقازقيت 
مايحتاج مانع احتكاك ولا سليكون 

اتوقع بتحصل قازقيت اصلي جديد جيبه افضل 

طبعا موتري كامري وبيفرق عن موترك يمكن 

والشباب ماراح يقصرون معك بس حبيت اعطيك طريقتي 

وبالتوفيق


up 1 down 0
m7md 33 359
قبل أسبوع و 3 يوم



انتبه للماليبو شف تجارب اللي مثل موترك
لان قيرها حساس احسب حساب كل شي


up 0 down 0
1405-1985 1303
قبل أسبوع و 3 يوم



السلام عليكم
عندي ماليبو 2013 6 سلندر مغير زيت القير 4 مرات مرتين برا الوكالة .اخذ زيت من الوكالة 5 علب وبنفس الطريقة الي في المقطع بدون تغيير فلتر لانه داخلي بس تغيير زيت
https://youtu.be/xOb4dvEnCa4


up 1 down 0
البيضاني1111111 2
قبل أسبوع و 3 يوم



ارحب يالاد بيضان خشمك
وتجربتك تستحق الشكر لانك شاركت تجربتك لغيرك وهذا شي يد على أخلاقك الطيبة



up 0 down 0
hofo 226
قبل أسبوع و 2 يوم



أخوي البيضاني بكم كلفك التغيير مع شغل اليد وأي فرع بالضبط؟
وسؤال ثاني : هل غيرت قبل الموعد المطلوب ؟ (يعني لو غيرت والزيت باقي فيه عمر يعني حول 30 الف أو 15 الف هل يضر القير ولا عادي ؟


up 0 down 0
hofo 226
قبل أسبوع و 2 يوم



اخر مره غيرت الزيت كان ماشي 35 الف و مغيره عند بنشري ب 20 بس في الباحة وانا علمته. الطريقة سهله يفك السره ويخلي الغطاء حق المكان الي يعبي منه الي هو تحت البطارية جهت المكينة غطاء اسود . يخليه مفتوح لين ينزل الزيت كله وترجع تعبية 5 علب اهم شي الزيت زي الي في المقطع


up 0 down 0
البيضاني1111111 2
قبل أسبوع و 2 يوم



وعلى هونك اول 1000 كيلو بعد تغير الزيت لاتشد لسياره مره خلها تعشق بهداوه وبالتوفيق ان شاء الله


up 0 down 0
البيضاني1111111 2
قبل أسبوع و 2 يوم



سعر الزيت بحدود 165


up 1 down 0
البيضاني1111111 2
قبل أسبوع و 2 يوم